17

ചി​റ്റാ​രി​ക്കാ​ൽ: ഈ​സ്റ്റ്‌ എ​ളേ​രി പ​ഞ്ചാ​യ​ത്തി​ൽ ഉ​രു​ൾ​പൊ​ട്ട​ലി​നെ​യും പ്ര​ള​യ​ത്തെ​യും തു​ട​ർ​ന്നു​ണ്ടാ​യ ന​ഷ്ടം നി​ക​ത്താ​ൻ പ്ര​ത്യേ​ക പാ​ക്കേ​ജ് അ​നു​വ​ദി​ക്ക​ണ​മെ​ന്നാ​വ​ശ്യ​പ്പെ​ട്ട് പ​ഞ്ചാ​യ​ത്ത് ഭ​ര​ണ​സ​മി​തി അം​ഗ​ങ്ങ​ൾ സ​ന്ദീ​പ് വാ​ര്യ​ർ എം​എ​ൽ​എ​യു​ടെ സാ​ന്നി​ധ്യ​ത്തി​ൽ സ​ർ​ക്കാ​രി​ന് നി​വേ​ദ​നം ന​ൽ​കി. ആ​വ​ശ്യം മ​ന്ത്രി​സ​ഭാ​യോ​ഗം അ​നു​ഭാ​വ​പൂ​ർ​വം പ​രി​ഗ​ണി​ക്കു​മെ​ന്നും സ​ർ​ക്കാ​ർ പ്ര​ഖ്യാ​പി​ച്ച അ​ടി​യ​ന്ത​ര ന​ഷ്ട​പ​രി​ഹാ​രം ഉ​ട​ൻ വി​ത​ര​ണം ചെ​യ്യു​മെ​ന്നും നി​വേ​ദ​നം ഏ​റ്റു​വാ​ങ്ങി​യ റ​വ​ന്യു മ​ന്ത്രി എ.​പി. അ​നി​ൽ​കു​മാ​ർ അ​റി​യി​ച്ചു.

ന​ഷ്ട​പ​രി​ഹാ​ര​ത്തു​ക ഉ​ട​ൻ വി​ത​ര​ണം ചെ​യ്യാ​നു​ള്ള ന​ട​പ​ടി​ക​ൾ സ്വീ​ക​രി​ക്കാ​ൻ ജി​ല്ലാ ക​ള​ക്ട​ർ​ക്കും കൃ​ഷി​വ​കു​പ്പി​നും നി​ർ​ദേ​ശം ന​ൽ​കി​യ​താ​യി റ​വ​ന്യു​മ​ന്ത്രി​യും കൃ​ഷി​മ​ന്ത്രി ടി. ​സി​ദ്ദി​ഖും നി​വേ​ദ​ക​സം​ഘ​ത്തെ അ​റി​യി​ച്ചു.

