റോഡിൽ വാഴനട്ട് പ്രതിഷേധിക്കുന്നു.
മരട്: നെട്ടൂർ എസ്എൻ ജംഗ്ഷൻ അമ്പലക്കടവ് റോഡിന്റെ ദുരവസ്ഥയിൽ പ്രതിഷേധിച്ച് നെട്ടൂർ വിമലഹൃദയ മാതാ ദേവാലയത്തിലെ കെഎൽസിഎ പ്രവർത്തകർ എസ്എൻ ജംഗ്ഷനിൽ വാഴ വച്ചു.
രാവിലെ ദിവ്യബലിക്കുശേഷം ജാഥയായി വന്നാണ് കെഎൽസിഎയുടെ നേതൃത്വത്തിൽ വിവിധ സംഘടനാ പ്രവർത്തകരും വിശ്വാസ സമൂഹവും റോഡിൽ വാഴ നട്ടത്. പൊട്ടിത്തകർന്ന് വെള്ളം കെട്ടിക്കിടക്കുന്ന ഈ റോഡിൽ കാൽനടയാത്ര പോലും ദുഷ്ക്കരമായിരിക്കുകയാണ്.
വിമലഹൃദയ ദേവാലയ വികാരി ഫാ.അലോഷ്യസ് തൈപ്പറമ്പിൽ പ്രതിഷേധ ജാഥ ഫ്ലാഗ് ഓഫ് ചെയ്തു. കെഎൽസിഎ യൂണിറ്റ് പ്രസിഡന്റ് ബിനു ജോർജ്, സെക്രട്ടറി പീറ്റർ പ്രവീൺ, സജിത്ത് സാക്സൺ, ജോസഫ് ഷാജി, എം.എക്സ് ജോസഫ്, ദിജിൻ സേവ്യർ, ജയാ ജോസഫ് എന്നിവർ നേതൃത്വം നൽകി.
Tags : Local News Nattuvishesham Ernakulam