അനധികൃത പാറ കടത്തിനു പിടികൂടിയ ടിപ്പര് ലോറി പൊലിസ് സ്റ്റേഷനിൽ സൂക്ഷിച്ചിരിക്കുന്നു.
വെള്ളറട: വെള്ളറട പൊലിസ് പരിധിയില് അനധികൃതമായി പാറ പൊട്ടിച്ചു കടത്തുന്നതിനിടെ പാറനിറച്ച ടിപ്പര് ലോറി പിടികൂടി. ഇന്നലെ പനച്ചമൂട്ടില് നിന്നാണ് ടിപ്പര് ലോറി പിടികൂടിയത്. പാറ നിരോധനം നിലനില്ക്കെ പാസോ അനുബന്ധമായ ഒരു രേഖകളോ ഇല്ലാതെ പാറ പൊട്ടിച്ചുകടത്തുന്നുണ്ടെന്ന വിവരം ലഭിച്ചതിനെ തുടര്ന്നാണ് പൊലിസ് പരിശോധന നടത്തിയത്. എസ്എച്ച്ഒ മനോജ്, എഎസ്ഐ ജോസ്, സിവില് പൊലിസുകാരായ ഹാരിഷ്, ജയകൃഷ്ണന്, അനീഷ് അടങ്ങുന്ന സംഘമാണ് ടിപ്പർ പിടിച്ചെടുത്തത്. ലോറി പൊലിസ് സ്റ്റേഷനില് സൂക്ഷിച്ചിട്ടുണ്ട്. കളക്ടര്ക്ക് കൈമാറുമെന്ന് എസ്എച്ച്ഒ മനോജ് പറഞ്ഞു.