ശിശുദിന വാരാഘോഷത്തിന്റെ ഉദ്ഘാടനം
നെടുമങ്ങാട്: നമസ്തേ വിംഗ്സ് ടു ഫ്ലൈ വെള്ളനാട് ചിൽഡ്രൻസ് ഹോമിന്റെയും എസ്ഒഎസ് മോഡൽ ഹോമിന്റെയും സംയുക്താഭിമുഖ്യത്തിൽ സംഘടിപ്പിക്കുന്ന ശിശുദിന വാരാഘോഷത്തിനു തുടക്കമായി. വെള്ളനാട് പഞ്ചായത്ത് പ്രസിഡന്റ് വെള്ളനാട് ശശി ഉദ്ഘാടനം നിർവഹിച്ചു.
ചിൽഡ്രൻസ് ഹോം സ്റ്റുഡന്റ് കമ്മിറ്റി പ്രസിഡന്റ് അഖില അധ്യക്ഷത വഹിച്ചു. കേരള ആക്സെപ്റ്റ് ട്രെയിനിംഗ് കോളജ്, ഐഎംജി ഫാക്കൽറ്റി പി.എസ്. പ്രവീൺ, "മൈ ഡേ, മൈ റൈറ്സ്, മൈ ഫ്യൂച്ചർ "എന്ന വിഷയത്തിൽ കുട്ടികൾക്കായി ബോധവത്കരണ ക്ലാസ് നയിച്ചു. നമസ്തേയുടെ പ്രതിനിധികൾ, കുട്ടികൾ, ജീവനക്കാർ എന്നിവർ ചടങ്ങിൽ പങ്കെടുത്തു.ചടങ്ങിൽ ആനന്ദു സ്വാഗതവും കുമാരി റോഷ്നി നന്ദിയും പറഞ്ഞു.