പയ്യാവൂർ: കാർഷിക മേഖലയിൽ കഠിനാധ്വാനം ചെയ്യുന്ന മലയോര മേഖലയിലെ കർഷകർ രാജ്യ പുരോഗതിയിൽ നിർണായക പങ്കുവഹിക്കുന്നവരാണെന്നും മലയോര വികസനത്തിൽ യുഡിഎഫ് സർക്കാർ പ്രതിജ്ഞാബദ്ധമാണെന്നും സജീവ് ജോസഫ് എംഎൽഎ. തെരഞ്ഞെടുപ്പിൽ വിജയിച്ചതിനുള്ള നന്ദി പര്യടന പരിപാടിയുടെ ഭാഗമായി യുഡിഎഫ് പയ്യാവൂർ മണ്ഡലം കമ്മിറ്റിയുടെ ആഭിമുഖ്യത്തിൽ പയ്യാവൂർ ബസ് സ്റ്റാൻഡ് പരിസരത്ത് നൽകിയ സ്വീകരണ യോഗത്തിൽ പ്രസംഗിക്കുകയായിരുന്നു അദ്ദേഹം. യുഡിഎഫ് മണ്ഡലം ചെയർമാൻ ഇ.കെ. കുര്യൻ അധ്യക്ഷത വഹിച്ചു.
യുഡിഎഫ് നിയോജകമണ്ഡലം ചെയർമാൻ തോമസ് വക്കത്താനം, നേതാക്കളായ ഡോ. കെ.വി. ഫിലോമിന, കെ.പി. ഗംഗാധരൻ, വർഗീസ് വയലാമണ്ണിൽ, നസീമ ഖാദർ, നൗഷാദ് ബ്ലാത്തൂർ, സിന്ധു ബെന്നി, ടെൻസൺ ജോർജ്, കെ.പി.ബാലകൃഷ്ണൻ, ബേബി മുല്ലക്കരി, ജോയ് പുന്നശേരിമലയിൽ, എ.പി. അബ്ദുൽ ഖാദർ, ടി.പി. അഷ്റഫ്, ജേക്കബ് പനന്താനം, സൈമൺ പെരുവക്കുന്നേൽ, സഷീബ എന്നിവർ പ്രസംഗിച്ചു.