ജല അഥോറിറ്റി കുഴിച്ച കുഴികള് അടയ്ക്കാത്തതിനെതിരെ മൂവാറ്റുപുഴ പിഒ ഇംഗ്ഷനിലെ റോഡിന് നടുവില് രൂപപ്പെട്ട മണ്കൂനയില് കിടന്ന് ഓട്ടോ തൊഴിലാളിയും പൊതുപ്രവര്
മൂവാറ്റുപുഴ: പിഒ ജംഗ്ഷനിലും കാവുംപടി റോഡില് പോലീസ് സ്റ്റേഷനു സമീപവും പൈപ്പ് പൊട്ടലിനെ തുടര്ന്ന് ജല അഥോറിറ്റി കുഴിച്ച കുഴികള് ഗര്ത്തങ്ങളായി മാറി അപകടങ്ങള് പെരുകിയിട്ടും നന്നാക്കാത്തതിനെ തുടര്ന്ന് ഓട്ടോ തൊഴിലാളിയും പൊതുപ്രവര്ത്തകനുമായ എം.ജെ. ഷാജി നിലത്ത് കിടന്ന് പ്രതിഷേധിച്ചു.
പലവട്ടം നാട്ടുകാര് പരാതി പറഞ്ഞിട്ടും അധികാരികള് യാതൊരു നടപടിയും സ്വീകരിക്കാത്തിതനെ തുടര്ന്നാണ് പിഒ ഇംഗ്ഷനിലെ റോഡിന് നടുവില് രൂപപ്പെട്ട മണ്കൂനയില് കിടന്ന് വാഴപ്പിള്ളി മുണ്ടയ്ക്കല് എം.ജെ. ഷാജി പ്രതിഷേധിച്ചത്.
സംഭവം അറിഞ്ഞ് പോലീസ് സ്ഥലത്തെത്തി. മൂവാറ്റുപുഴ ജല അഥോറിറ്റിയിലെ പിഎച്ച് സെക്ഷന് എഇ വിജിലിന്റെ നേതൃത്വത്തില് ഉദ്യോഗസ്ഥരും എത്തി. പോലീസ് ഉദ്യോഗസ്ഥരുടെ സാന്നിധ്യത്തില് ഉടന് റോഡ് സഞ്ചാരയോഗ്യമാക്കുമെന്ന് രേഖാമൂലം ഉറപ്പ് നല്കിയ ശേഷമാണ് ഷാജി പ്രതിഷേധ സമരം അവസാനിപ്പിച്ചത്.
Tags : Local News Nattuvishesham Ernakulam