30

നെ​ന്മാ​റ: പ​ല​യി​ട​ത്തും ഒ​ന്നാം​വി​ള നെ​ൽ​കൃ​ഷി​യു​ടെ കൊ​യ്ത്ത് പൂ​ർ​ത്തി​യാ​യ​തോ​ടെ നെ​ൽ​പാ​ട​ങ്ങ​ളി​ൽ വൈ​ക്കോ​ലി​ന് ആ​വ​ശ്യ​ക്കാ​രേ​റെ.

സാ​ധാ​ര​ണ ഒ​ന്നാം​വി​ള കൊ​യ്ത്ത് സ​മ​യ​ത്ത് മ​ഴ ല​ഭി​ക്കു​ന്ന​തി​നാ​ൽ പാ​ട​ത്തു​കി​ട​ക്കു​ന്ന വൈ​ക്കോ​ൽ ന​ന​ഞ്ഞ് ചീ​ഞ്ഞു​പോ​കു​ന്ന​ത് ക​ർ​ഷ​ക​ർ​ക്ക് വ​ലി​യ ന​ഷ്ട​മാ​കാ​റു​ണ്ട്.

എ​ന്നാ​ൽ ഇ​ത്ത​വ​ണ മ​ഴ​യു​ടെ ല​ഭ്യ​ത കു​റ​ഞ്ഞ​തും പാ​ട​ശേ​ഖ​ര​ങ്ങ​ളി​ൽ വെ​ള്ള​ക്കെ​ട്ടി​ല്ലാ​ത്ത​തും വൈ​ക്കോ​ൽ ശേ​ഖ​രി​ക്കു​ന്ന ക​ർ​ഷ​ക​ർ​ക്ക് ആ​ശ്വാ​സ​മാ​യി.
കൊ​യ്ത്തു​യ​ന്ത്രം ഉ​പ​യോ​ഗി​ച്ച് നെ​ല്ല് കൊ​യ്തെ​ടു​ത്ത​ശേ​ഷം പാ​ട​ത്ത് അ​വ​ശേ​ഷി​ക്കു​ന്ന ഉ​ണ​ങ്ങി​യ വൈ​ക്കോ​ൽ ട്രാ​ക്ട​ർ ഉ​പ​യോ​ഗി​ച്ച് റോ​ളു​ക​ളാ​ക്കി മാ​റ്റി​യാ​ണ് വി​ൽ​പ​ന. ഏ​ക​ദേ​ശം മൂ​ന്ന​ടി വ​ലി​പ്പ​മു​ള്ള ഒ​രു റോ​ൾ വൈ​ക്കോ​ലി​ന് 100 മു​ത​ൽ 140 രൂ​പ വ​രെ​യാ​ണ് ക്ഷീ​ര​ക​ർ​ഷ​ക​രും ക​ച്ച​വ​ട​ക്കാ​രും ക​ർ​ഷ​ക​ർ​ക്ക് ന​ൽ​കു​ന്ന​ത്. മ​റ്റു ജി​ല്ല​ക​ളി​ലേ​ക്ക് വൈ​ക്കോ​ൽ കൊ​ണ്ടു​പോ​കു​ന്ന ക​ച്ച​വ​ട​ക്കാ​ർ പാ​ട​ത്ത് നി​ന്നു​ത​ന്നെ വൈ​ക്കോ​ൽ മൊ​ത്ത​മാ​യി വാ​ങ്ങി ട്രാ​ക്ട​ർ ഉ​പ​യോ​ഗി​ച്ച് റോ​ളു​ക​ളാ​ക്കി കൊ​ണ്ടു​പോ​കു​ന്നു​ണ്ട്. ഇ​ത്ത​ര​ത്തി​ൽ ഏ​ക്ക​റി​ന് 1,500 മു​ത​ൽ 1,700 രൂ​പ വ​രെ ക​ർ​ഷ​ക​ർ​ക്ക് ല​ഭി​ക്കു​ന്നു​ണ്ട്. ഒ​രേ​ക്ക​റി​ൽ​നി​ന്ന് നെ​ൽ​ച്ചെ​ടി​യു​ടെ നീ​ളം അ​നു​സ​രി​ച്ച് മൂ​ന്ന​ടി വ​ലി​പ്പ​മു​ള്ള 40 മു​ത​ൽ 55 വ​രെ വൈ​ക്കോ​ൽ റോ​ളു​ക​ൾ ല​ഭി​ക്കും.

ര​ണ്ട​ടി വ​ലി​പ്പ​മു​ള്ള റോ​ളു​ക​ളാ​ക്കു​ന്ന യ​ന്ത്ര​ങ്ങ​ളും നി​ല​വി​ലു​ണ്ട്. ഇ​ത്ത​രം യ​ന്ത്ര​ങ്ങ​ൾ ഉ​പ​യോ​ഗി​ച്ചാ​ൽ ഒ​രു ഏ​ക്ക​റി​ൽ നി​ന്ന് 75 മു​ത​ൽ 90 വ​രെ റോ​ളു​ക​ൾ ല​ഭി​ക്കാ​റു​ണ്ടെ​ന്ന് ക​ർ​ഷ​ക​ർ പ​റ​യു​ന്നു. ഒ​രു റോ​ൾ കെ​ട്ടു​ന്ന​തി​നാ​യി ട്രാ​ക്ട​ർ ഉ​ട​മ​ക​ൾ​ക്ക് 35 രൂ​പ​യാ​ണ് ന​ൽ​കു​ന്ന​ത്.

ക​ഴി​ഞ്ഞ ര​ണ്ടാം​വി​ള കൊ​യ്ത്ത് കാ​ല​ത്ത് വൈ​ക്കോ​ൽ ശേ​ഖ​രി​ച്ച് സൂ​ക്ഷി​ച്ചി​രു​ന്ന ക​ച്ച​വ​ട​ക്കാ​ർ ഒ​രു റോ​ൾ വൈ​ക്കോ​ലി​ന് 250 മു​ത​ൽ 300 രൂ​പ വ​രെ വി​ല​യ്ക്ക് വി​ൽ​പ​ന ന​ട​ത്തി​യി​രു​ന്നു.

വൈ​ക്കോ​ൽ റോ​ളു​ക​ളാ​ക്കി മാ​റ്റി​യാ​ൽ അ​വ സൂ​ക്ഷി​ക്കു​ന്ന​താ​ണ് ക​ർ​ഷ​ക​ർ നേ​രി​ടു​ന്ന പ്ര​ധാ​ന വെ​ല്ലു​വി​ളി. തു​ലാ​മ​ഴ ശ​ക്ത​മാ​കു​ന്ന​തി​ന് മു​മ്പ് പ​ര​മാ​വ​ധി വൈ​ക്കോ​ൽ ശേ​ഖ​രി​ച്ച് വി​ൽ​ക്കാ​നു​ള്ള ശ്ര​മ​ത്തി​ലാ​ണ് ക​ർ​ഷ​ക​രും ക​ച്ച​ട​ക്കാ​രും.

Tags : NattuVishesham DistrictNews