സെന്റ് മേരീസ് കോളജിൽ അക്കാദമിക് സമ്മിറ്റും ലൈഫ് സയൻസ് റിസർച്ച് സെന്റർ ഉദ്ഘാടനവും ഡോ. അച്യുത്ശങ്കർ എസ്. നായർ നിർവഹിക്കുന്നു.
തൃശൂർ: പുതിയ വിദ്യാഭ്യാസനയം, നൂതന ഗവേഷണസാധ്യതകൾ എന്നിവ ചർച്ച ചെയ്യാൻ സെന്റ് മേരീസ് (ഓട്ടോണമസ്) കോളജിൽ അക്കാദമിക് സമ്മിറ്റ് നടത്തി. കേരളത്തിന്റെ ഉന്നതവിദ്യാഭ്യാസ കൗണ്സിൽ വൈസ് ചെയർമാൻ പ്രഫ. ഡോ. അച്യുത്ശങ്കർ എസ്. നായർ മൾട്ടി ഡിസിപ്ലിനറി റിസർച്ച് സെന്റർ ഇൻ ലൈഫ് സയൻസിന്റെ ഉദ്ഘാടനം നിർവഹിച്ചു.
കാലിക്കട്ട് യൂണിവേഴ്സിറ്റി ഡയറക്ടറേറ്റ് ഓഫ് റിസർച്ച് ഡയറക്ടർ പ്രഫ. ഡോ. സി.സി. ഹരിലാൽ, അമല ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ ബയോകെമിസ്ട്രി വിഭാഗം പ്രഫ. ഡോ. പി.എ. അജിത്, കോളജ് പ്രിൻസിപ്പൽ സിസ്റ്റർ ഡോ. മീന കെ. ചെറുവത്തൂർ, റിസർച്ച് സെന്റർ ഡയറക്ടർ ഡോ. മഞ്ജു മാധവൻ, മൈക്രോബയോളജി വിഭാഗം അധ്യക്ഷ ഡോ. കെ.സി. ധന്യ എന്നിവർ പ്രസംഗിച്ചു.
സെന്റ് മേരീസ് കോളജ് അധ്യാപകർ എഴുതിയ നാലു ശാസ്ത്രപുസ്തകങ്ങളുടെ പ്രകാശനം ഡോ. അച്യുത് ശങ്കർ ഡോ. സി.സി. ഹരിലാലിനു നൽകി നിർവഹിച്ചു. കോളജ് വൈസ് പ്രിൻസിപ്പൽ ഡോ. ഡാലി ഡൊമിനിക് പുസ്തകങ്ങൾ പരിചയപ്പെടുത്തി. കോളജിന്റെ 80-ാം ജൂബിലി വാർഷികത്തോടനുബന്ധിച്ച് നടത്തുന്ന അക്കാദമിക് സമ്മിറ്റിൽ എഫ്വൈ യുജിപി അക്കാദമിക് നയങ്ങളെക്കുറിച്ചും നൂതന വിദ്യാഭ്യാസനയങ്ങളെക്കുറിച്ചുമുള്ള ചർച്ചയിൽ എഫ്വൈ യുജിപി കോ-ഓർഡിനേറ്റർ ഡോ. സി.ജെ. തെരേസ മോഡറേറ്ററായി.
Tags : NattuVishesham DistrictNews