ചങ്ങനാശേരി: സര്ക്കാര് പ്രഖ്യാപിച്ച ഇന്ധിരാ ഗാരന്റി വനിതകള്ക്കുള്ള സൗജന്യയാത്രയുടെ ചങ്ങനാശേരി നിയോജകമണ്ഡലതല ഉദ്ഘാടനം ഇന്നു രാവിലെ ഒമ്പതിന് മന്ത്രി റോജി എം. ജോണ് നിര്വഹിക്കും. പെരുന്ന ബസ് സ്റ്റാന്ഡില് ചേരുന്ന സമ്മേളനത്തില് വിനു ജോബ് എംഎല്എ ആമുഖ പ്രസംഗം നടത്തും.
കൃഷ്ണപുരം കാവാലം റൂട്ടിലുള്ള ബസിലെ യാത്രക്കാര്ക്ക് മന്ത്രിയും എംഎല്എയും ചേര്ന്ന് ആദ്യ ടിക്കറ്റുകള് കൈമാറിയശേഷം ഇതേ ബസില് ചങ്ങനാശേരി മാര്ക്കറ്റില്വരെ യാത്ര ചെയ്യും.
എടിഒ മുനിസിപ്പല് ചെയര്മാന് ജോമി ജോസഫ് അധ്യക്ഷത വഹിക്കും. ആര്എന്ഇ-207 ബസിലാണ് ഉദ്ഘാടനം ചടങ്ങ് ക്രമീകരിച്ചിരിക്കുന്നത്.
സൗജന്യ യാത്ര അനുവദിക്കുന്ന റൂട്ടുകള്
ചങ്ങനാശേരി ഡിപ്പോയില്നിന്നുള്ള കൃഷ്ണപുരം കാവാലം ലിസ്യു, പുളിങ്കുന്ന്, ചമ്പക്കുളം, ആലപ്പുഴ, വടക്കന് വെളിയനാട്, കായല്പ്പുറംപള്ളി, വെളിയനാട് വഴി തട്ടാശേരി, ചതുര്ഥ്യാകരി, കളങ്ങര എടത്വ, കുമളി, കട്ടപ്പന, തെങ്ങണവഴി ഏറ്റുമാനൂർ, ചെങ്ങന്നൂര്, തിരുവല്ല,
കായംകുളം, മാവേലിക്കര, കോട്ടയം, കുമരങ്കരി, പൂവം റൂട്ടുകളിലുള്ള 21 ഓര്ഡിനറി ബസുകളിലാണ് ചങ്ങനാശേരി ഡിപ്പോയില്നിന്നും വനിതകള്ക്ക് സൗജന്യയാത്ര അനുവദിക്കുന്നത്.
Tags : Local News Nattuvishesham Kottayam