അമ്പൂരി: സെന്റ് വിൻസന്റ് ഡി പോൾ സൊസൈറ്റി തിരുവനന്തപുരം ഏരിയ കൗൺസിലിന്റെയും അമ്പൂരി ഏരിയ കൗൺസിലിന്റെയും നേതൃത്വത്തിൽ നടന്നു വരുന്ന വിജ്ഞാന ജ്യോതി സഹായ പദ്ധതിയുടെ കരിയർ ഗൈഡൻസ് ക്ലാസ് അമ്പൂരി സെന്റ് ജോർജ് എൽപി സ്കൂളിൽ സംഘടിപ്പിച്ചു.
അമ്പൂരി സെന്റ് ജോർജ് ഫൊറോന അസിസ്റ്റന്റ് വികാരി ഫാ. നവീൻ മാമ്മൂട്ടിൽ മുഖ്യപ്രഭാഷണം നടത്തി. തിരുവനന്തപുരം ഏരിയ കൗൺസിൽ പ്രസിഡന്റ് ബ്രദർ സൈമൺ ക്ലാസെടുത്തു. ചങ്ങനാശ്ശേരി സെൻട്രൽ കൗൺസിൽ സീനിയർ വൈസ് പ്രസിഡന്റ് ബ്രദർ ജോസഫ് മരത്തിനാൽ, ചങ്ങനാശ്ശേരി സെൻട്രൽ കൗൺസിൽ വൈസ് പ്രസിഡന്റ് ബ്രദർ ഷിജോ സേവ്യർ, പ്രഫസർ ഡോ. നാഗരാജു നായിഡു, ഡോ. സജോ ജോസഫ് അമ്പൂരി, ഏരിയാ കൗൺസിൽ പ്രസിഡന്റ് ബ്രദർ സോണി ജോസഫ് ഇഞ്ചയ്ക്കൽ, വിവിധ കോൺഫ്രൻസ് പ്രസിഡന്റുമാർ എന്നിവർ സംബന്ധിച്ചു.