ഡിസിസി ഓഫീസിൽ എഐസിസി ജനറൽ സെക്രട്ടറി ദീപാദാസ് മുൻഷി കോണ്ഗ്രസ് നേതാക്കളോട് സംസാരിക്കുന്നു.
കൽപ്പറ്റ: നിയമസഭാ തെരഞ്ഞെടുപ്പിന് ജില്ലയിൽ കോണ്ഗ്രസ് നടത്തുന്ന ഒരുക്കം എഐസിസി ജനറൽ സെക്രട്ടറി ദീപ ദാസ് മുൻഷി വിലയിരുത്തി. ജില്ലാ കോണ്ഗ്രസ് കമ്മിറ്റി ഓഫീസിൽ മുതിർന്ന നേതാക്കൾ, ഡി സിസി ഭാരവാഹികൾ, ബ്ലോക്ക് പ്രസിഡന്റുമാർ എന്നിവരുമായി അവർ കൂടിക്കാഴ്ച നടത്തി. സമഗ്ര വോട്ടർ പട്ടിക പരിഷ്കരണവുമായി ബന്ധപ്പെട്ട പ്രവർത്തനങ്ങൾ ചോദിച്ചറിഞ്ഞു. പ്രവർത്തനങ്ങളിൽ വരുത്തേണ്ട മാറ്റങ്ങൾ നിർദേശിച്ചു. എസ്ഐആർ മൂലം ഒരാൾക്കുപോലും വോട്ട് നഷ്ടമാകുന്ന സാഹചര്യം ഉണ്ടാകരുതെന്നു അവർ പറഞ്ഞു.
ഡിസിസി പ്രസിഡന്റ് ടി.ജെ. ഐസക് അധ്യക്ഷത വഹിച്ചു. എംഎൽഎമാരായ ടി. സിദ്ദിഖ്, ഐ.സി. ബാലകൃഷ്ണൻ, എഐസിസി സെക്രട്ടറി മൻസൂർ അലി ഖാൻ, കെപിസിസി ജനറൽ സെക്രട്ടറിമാരായ പി. എം. നിയാസ്, വിദ്യ ബാലകൃഷ്ണൻ, കെ.എൽ. പൗലോസ്, എഐസിസി അംഗങ്ങളായ എൻ.ഡി. അപ്പച്ചൻ, പി.കെ. ജയലക്ഷ്മി, നേതാക്കളായ പി.പി. ആലി, കെ.ഇ. വിനയൻ, വി.എ. മജീദ്, എൻ.കെ. വർഗീസ്, ഒ.വി. അപ്പച്ചൻ,
സംഷാദ് മരക്കാർ, ശ്രീകാന്ത് പട്ടയൻ, ബിനു തോമസ്, ഡി.പി. രാജശേഖരൻ, പി.ഡി. സജി, എൻ.സി. കൃഷ്ണകുമാർ, എൻ.യു. ഉലഹന്നാൻ, പി.കെ. അബ്ദുറഹ്മാൻ, എടക്കൽ മോഹനൻ, ചിന്നമ്മ ജോസ്, പി.വി. ജോർജ്, എച്ച്.ബി. പ്രദീപ്, നിസി അഹമ്മദ്, ഉമ്മർ കുണ്ടാട്ടിൽ, പോൾസണ് കൂവക്കൽ, വർഗീസ് മുരിയൻകാവിൽ, എ.എം. നിഷാന്ത്, ജിൽസണ് തൂപ്പുംകര, ബി. സുരേഷ് ബാബു എന്നിവർ പ്രസംഗിച്ചു.
Tags : Local News Nattuvishesham Wayanad Congress Deepa Das Munshi