മല്ലപ്പള്ളി താലൂക്കില് ഫയര് സ്റ്റേഷന് സ്ഥാപിക്കണമെന്നാവശ്യപ്പെട്ട് കേരള കോണ്ഗ്രസ് സീനിയര് ജനറല് സെക്രട്ടറി കുഞ്ഞുകോശി പോള് മന്ത്രി രമേശ് ചെന്നിത്തല
മല്ലപ്പള്ളി: മല്ലപ്പള്ളിയില് ഫയര് സ്റ്റേഷന് സ്ഥാപിക്കുന്നതുമായി ബന്ധപ്പെട്ട് അന്വേഷിച്ച് അടിയന്തര റിപ്പോര്ട്ട് നല്കാന് മന്ത്രി രമേശ് ചെന്നിത്തല ഫയര് ആന്ഡ് റെസ്ക്യൂ ഡയറക്ടര് ജനറലിന് നിര്ദേശം നല്കി. കേരള കോണ്ഗ്രസ് സീനിയര് ജനറല് സെകട്ടറി കുഞ്ഞുകോശി പോള് ആഭ്യന്തര മന്ത്രിക്ക് നല്കിയ നിവേദനത്തെത്തുടര്ന്നാണ് നടപടി. മല്ലപ്പള്ളി കാര്ഷിക വികസന ബാങ്ക് പ്രസിഡന്റ് സുരേഷ് ബാബു പാലാഴിയും ഒപ്പമുണ്ടായിരുന്നു.
താലൂക്കിന്റെ മധ്യത്തിലൂടെയാണ് മണിമലയാര് ഒഴുകുന്നത്. നിരവധി മുങ്ങി മരണങ്ങളാണ് ഇവിടുണ്ടാകുന്നത്. കുന്നന്താനത്ത് കിന്ഫ്രയുടെ വ്യവസായ പാര്ക്കും സിഡ്കോയുടെ വ്യവസായ യൂണിറ്റുകളും മല്ലപ്പള്ളിയില് മിനി ഇന്ഡസ്ട്രിയല് എസ്റ്റേറ്റും ഉണ്ട്. വേനല്ക്കാലത്ത് റബര്ത്തോട്ടങ്ങളില് തീപിടിത്തം സര്വസാധാരണമാണ്.
നിലവില് ഉപയോഗിക്കാതെ കിടക്കുന്ന ടൗണിലുള്ള ആഭ്യന്തര വകുപ്പിന്റെ സ്ഥലവും കെട്ടിടവും ഇക്കാര്യത്തിന് ഉപയോഗിക്കാവുന്നതാണെന്നും നിവേദനത്തില് ചൂണ്ടിക്കാട്ടുന്നു. ജില്ലയില് മല്ലപ്പള്ളി ഒഴികെ എല്ലാ താലൂക്കുകളിലും ഫയര്സ്റ്റേഷന് ഉണ്ട്. മല്ലപ്പള്ളിയില് ഒരു അത്യാഹിതം ഉണ്ടായാല് കിലോമീറ്ററുകള് താണ്ടി തിരുവല്ലയില് നിന്നോ റാന്നിയില് നിന്നോ ഫയര് യൂണിറ്റ് എത്തണം.