തിരുവനന്തപുരം: കാരക്കോണം ഡോ. സോമർവെൽ സിഎസ്ഐ മെഡിക്കൽ കോളജ് ഡയറക്ടർ ഡോ. ബെനറ്റ് ജെ. ഏബ്രഹാമിന് വെല്ലൂർ ക്രിസ്ത്യൻ മെഡിക്കൽ കോളജിന്റെ മെറിറ്റോറിയസ് സേവന പുരസ്കാരം. വെല്ലൂർ മെഡിക്കൽ കോളജിൽനിന്നും പഠിച്ചിറങ്ങിയവരിൽ മിഷൻ ആശുപത്രികളിൽ സേവനമനുഷ്ഠിച്ച് 25 വർഷത്തെ സേവനം പൂർത്തിയാക്കിയ വ്യക്തിക്കുള്ള പുരസ്കാരമാണ് ഡോ. ബെനറ്റ് ജെ. ഏബ്രഹാമിനു ലഭിച്ചത്. കോളജ് കാമ്പസിലെ സ്കഡർ ഹാളിൽ നടന്ന ചടങ്ങിൽ ചടങ്ങിൽ പ്രിൻസിപ്പൽ ഡോ. സോളമൻ സതീഷ് കുമാർ പുരസ്കാരം സമ്മാനിച്ചു.