ഇരിട്ടി: മാക്കൂട്ടം ചുരം പാതയിൽ അപകടങ്ങൾ തുടർക്കഥയാകുന്നു. കഴിഞ്ഞദിവസം ചുരത്തിൽ കാറുകൾ തമ്മിൽ കൂട്ടിയിടിച്ചുണ്ടായ അപകടത്തിൽ യാത്രക്കാർ തലനാരിഴയ്ക്കാണ് രക്ഷപ്പെട്ടത്.
വീരാജ്പേട്ട ഭാഗത്തു നിന്ന് കുട്ടുപുഴ ഭാഗത്തേക്ക് വരികയായിരുന്ന കാറിന് പിന്നിൽ മറ്റൊരു കാർ ഇടിക്കുകയായിരുന്നു. ഇടിയുടെ ആഘാതത്തിൽ മുന്നിലെ കാർ നിയന്ത്രണം വിട്ട് സമീപത്തെ ചെറിയ കുഴിയിലേക്ക് മറിഞ്ഞു.
കാർ ഇവിടെ തങ്ങി നിന്നതിനാലാണ് വലിയ ദുരന്തം ഒഴിവായത്.
കാറിലുണ്ടായിരുന്നവർ നിസാര പരിക്കുകളോടെ രക്ഷപ്പെട്ടു.