30

കാ​ഞ്ഞി​ര​പ്പ​ള്ളി: കാ​ഞ്ഞി​ര​പ്പ​ള്ളി ഫ​യ​ര്‍ സ്റ്റേ​ഷ​ൻ വാ​ട​ക​ക്കെ​ട്ടി​ട​ത്തി​ന്‍റെ ശ്വാ​സം​മു​ട്ട​ലി​ൽ​നി​ന്ന് ര​ക്ഷ​നേ​ടു​ന്നു. പു​തി​യ കെ​ട്ടി​ടം നി​ര്‍​മി​ക്കു​ന്ന​തി​ന് 2.40 കോ​ടി രൂ​പ എം​എ​ല്‍​എ ഫ​ണ്ട് അ​നു​വ​ദി​ച്ച​താ​യി ചീ​ഫ് വി​പ്പ് ഡോ. ​എ​ന്‍. ജ​യ​രാ​ജ് അ​റി​യി​ച്ചു. ഫ​യ​ര്‍ സ്റ്റേ​ഷ​ന്‍ തു​ട​ക്കം മു​ത​ല്‍ വാ​ട​ക​ക്കെ​ട്ടി​ട​ങ്ങ​ളി​ലാ​ണ് പ്ര​വ​ര്‍​ത്തി​ക്കു​ന്ന​ത്.

ശ​ബ​രി​മ​ല സീ​സ​ണി​ലു​ള്‍​പ്പെ​ടെ ഫ​യ​ര്‍​ഫോ​ഴ്‌​സി​ന്‍റെ സേ​വ​നം അ​ത്യ​ന്താ​പേ​ക്ഷി​ത​മാ​യ പ്ര​ദേ​ശ​മാ​ണ്. വെ​ള്ളം കി​ട്ടു​ന്ന​തും കെ​ട്ടി​ട​നി​ര്‍​മാ​ണ​ത്തി​ന് യോ​ജി​ച്ച​തു​മാ​യ സ്ഥ​ലം ക​ണ്ടെ​ത്തു​ന്ന​തി​നു​ള്ള വ്യാ​പ​ക​മാ​യ അ​ന്വേ​ഷ​ണ​ത്തി​നൊ​ടു​വി​ലാ​ണ് കാ​ഞ്ഞി​ര​പ്പ​ള്ളി-​മ​ണി​മ​ല റോ​ഡി​ല്‍ മ​ണ്ണാ​റ​ക്ക​യം ഭാ​ഗ​ത്ത് റോ​ഡ് നി​ര്‍​മാ​ണ​ത്തി​ന് ആ​വ​ശ്യ​മാ​യ സ്ഥ​ലം ഒ​ഴി​വാ​ക്കി ബാ​ക്കി​വ​രു​ന്ന 17.70 സെ​ന്‍റ് സ്ഥ​ലം ക​ണ്ടെ​ത്തി​യ​ത്. ഇ​ത് സം​ബ​ന്ധി​ച്ച് റ​വ​ന്യു​മ​ന്ത്രി​ക്ക് നി​വേ​ദ​നം ന​ൽ​കി.

