വി​ശേ​ഷ​ങ്ങ​ൾ പ​റ​ഞ്ഞാ​ൽ തീ​രാ​ത്ത പെ​രു​വ​ണ്ണാ​പു​ര​ത്തെ പ്ര​ണ​യ​ത്തി​ന്‍റെ​യും സൗ​ഹൃ​ദ​ത്തി​ന്‍റെ​യും കോ​ലാ​ഹ​ല​ങ്ങ​ളു​ടേ​യും ഒ​ടു​വി​ൽ നി​ർ​ലോ​പ​മാ​യ കു​റ​ച്ചു ചി​രി​യ​ര​ങ്ങി​ന്‍റെ​യും ക​ഥ പ​റ​ഞ്ഞെ​ത്തി​യ ചി​ത്ര​മാ​യി​രു​ന്നു പെ​രു​വ​ണ്ണാ​പു​ര​ത്തെ വി​ശേ​ഷ​ങ്ങ​ൾ. ഒ​രു കാ​ല​ത്ത് മ​ല​യാ​ളി​ക​ളു​ടെ നാ​വി​ൻ തു​ന്പ​ത്തു പെ​രു​വ​ണ്ണാ​പു​ര​ത്തു​കാ​രാ​യി​രു​ന്നു വി​ള​യാ​ടി നി​ന്ന​ത്. ശി​വ​ശ​ങ്ക​ര​നും അ​ടി​ച്ചു ത​ളി​ക്കാ​രി ജാ​നു​വും മ​ക​ൻ അ​ച്ചു​വും കു​ഞ്ഞു​ല​ക്ഷ്മി​യും കീ​ലേ​രി പ​പ്പ​നും അ​ടി​യോ​ടി​യും ആ​ന്‍റ​പ്പ​നും മോ​ഹി​നി​യു​മെ​ല്ലാം അ​ത്ര​ത്തോ​ളം പ​രി​ച​യം. ഇ​രു​പ​ത്തെ​ട്ടു വ​ർ​ഷ​മാ​യി മ​ല​യാ​ളി​ക​ളു​ടെ കാ​ഴ്ചാ​നു​ഭ​വ​ത്തി​ൽ തെ​ളി​ഞ്ഞു നി​ൽ​ക്കു​ക​യാ​ണ് പെ​രു​വ​ണ്ണാ​പു​ര​ത്തു​കാ​രു​ടെ ക​ഥ​ക​ൾ.




1989-ൽ ​ജ​യ​റാ​മി​നെ നാ​യ​ക​നാ​ക്കി ക​മ​ൽ സം​വി​ധാ​നം ചെ​യ്ത ചി​ത്ര​മാ​യി​രു​ന്നു ഇ​ത്. ക​മ​ലി​ന്‍റെ ക​ഥ​യി​ൽ ര​ഞ്ജി​ത് തി​ര​ക്ക​ഥ​യും സം​ഭാ​ഷ​ണ​വും ര​ചി​ച്ച ചി​ത്രം ഹാ​സ്യ​ത്തി​ന്‍റെ പ​ശ്ചാ​ത്ത​ല​ത്തി​ൽ ഒ​രു പ്ര​ണ​യ ക​ഥ​യാ​ണ് പ​റ​ഞ്ഞ​ത്. ജ​യ​റാം ശി​വ​ശ​ങ്ക​ര​നാ​യും പി​ന്നീ​ട് ജ​യ​റാ​മി​ന്‍റെ ഭാ​ര്യാ​യാ​യ പാ​ർ​വ്വ​തി കു​ഞ്ഞു​ല​ക്ഷ്മി​യു​മാ​യ ചി​ത്ര​ത്തി​ൽ ജ​ഗ​തി ശ്രീ​കു​മാ​ർ, ഫി​ലോ​മി​ന, ഇ​ന്ന​സെ​ന്‍റ്, സി​ദ്ധി​ഖ്, ക​ൽ​പ​ന, കു​തി​ര​വ​ട്ടം പ​പ്പു, ഒ​ടു​വി​ൽ ഉ​ണ്ണി​കൃ​ഷ്ണ​ൻ, മാ​മു​ക്കോ​യ എ​ന്നി​ങ്ങ​നെ വ​ലി​യ താ​ര​നി​ര​യെ​ത്തു​ന്നു​ണ്ട്.




