തീക്കോയി സെന്റ് മേരീസ് ഫൊറോന പള്ളിയുടെ ശതാബ്ദി ജൂബിലി ആഘോഷങ്ങളുടെ സമാപന സമ്മേളനം മന്ത്രി മോന്സ് ജോസഫ് ഉദ്ഘാടനം ചെയ്യുന്നു. പഞ്ച
തീക്കോയി: ഒരു നൂറ്റാണ്ടിന്റെ വിശ്വാസപാരമ്പര്യം പേറുന്ന തീക്കോയി സെന്റ് മേരീസ് ഫൊറോന പള്ളിയുടെ ഒരു വര്ഷം നീണ്ടുനിന്ന ശതാബ്ദി ആഘോഷങ്ങള്ക്ക് പ്രൗഢോജ്ജ്വല സമാപനം. സമാപന ദിവസമായ ഇന്നലെ വൈകുന്നേരം കല്ക്കുരിശ് വെഞ്ചരിപ്പിന് ശേഷം ബിഷപ് മാര് ജോസഫ് കല്ലറങ്ങാട്ടിന്റെ മുഖ്യകാര്മികത്വത്തില് വിശുദ്ധ കുര്ബാന നടന്നു.
തുടര്ന്ന് നടന്ന ശതാബ്ദി ആഘോഷ സമാപന സമ്മേളനം മന്ത്രി മോന്സ് ജോസഫ് ഉദ്ഘാടനം ചെയ്തു. മാര് ജോസഫ് കല്ലറങ്ങാട്ട് അധ്യക്ഷത വഹിച്ച സമ്മേളനത്തില് ശതാബ്ദി സ്മരണികയായ അമ്മൂദ് ഏശ് സുവനീറിന്റെയും ഇടവകയുടെ പുതിയ വെബ്സൈറ്റിന്റെയും പ്രകാശനം ആന്റോ ആന്റണി എംപി നിര്വഹിച്ചു. ഇടവക വികാരി ഫാ ഡോ. ജോര്ജ് വെട്ടുകല്ലേല്, ജോജോ ജോസഫ് പുന്നപ്ലാക്കല്, എം.ജെ. സെബാസ്റ്റ്യന് എംഎല്എ, അരുവിത്തുറ സെന്റ് ജോര്ജ് ഫൊറോന പള്ളി വികാരി ഫാ. മാത്യു ചന്ദ്രന്കുന്നേല്, തീക്കോയി പഞ്ചായത്ത് പ്രസിഡന്റ് എം.എസ്. അംബിക, ബ്ലോക്ക് പഞ്ചായത്ത് മെംബര് മോഹനന് കുട്ടപ്പന്, വാര്ഡ് മെംബര് കെ.സി. ജയിംസ്, പാലാ രൂപത പിതൃവേദി പ്രസിഡന്റ് ജോസ് തോമസ് മുത്തനാട്ട് എന്നിവര് പ്രസംഗിച്ചു.
ജൂബിലി ഗാനാലാപനം, ഇടവകയുടെ ചരിത്രം അനാവരണം ചെയ്യുന്ന ശതാബ്ദി ഇന്നലെകളിലൂടെ വീഡിയോ പ്രദര്ശനവും കാഞ്ഞിരപ്പള്ളി അമല കമ്യൂണിക്കേഷന്സ് അവതരിപ്പിച്ച മറിയം എന്ന നാടകവും അരങ്ങേറി. ഇടവകാംഗങ്ങളുടെ കലാവിരുന്നായ സിംഫോണിയയും ആഘോഷങ്ങള്ക്ക് മാറ്റുകൂട്ടി.
ശതാബ്ദി ആഘോഷങ്ങളുടെ ഭാഗമായി 101 കുരിശിന്റെ അകമ്പടിയോടെയുള്ള പ്രദക്ഷിണം, 1500 വിശുദ്ധരുടെ തിരുശേഷിപ്പ് വണക്കം, കുടുംബ നവീകരണ ധ്യാനം, പോപ്പുലര് മിഷന് ധ്യാനം, വിവിധ സംഗമങ്ങള് എന്നിവ സംഘടിപ്പിച്ചിരുന്നു.
വികാരി ഫാ. ഡോ. ജോര്ജ് വെട്ടുകല്ലേല്, അസി. വികാരി ഫാ. ജേക്കബ് കരീനാട്ട്, കൈക്കാരന്മാരായ പയസ് ജേക്കബ് കൊച്ചുപുരയ്ക്കല്, പി.സി. ജോവിനസ് പുളിക്കല്, ടോണി ജോസഫ് പൊട്ടനാനിയില്, എ.ജെ. ജോര്ജ് ഐമനത്തില്, ജനറല് കണ്വീനര് ജോജോ ജോസഫ് പുന്നപ്ലാക്കൽ എന്നിവരുടെ നേതൃത്വത്തിലുള്ള വിവിധ കമ്മിറ്റികള് ആഘോഷങ്ങള്ക്ക് നേതൃത്വം നല്കി.
Tags : St. Marys Forane Church, Teekoy Nattuvishesham DistrictNews