ഉ​രു​ൾ​പൊ​ട്ട​ലി​ലും വെ​ള്ള​പ്പൊ​ക്ക​ത്തി​ലു​മാ​യി പ​ഞ്ചാ​യ​ത്തി​ലാ​കെ 25 കോ​ടി​യി​ലേ​റെ രൂ​പ​യു​ടെ നാ​ശ​ന​ഷ്ട​ങ്ങ​ളു​ണ്ടാ​യ​താ​യി നി​വേ​ദ​ന​ത്തി​ൽ ചൂ​ണ്ടി​ക്കാ​ട്ടി. റോ​ഡു​ക​ളും ക​ലു​ങ്കു​ക​ളും ഉ​ൾ​പ്പെ​ടെ​യു​ള്ള പൊ​തു ആ​സ്തി​ക​ൾ​ക്ക് എ​ട്ടു കോ​ടി​യോ​ളം രൂ​പ​യു​ടെ ന​ഷ്ട​മു​ണ്ടാ​യി. വാ​സ​യോ​ഗ്യ​മ​ല്ലാ​താ​യി​ത്തീ​ർ​ന്ന ആ​റു വീ​ടു​ക​ളി​ലെ കു​ടും​ബ​ങ്ങ​ളെ പു​തി​യ സ്ഥ​ലം വാ​ങ്ങി വീ​ടു​വ​ച്ചു ന​ൽ​കി പു​ന​ര​ധി​വ​സി​പ്പി​ക്കാ​ൻ 72 ല​ക്ഷം രൂ​പ​യും ഭാ​ഗി​ക​മാ​യി ത​ക​ർ​ന്ന വീ​ടു​ക​ൾ​ക്ക് 20 ല​ക്ഷം, വീ​ടു​ക​ൾ​ക്കു സ​മീ​പം ഇ​ടി​ഞ്ഞു വീ​ണ മ​ണ്ണ് നീ​ക്കം ചെ​യ്യാ​ൻ അ​ഞ്ചു ല​ക്ഷം, വി​ള​ക​ൾ ന​ശി​ച്ച​തി​ന് 16 ല​ക്ഷം, വീ​ടു​ക​ളി​ൽ വെ​ള്ളം ക​യ​റി വീ​ട്ടു​പ​ക​ര​ണ​ങ്ങ​ൾ ന​ശി​ച്ച​വ​ർ​ക്കു​ള്ള ന​ഷ്ട​പ​രി​ഹാ​ര​ത്തി​ന് 20 ല​ക്ഷം, വ്യാ​പാ​ര സ്ഥാ​പ​ന​ങ്ങ​ൾ, ഗോ​ഡൗ​ണു​ക​ൾ എ​ന്നി​വ​യു​ടെ ന​ഷ്ട​പ​രി​ഹാ​ര​ത്തി​ന് 25 ല​ക്ഷം, വീ​ടു​ക​ളി​ലെ ഇ​ല​ട്രി​ക്ക​ൽ, ഇ​ല​ട്രോ​ണി​ക്സ് ഉ​പ​ക​ര​ണ​ങ്ങ​ൾ ന​ശി​ച്ച​വ​ർ​ക്ക് 50 ല​ക്ഷം, അ​ടി​യ​ന്ത​ര ര​ക്ഷാ​പ്ര​വ​ർ​ത്ത​ന​ങ്ങ​ൾ​ക്കും ദു​രി​താ​ശ്വാ​സ ക്യാ​മ്പു​ക​ൾ​ക്കു​മു​ണ്ടാ​യ ചെ​ല​വി​ന് 20 ല​ക്ഷം എ​ന്നി​ങ്ങ​നെ​യും തു​ക ല​ഭ്യ​മാ​ക്ക​ണ​മെ​ന്ന് പ​ഞ്ചാ​യ​ത്ത് സ​ർ​ക്കാ​രി​നോ​ട് ആ​വ​ശ്യ​പ്പെ​ട്ടു. മ​ഴ​യി​ൽ ത​ക​ർ​ന്ന മു​ന​യം​കു​ന്ന്-​കോ​ലു​വ​ള്ളി ക​മ്പി​പാ​ല​ത്തി​നു പ​ക​രം പു​തി​യ പാ​ലം, തു​ട​ർ​ന്നും താ​ഴ്ന്ന പ്ര​ദേ​ശ​ങ്ങ​ളി​ൽ വെ​ള്ളം ക​യ​റു​ന്ന​തു ത​ട​യാ​ൻ പു​ഴ​യോ​ര​ത്ത് സം​ര​ക്ഷ​ണ ഭി​ത്തി നി​ർ​മി​ക്ക​ൽ, ചി​റ്റാ​രി​ക്കാ​ൽ കു​ടും​ബാ​രോ​ഗ്യ കേ​ന്ദ്ര​ത്തി​ൽ കി​ട​ത്തി ചി​കി​ത്സ​യ്ക്കാ​യി പ്ര​ത്യേ​ക ബ്ലോ​ക്ക് എ​ന്നി​വ​യ്ക്കും പ്ര​ത്യേ​ക പാ​ക്കേ​ജി​ൽ തു​ക അ​നു​വ​ദി​ക്ക​ണ​മെ​ന്ന് നി​വേ​ദ​ന​ത്തി​ൽ ആ​വ​ശ്യ​പ്പെ​ട്ടു.

പ​ഞ്ചാ​യ​ത്ത്‌ പ്ര​സി​ഡ​ന്‍റ് മേ​ഴ്‌​സി മാ​ണി, വൈ​സ് പ്ര​സി​ഡ​ന്‍റ് ജോ​സ​ഫ് മു​ത്തോ​ലി, അം​ഗ​ങ്ങ​ളാ​യ ജോ​സ് കു​ത്തി​യ​തോ​ട്ടി​ൽ, ഡൊ​മി​നി​ക് കോ​യി​ത്തു​രു​ത്തേ​ൽ, പി.​സി. ലേ​ഖ, ഷീ​ബ ജോ​സ​ഫ്, മാ​ത്യു സെ​ബാ​സ​റ്റ്യ​ൻ, സി​ന്ധു ടോ​മി, ജോ​ൺ പേ​ണ്ടാ​ന​ത്ത്, ഷേ​ർ​ലി ചീ​ങ്ക​ല്ലേ​ൽ, സോ​ണി​യ വേ​ലാ​യു​ൻ, മ​ണ്ഡ​ലം കോ​ൺ​ഗ്ര​സ്‌ പ്ര​സി​ഡ​ന്‍റ് ജോ​ർ​ജ് ക​രി​മ​ഠം എ​ന്നി​വ​രാ​ണ് നി​വേ​ദ​ക​സം​ഘ​ത്തി​ലു​ണ്ടാ​യി​രു​ന്ന​ത്.

Tags : NattuVishesham DistrictNews