പ്രതീകാത്മക ചിത്രം
പത്തനംതിട്ട: കുമ്പളാംപൊയ്ക സഹകരണ ബാങ്കില് തെരഞ്ഞെടുപ്പ് വിജ്ഞാപനം പുറപ്പെടുവിച്ച ദിവസം തന്നെ ബാങ്ക് ഭരണസമിതി പിരിച്ചുവിട്ട പത്തനംതിട്ട ജോയിന്റ് രജിസ്ട്രാറുടെ ഉത്തരവ് കേരള ഹൈക്കോടതി സ്റ്റേ ചെയ്തു.
കുമ്പളാംപൊയ്ക സര്വീസ് സഹകരണ ബാങ്ക് തെരഞ്ഞെടുപ്പ് വിജ്ഞാപനം പുറപ്പെടുവിച്ച കഴിഞ്ഞ 13നാണ് അസാധാരണ ഉത്തരവിലൂടെ ബാങ്ക് ഭരണസമിതി പിരിച്ചുവിട്ട ഉത്തരവാണ് കേരള ഹൈക്കോടതി സ്റ്റേ ചെയ്തത്. ജനാധിപത്യ പ്രക്രിയയിലൂടെ അധികാരത്തില് വന്ന ഭരണസമിതിയെ തെറ്റായ മാര്ഗത്തിലൂടെ അട്ടിമറിക്കാനുള്ള പത്തനംതിട്ട ജോയിന്റ് രജിസ്ട്രാറുടെ ഉത്തരവ് സ്റ്റേ ചെയ്തതിലൂടെ വളഞ്ഞ വഴിയിലൂടെ അഡ്മിനിസ്ട്രേറ്ററെ വച്ച് ഭരണസമിതികള് പിടിച്ചെടുക്കുവാനുള്ള യുഡിഎഫ് സര്ക്കാരിന്റെ നയത്തിന് പിന്തുണ കൊടുക്കുന്ന ഉദ്യോഗസ്ഥര്ക്കുള്ള താക്കീതാണെന്ന് ബാങ്ക്? പ്രസിഡന്റ് ബഞ്ചമിന് ജോസ് ജേക്കബ് പത്രസമ്മേളനത്തില് പറഞ്ഞു.
രേഖകള് പരിശോധിക്കുക പോലും ചെയ്യാതെ അതിവേഗം പിരിച്ചുവിടല് ഉത്തരവിറക്കുകയായിരുന്നു. നിലവില് ഇതുകൂടാതെ ബാങ്കില് ഒരു ജീവനക്കാരിക്കെതിരേ അച്ചടക്കനടപടിയുടെ ഭാഗമായി അന്വേഷണം നടക്കുന്നുണ്ട്. ബാങ്ക് ഭരണസമിതി തീരുമാനങ്ങള് അനുസരിക്കാതെയും ജോലിയില് കൃത്യവിലോപം കാണിക്കുകയും ജീവനക്കാരോട് മോശമായി പെരുമാറുകയും ചെയ്യുന്ന ജീവനക്കാരിയെ സംരക്ഷിക്കുക എന്ന മറ്റൊരു അജണ്ട കൂടി ഭരണസമിതി പിരിച്ചുവിടലിനു പിന്നിലുണ്ടെന്ന് പ്രസിഡന്റ് പറഞ്ഞു. സെക്രട്ടറി ഷീബ ജേക്കബും പത്രസമ്മേളനത്തില് പങ്കെടുത്തു.
Tags : High Court Nattuvishesham District News Kumbalampoyka Bank