ഇ​വ​ർ ക്കൊ​ക്കെ പു​റ​മെ മോ​ഹ​ൻ​ലാ​ൽ ഈ ​ചി​ത്ര​ത്തി​ൽ അ​തി​ഥി വേ​ഷ​ത്തി​ലെ​ത്തി​യ​ത് ചി​ത്ര​ത്തി​ന്‍റെ വാ​ണി​ജ്യ വി​ജ​യ​ത്തി​നു പ്രേ​ക്ഷ​ക സ്വീ​കാ​ര്യ​ത​യ്ക്കും ആ​ക്കം കൂ​ട്ടി​യി​രു​ന്നു. ക​മ​ലും കൂ​ട്ട​രും ഈ ​ചി​ത്ര​ത്തി​ന്‍റെ ക​ഥ മ​ന​സി​ൽ കാ​ണു​ന്ന സ​മ​യ​ത്ത് മോ​ഹ​ൻ​ലാ​ലി​നെ നാ​യ​ക​നാ​ക്ക​ണ​മെ​ന്നാ​യി​രു​ന്നു മ​ന​സി​ൽ. എ​ന്നാ​ൽ അ​ന്നു മ​ന​സി​ൽ ക​ണ്ട ക​ഥാ​പാ​ത്രം മോ​ഹ​ൻ​ലാ​ലി​ന്‍റെ മ​റ്റൊ​രു ക​ഥാ​പാ​ത്ര​വു​മാ​യി സാ​മ്യം വ​ന്ന​പ്പോ​ഴാ​ണ് ക​ഥ​യു​ടെ പ​ശ്ചാ​ത്ത​ലം മാ​റ്റി ജ​യ​റാ​മി​നെ നാ​യ​ക​നാ​ക്കു​ന്ന​ത്. അ​പ്പോ​ഴും സി​നി​മ​യി​ൽ ആ​ദ്യ​മ​ധ്യാ​ന്തം പ​റ​യു​ന്ന ഒ​രു ക​ഥാ​പാ​ത്ര​ത്തി​ലൂ​ടെ മോ​ഹ​ൻ​ലാ​ലി​ന്‍റെ ശ​ക്ത​മാ​യ അ​തി​ഥി വേ​ഷ​ത്തി​നെ അ​വ​സാ​നം ഒ​രു​ക്കി​വ​യ്ക്കാ​നും ക​മ​ലി​നു ക​ഴി​ഞ്ഞു. ജ​യ​റാ​മി​ന്‍റെ വേ​ഷ​ത്തെ കു​റ​ച്ചു കാ​ണു​ക​യ​ല്ലെ​ന്നും മോ​ഹ​ൻ​ലാ​ൽ ക​ഥാ​പാ​ത്ര​ത്തി​ന്‍റെ സ്വാ​ധീ​നം ചി​ത്ര​ത്തി​ന് അ​ത്ര​ത്തോ​ള​മു​ണ്ടാ​യി​രു​ന്നെ​ന്നും ക​മ​ൽ ത​ന്നെ പ​റ​ഞ്ഞി​ട്ടു​ള്ള​താ​ണ്.



പെ​രു​വ​ണ്ണാ​പു​ര​ത്ത് കാ​വും​പാ​ട്ടു ത​റ​വാ​ട്ടി​ലെ കു​റു​പ്പു​മ്മാ​രു​ടെ അ​രു​മ പെ​ങ്ങ​ളാ​ണ് കു​ഞ്ഞു ല​ക്ഷ്മി. അ​തു​കൊ​ണ്ടു ത​ന്നെ ഗ​ർ​വും ഏ​റെ​യാ​ണ് അ​വ​ൾ​ക്ക്. കാ​വും​പാ​ട്ടു​കാ​ര് ന​ട​ത്തു​ന്ന കോ​ള​ജി​ൽ പൈ​സ​കൊ​ടു​ത്തു പ്യൂ​ണാ​യി ജോ​ലി​ക്കു ക​യ​റി​യ​താ​ണ് ശി​വ​ശ​ങ്ക​ര​ൻ. കീ​ലേ​രി പ​പ്പ​നു ന​ഷ്ട​പ്പെ​ട്ട ജോ​ലി​യി​ലേ​ക്കെ​ത്തി​യ​താ​ണ് ശി​വ​ശ​ങ്ക​ര​ൻ. സ്കൂ​ളി​ലെ ജോ​ലി​ക്കൊ​പ്പം കാ​വും​പാ​ട്ട് വീ​ട്ടി​ലേ​ക്കു​ള്ള സ​ഹാ​യ​ങ്ങ​ളും ശി​വ​ശ​ങ്ക​ര​നെ​ക്കൊ​ണ്ടു ചെ​യ്യി​ക്കു​ന്നു​ണ്ട്. ഇ​ട​യി​ൽ ശി​വ​ശ​ങ്ക​ര​നെ ക​ളി​യാ​ക്കാ​നു​ള്ള അ​വ​സ​ര​മൊ​ന്നും കു​ഞ്ഞു​ല​ക്ഷ്മി പാ​ഴാ​ക്ക​റു​മി​ല്ല. ക്ലാ​സി​ലെ മ​റ്റൊ​രു വി​ദ്യാ​ർ​ത്ഥി എ​ഴു​തി ബു​ക്കി​ൽ വ​യ്ക്കു​ന്ന പ്രേ​മ​ലേ​ഖ​ന​ത്തി​ന്‍റെ പേ​രി​ൽ കു​ഞ്ഞു​ല​ക്ഷ്മി ശി​വ​ശ​ങ്ക​ര​ന്‍റെ ജോ​ലി ന​ഷ്ട​പ്പെ​ടു​ത്തു​ക​യും സ​ഹോ​ദ​രന്മാരെ​ക്കൊ​ണ്ടു മ​ർ​ദി​ക്കു​ക​യും ചെ​യ്യു​ന്നു.



