സുൽത്താൻ ബത്തേരി: ബിജെപി നിയോജകമണ്ഡലം കമ്മിറ്റിയുടെ നേതൃത്വത്തിൽ ഐ.സി. ബാലകൃഷ്ണൻ എംഎൽഎയുടെ ഓഫീസിലേക്ക് മാർച്ച് നടത്തി. നിയോജകമണ്ഡലത്തിലെ വികസന മുരടിപ്പിൽ പ്രതിഷേധിച്ചായിരുന്നു സമരം.
സ്വതന്ത്ര മൈതാനിയിൽ ആരംഭിച്ച മാർച്ച് എംഎൽഎ ഓഫീസ് പരിസരത്ത് പോലീസ് തടഞ്ഞു. ഇതേത്തുടർന്ന് ചേർന്ന യോഗം പാർട്ടി സംസ്ഥാന വക്താവ് അഡ്വ. വി.പി. ശ്രീപദ്മനാഭൻ ഉദ്ഘാടനം ചെയ്തു. മണ്ഡലം പ്രസിഡന്റ് എ.എസ്. കവിത അധ്യക്ഷത വഹിച്ചു. ജില്ലാ പ്രസിഡന്റ് പ്രശാന്ത് മലവയൽ, കെ.ഡി. ഷാജിദാസ്, വി. മോഹനൻ, കെ.ബി. മഥൻലാൽ, പി.സി. ഗോപിനാഥ്, ടി.എം. സുബീഷ്, എം.പി. ദിനേശ്കുമാർ, പി.ആർ. ലക്ഷ്മണൻ എന്നിവർ പ്രസംഗിച്ചു.