ഭ​യാ​ശ​ങ്ക​ക​ൾ​ക്കു വി​രാ​മം; മു​ൾ​ക്കാ​ട്ടി​ൽ അ​ക​പ്പെ​ട്ട തൊ​ണ്ണൂ​റു​കാ​രി ര​ക്ഷ​പ്പെ​ട്ട​ത് ആ​ന​ത്താ​ര​യി​ലൂ​ടെ
Thursday, August 14, 2025 12:59 AM IST
അ​ഗ​ളി: ആ​ന​ക്കാ​ട്ടി​ൽ അ​ക​പ്പെ​ട്ട 90 കാ​രി​യാ​യ ആ​ദി​വാ​സി വ​യോ​ധി​ക ഭ​യാ​ശ​ങ്ക​ക​ൾ​ക്ക് വി​രാ​മ​മി​ട്ട് ഇ​ന്ന​ലെ രാ​ത്രി​യോ​ടെ തി​രി​ച്ചെ​ത്തി. അ​ട്ട​പ്പാ​ടി പ​ട്ടി​മാ​ളം ഉ​ന്ന​തി​യി​ലെ പ​രേ​ത​നാ​യ പ​ര​ട്ട​യു​ടെ ഭാ​ര്യ ചെ​ല്ലി​മൂ​പ്പ​ത്തി​യാ​ണ് കാ​ട്ടി​ൽ മ​റ​ഞ്ഞ് വ​നം​പോ​ലീ​സ് ഉ​ദ്യോ​ഗ​സ്ഥ​രെ​യും ആ​ദി​വാ​സി​ക​ളെ​യും പ​ത്തു മ​ണി​ക്കൂ​ർ മു​ൾ​മു​ന​യി​ൽ നി​ർ​ത്തി​യ​ത്. ചൊ​വ്വാ​ഴ്ച പ​ക​ൽ മൂ​ന്നു​മ​ണി​യോ​ടെ ന​ട​ക്കാ​നും വി​റ​ക് ശേ​ഖ​രി​ക്കാ​നു​യി വീ​ടി​ന് സ​മീ​പ​ത്തെ കു​റ്റി​ക്കാ​ട്ടി​ലേ​ക്ക് ഇ​റ​ങ്ങി​യ​താ​യി​രു​ന്നു മൂ​പ്പ​ത്തി. നാ​ലു​മ​ണി​ക്ക് കൃ​ത്യ​മാ​യി വീ​ട്ടി​ൽ എ​ത്തു​ക പ​തി​വു​ണ്ടാ​യി​രു​ന്ന വ​യോ​ധി​ക സ​മ​യ​ത്ത് എ​ത്താ​തി​രു​ന്ന​തി​നാ​ൽ വീ​ട്ടു​കാ​ർ അ​ന്വേ​ഷ​ണം ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല. തു​ട​ർ​ന്ന് വ​നം​വ​കു​പ്പി​ലും പോ​ലീ​സി​ലും വി​വ​രം ന​ൽ​കി.

ഉ​ദ്യോ​ഗ​സ്ഥ​രു​ടെ മേ​ൽ​നോ​ട്ട​ത്തി​ൽ രാ​ത്രി തെ​ര​ച്ചി​ൽ ന​ട​ത്തി​യെ​ങ്കി​ലും ഒ​രു തു​മ്പും ക​ണ്ടെ​ത്താ​നാ​കാ​ത്ത​തി​നാ​ൽ പ​ത്തു​മ​ണി​യോ​ടെ തെ​ര​ച്ചി​ൽ നി​ർ​ത്തി. ഇ​ന്ന​ലെ പു​ല​ർ​ച്ചെ ഒ​ന്ന​ര​യോ​ടെ ആ​ന​ത്താ​ര​യി​ൽ നി​ന്നും നാ​യ്ക്ക​ൾ കു​ര​ക്കു​ന്ന ശ​ബ്ദം കേ​ട്ട് ടോ​ർ​ച്ച് തെ​ളി​ച്ചു നോ​ക്കി​യ ഉ​ന്ന​തി​യി​ലെ പ​ഴ​നി​യാ​ണ് കു​റ്റി​ക്കാ​ട്ടി​ലൂ​ടെ കൂ​രി​രു​ട്ടി​ൽ കു​നി​ഞ്ഞു ന​ട​ന്നു​വ​ന്ന ചെ​ല്ലി​യെ ക​ണ്ട​ത്. ഉ​ട​ൻ നി​വാ​സി​ക​ളെ വി​ളി​ച്ചുകൂ​ട്ടി മൂ​പ്പ​ത്തി​യെ വീ​ട്ടി​ലേ​ക്ക് കൊ​ണ്ടു​വ​ന്ന് ബ​ന്ധു​ക്ക​ളെ ഏ​ൽ​പ്പി​ച്ചു.

ൊ കു​റ്റി​ക്കാ​ട്ടി​ലൂ​ടെ ന​ട​ന്ന വൃ​ദ്ധ വീ​ട്ടി​ൽ നി​ന്നും 150 മീ​റ്റ​റോ​ളം മാ​റി മു​ൾ​ക്കാ​ട്ടി​ൽ അ​ക​പ്പെ​ടു​ക​യാ​യി​രു​ന്നു. ശ​ബ്ദ​മു​ണ്ടാ​ക്കി ആ​ളെ അ​റി​യി​ക്കാ​ൻ ശ​ക്തി​യു​ണ്ടാ​യി​രു​ന്നി​ല്ല. മു​ള്ളു​ക​ൾ കൊ​ണ്ട് ശ​രീ​ര​ത്ത് മു​റി​വു​ക​ൾ ഉ​ണ്ടാ​യി​ട്ടു​ണ്ട്.​ഒ​റ്റ​യ്ക്കും കൂ​ട്ടാ​യും ഭ​വാ​നി​പ്പു​ഴ​യി​ലേ​ക്ക് വെ​ള്ളം കു​ടി​ക്കാ​ൻ കാ​ട്ടാ​ന​ക​ൾ സ്ഥി​രം സ​ഞ്ച​രി​ക്കു​ന്ന ആ​ന​ത്താ​ര​യി​ലൂ​ടെ ആ​യി​രു​ന്നു ചെ​ല്ലി​മൂ​പ്പ​ത്തി ന​ട​ന്നു​വ​ന്ന​തെ​ന്ന് പ​ഴ​നി പ​റ​ഞ്ഞു. ഭ​യം ഉ​ണ്ടാ​യി​ല്ലെ​ന്നും രാ​ത്രി പു​ലി ക​ട​ന്നു​പോ​കു​ന്ന​ത് ക​ണ്ടെ​ന്നും ആ​ന​ക​ളെ ഒ​ന്നി​നെ​യും ക​ണ്ടി​ല്ലെ​ന്നും മൂ​പ്പ​ത്തി പ​റ​ഞ്ഞു.
Copyright @ 2018 , Rashtra Deepika Ltd.