ഇ​തി​ന്‍റെ വാ​ശി​യി​ൽ അ​ടു​ത്ത പ​തി​ന​ഞ്ചു ദി​വ​സ​ത്തി​നു​ള്ളി​ൽ കു​ഞ്ഞു​ല​ക്ഷ്മി​യെ താ​ൻ വി​വാ​ഹം ക​ഴി​ക്കു​മെ​ന്ന് ശി​വ​ശ​ങ്ക​ര​ൻ വീ​ര​വാ​ദം മു​ഴ​ക്കു​ന്നു. അ​വ​ളു​ടെ മ​ന​സി​ലി​ടം നേ​ടാ​നാ​യി അ​വ​നും കൂ​ട്ട​രും പ​ല​ശ്ര​മ​ങ്ങ​ൾ ന​ട​ത്തി​യെ​ങ്കി​ലും ഒ​ന്നും ഫ​ല​വ​ത്താ​കു​ന്നി​ല്ല. ഇ​തി​നി​ട​യി​ൽ പ്രേ​മ​ലേ​ഖ​ന​ത്തി​ന്‍റെ സ​ത്യാ​വ​സ്ഥ അ​റി​യു​ന്ന കു​ഞ്ഞു​ല​ക്ഷ്മി​ക്കു മ​ന​സി​ൽ ശി​വ​ശ​ങ്ക​ര​നോ​ട് സ​ഹ​താ​പം തോ​ന്നു​ക​യും അ​തു പ്ര​ണ​യ​മാ​യി മാ​റു​ക​യും ചെ​യ്തു.




എ​ന്നാ​ൽ ഇ​തി​നി​ട​യി​ൽ നാ​ട്ടി​ലെ​ത്തു​ന്ന അ​ടി​ച്ചു ത​ളി​ക്കാ​രി ജാ​നു​വി​ന്‍റെ മ​ക​ൻ അ​ച്ചു​വു​മാ​യി കു​ഞ്ഞു​ല​ക്ഷ്മി​യു​ടെ വി​വാ​ഹം വീ​ട്ടു​കാ​ർ ഉ​റ​പ്പി​ക്കു​ന്നു. എ​ന്നാ​ൽ ക​ഥാ​വ​സാ​നം ശി​വ​ശ​ങ്ക​ര​നു​മാ​യി കു​ഞ്ഞു ല​ക്ഷ്മി​യു​ടെ വി​വാ​ഹം ന​ട​ത്തി​യി​ട്ടാ​ണ് അ​ച്ചു പെ​രു​വ​ണ്ണാ​പു​ര​ത്തി​നോ​ട് യാ​ത്ര പ​റ​യു​ന്ന​ത്.



തി​ക​ച്ചും ഹാ​സ്യ​ര​സ​ത്തി​നെ മു​ൻ​നി​ർ​ത്തി​യാ​ണ് ര​ഞ്ജി​ത് ഈ ​ചി​ത്ര​ത്തി​നു തി​ര​ക്ക​ഥ ഒ​രു​ക്കി​യി​രി​ക്കു​ന്ന​ത്. എ​ന്നാ​ൽ ഒ​രു ത​മാ​ശ​പ്പ​ട​മാ​യി കൂ​പ്പു​കു​ത്താ​തെ സി​നി​മ​യെ ദൃ​ഢ​മാ​യി കൊ​ണ്ടു​പോ​കാ​നും സം​വി​ധാ​യ​ക​നു ക​ഴി​ഞ്ഞി​രി​ക്കു​ന്നു. നാ​ട്ടി​ൻ​പു​റ​ത്തി​ന്‍റെ സ​ത്യ​സ​ന്ധ​ത​യും വൈ​കാ​രി​ക​മാ​യ ഇ​ഴ​യ​ടു​പ്പ​വും ചി​ത്രം കാ​ണി​ച്ചു ത​രു​ന്നു​ണ്ട്. ചി​ത്ര​ത്തി​നൊ​പ്പം ജോ​ണ്‍​സ​ൻ- പി.​കെ ഗോ​പി​യു​ടെ ഗാ​ന​ങ്ങ​ളും ഏ​റെ ജ​ന​കീ​യ​മാ​യി​രു​ന്നു. കാ​ല​മി​ത്ര​യു​മാ​യി​ട്ടും ഇ​ന്നും പു​തി​യ ത​ല​മു​റ​വ​രെ ടെ​ലി​വി​ഷ​നി​ൽ വീ​ണ്ടും കാ​ണാ​ൻ ആ​ഗ്ര​ഹി​ക്കു​ന്ന ചി​ത്ര​ങ്ങ​ളി​ൽ ഒ​ന്നാ​ണ് പെ​രു​വ​ണ്ണാ​പു​ര​ത്തെ വി​ശേ​ഷ​ങ്ങ​ൾ.

അ​നൂ​പ് ശ​ങ്ക​ർ