നി​യ​മ​സ​ഭ​യി​ല്‍ സ​ബ്മി​ഷ​നും അ​വ​ത​രി​പ്പി​ച്ചി​രു​ന്നു. ന​ട​പ​ടി​ക്ര​മ​ങ്ങ​ള്‍ പൂ​ര്‍​ത്തി​യാ​ക്കി സ്ഥ​ലം അ​നു​വ​ദി​ച്ചു​കൊ​ണ്ട് കോ​ട്ട​യം ജി​ല്ലാ ക​ള​ക്‌​ട​റു​ടെ അ​ന്തി​മ ഉ​ത്ത​ര​വ് ല​ഭി​ച്ചു. ഈ ​സ്ഥ​ല​ത്ത് ആ​വ​ശ്യ​മാ​യ കെ​ട്ടി​ടം പൊ​തു​മ​രാ​മ​ത്ത് വ​കു​പ്പ് മു​ഖേ​ന നി​ര്‍​മി​ക്കു​ന്ന​തി​നാ​ണ് എം​എ​ല്‍​എ ഫ​ണ്ട് അ​നു​വ​ദി​ച്ചി​രി​ക്കു​ന്ന​ത്. എ​ത്ര​യും വേ​ഗം പു​തി​യ കെ​ട്ടി​ടം പ​ണി​ത് കാ​ഞ്ഞി​ര​പ്പ​ള്ളി​യി​ല്‍ ത​ന്നെ ഫ​യ​ര്‍ സ്റ്റേ​ഷ​ന്‍ നി​ല​നി​ര്‍​ത്തു​ന്ന​തി​ന് ന​ട​പ​ടി സ്വീ​ക​രി​ക്കു​മെ​ന്ന് ചീ​ഫ് വി​പ്പ് അ​റി​യി​ച്ചു.

35 വ​ർ​ഷ​മാ​യി
വാ​ട​ക​ക്കെ​ട്ടി​ട​ത്തി​ൽ

1990ൽ ​സ്റ്റേ​ഷ​ൻ ആ​രം​ഭി​ച്ച ‍ കാ​ലം മു​ത​ൽ ഇ​ടു​ങ്ങി​യ വാ​ട​ക​ക്കെ​ട്ടി​ട​ത്തി​ലാ​ണ് സ്റ്റേ​ഷ​ൻ പ്ര​വ​ർ​ത്തി​ക്കു​ന്ന​ത്. വേ​ന​ൽ​ക്കാ​ല​ത്ത് കു​ടി​ക്കാ​നും കു​ളി​ക്കാ​നും പ്രാ​ഥ​മി​കാ​വ​ശ്യ​ങ്ങ​ൾ​ക്കു​പോ​ലും വെ​ള്ള​മെ​ടു​ക്കു​ന്ന​ത് അ​യ​ൽ​പ​ക്ക​ത്തെ കി​ണ​റ്റി​ൽ​നി​ന്നാ​ണ്. 44 ഉ​ദ്യോ​ഗ​സ്ഥ​ർ ജോ​ലി ചെ​യ്യു​ന്ന സ്റ്റേ​ഷ​നി​ൽ ഒ​രു ഷി​ഫ്റ്റി​ൽ കു​റ​ഞ്ഞ​ത് 15 മു​ത​ൽ 20 ഉ​ദ്യോ​ഗ​സ്ഥ​ർ​വ​രെ​യു​ണ്ടാ​കും.

ആ​കെ 1500ൽ ​താ​ഴെ മാ​ത്രം ച​തു​ര​ശ്ര അ​ടി വി​സ്തീ​ർ​ണ​മു​ള്ള സ്റ്റേ​ഷ​നി​ൽ ഗാ​രേ​ജ് ക​ഴി​ഞ്ഞാ​ൽ ഓ​ഫീ​സും ഒ​രു വി​ശ്ര​മ​മു​റി​യും അ​ടു​ക്ക​ള​യും ഒ​രു സ്റ്റോ​റും ഒ​രു ശു​ചി​മു​റി​യും മാ​ത്ര​മാ​ണു​ള്ള​ത്. ഇ​ടു​ങ്ങി​യ വി​ശ്ര​മ​മു​റി​യി​ൽ പ​ര​മാ​വ​ധി അ​ഞ്ചു​പേ​ർ​ക്കു കി​ട​ക്കാം. രാ​ത്രി സ​മ​യ​ങ്ങ​ളി​ൽ ബാ​ക്കി​യു​ള്ള​വ​ർ വി​ശ്ര​മി​ക്കു​ന്ന​ത് അ​ടു​ക്ക​ള​യി​ലും ഗാ​രേ​ജി​ലു​മാ​ണ്.

Tags : fire station natuvisesham local news