കോഴഞ്ചേരി: ജീവിതശൈലീ രോഗങ്ങളും നാഡിസംബന്ധമായ പ്രശ്നങ്ങളും മുൻകൂട്ടി കണ്ടെത്തി കൃത്യമായ പരിചരണം ഉറപ്പാക്കുന്നതിനായി കോഴഞ്ചേരി മുത്തൂറ്റ് ആശുപത്രിയിൽ പ്രത്യേക ന്യൂറോളജി ക്യാമ്പ് 29നു സംഘടിപ്പിക്കും. കുറഞ്ഞ നിരക്കിൽ ലഭ്യമാകുന്ന സമഗ്ര ആരോഗ്യ പരിശോധനാ പാക്കേജ് രാവിലെ ഒന്പതു മുതൽ ഉച്ചകഴിഞ്ഞ് മൂന്നുവരെയാണ്.
സ്ഥിരമായ തലവേദന, കഴുത്തുവേദന, കാഴ്ചാപ്രശ്നങ്ങൾ, കൈകാലുകളിലെ ബലക്കുറവ്, വിറയൽ, പെരുപ്പ്, ഓർമക്കുറവ്, ഉറക്കമില്ലായ്മ, ശരീരവേദന, അപസ്മാരം തുടങ്ങിയ ലക്ഷണങ്ങളുള്ളവർക്ക് ഈ ക്യാമ്പ് ഏറെ പ്രയോജനപ്രദമാണ്. നാഡീസംബന്ധമായ ആരോഗ്യവും ശരീരത്തിന്റെ പൊതുവായ ആരോഗ്യസ്ഥിതിയും വിലയിരുത്തുന്നതിനാവശ്യമായ പ്രധാന പരിശോധനകൾ ഈ പാക്കേജിൽ ഉൾപ്പെടുത്തിയിട്ടുണ്ട്. ന്യൂറോളജി, ഡയറ്റീഷ്യൻ വിഭാഗങ്ങളിലെ വിദഗ്ധരുടെ പരിശോധനകളും ഡോക്ടറുടെ നിർദേശപ്രകാരം ഫിസിയോതെറാപ്പി, സ്പീച്ച് തെറാപ്പി കൺസൾട്ടേഷനും ലഭ്യമാണ്.
നെക്ക് വെസൽ ഡോപ്ലർ, ഇഇജി, എംആർഐ, സിടി, വിഇപി, നർവ് കണ്ടക്ഷൻ സ്റ്റഡി തുടങ്ങിയ പ്രത്യേക പരിശോധനകൾക്കും മറ്റ് ചികിത്സകൾക്കും പ്രത്യേക ഇളവുകൾ ആവശ്യമെങ്കിൽ അനുവദിക്കും. പരിശോധനകൾക്കായി മുൻകൂട്ടി ബുക്ക് ചെയ്യുന്നതിനും കൂടുതൽ വിവരങ്ങൾക്കും 99461 60000 എന്ന നമ്പറിൽ ബന്ധപ്പെടണം.