പൊ​ൻ​കു​ന്നം: മ​ണ്ഡ​ല-​മ​ക​ര​വി​ള​ക്ക് മ​ഹോ​ത്സ​വ​ത്തി​ന് ദി​വ​സ​ങ്ങ​ൾ മാ​ത്രം ബാ​ക്കി​നി​ൽ​ക്കേ പ്ര​ധാ​ന തീ​ർ​ഥാ​ട​ന ഇ​ട​ത്താ​വ​ള​മാ​യ ചി​റ​ക്ക​ട​വ് ശ്രീ​മ​ഹാ​ദേ​വ ക്ഷേ​ത്ര​ത്തി​ന്‍റെ പ്ര​ധാ​ന ക​വാ​ട​ത്തി​ലെ ഹൈ​മാ​സ്റ്റ് ലൈ​റ്റ് മി​ഴി​തു​റ​ക്കാ​ത്ത​ത് ഭ​ക്ത​രെ​യും നാ​ട്ടു​കാ​രെ​യും ഒ​രു​പോ​ലെ വ​ല​യ്ക്കു​ന്നു. ക്ഷേ​ത്ര​ത്തി​ലേ​ക്കു​ള്ള പ്ര​ധാ​ന പാ​ത തി​രി​യു​ന്ന ജം​ഗ്ഷ​നി​ൽ സ്ഥാ​പി​ച്ചി​ട്ടു​ള്ള ഈ ​ഹൈ​മാ​സ്റ്റ് വി​ള​ക്ക് കേ​ടാ​യി​ട്ട് മാ​സ​ങ്ങ​ളാ​യി​ട്ടും പു​നഃ​സ്ഥാ​പി​ക്കാ​ൻ അ​ധി​കൃ​ത​ർ ത​യാ​റാ​കാ​ത്ത​തി​ൽ വ്യാ​പ​ക​മാ​യ പ്ര​തി​ഷേ​ധ​മാ​ണ് ഉ​യ​രു​ന്ന​ത്.

ശ​ബ​രി​മ​ല തീ​ർ​ഥാ​ട​ന​കാ​ല​ത്ത് മ​ധ്യ​തി​രു​വി​താം​കൂ​റി​ലെ ത​ന്നെ ഏ​റ്റ​വും പ്ര​ധാ​ന​പ്പെ​ട്ട ഇ​ട​ത്താ​വ​ള​ങ്ങ​ളി​ലൊ​ന്നാ​ണ് ചി​റ​ക്ക​ട​വ് ശ്രീ​മ​ഹാ​ദേ​വ ക്ഷേ​ത്രം. അ​ന്യ​സം​സ്ഥാ​ന​ങ്ങ​ളി​ൽ നി​ന്ന​ട​ക്കം ദി​വ​സേ​ന ആ​യി​ര​ക്ക​ണ​ക്കി​ന് തീ​ർ​ഥാ​ട​ക വാ​ഹ​ന​ങ്ങ​ളാ​ണ് എ​രു​മേ​ലി​യി​ലേ​ക്കും പ​മ്പ​യി​ലേ​ക്കും പോ​കു​ന്ന​തി​നാ​യി ക്ഷേ​ത്ര​ദ​ർ​ശ​നം ന​ട​ത്തി ഇ​വി​ടെ വി​ശ്ര​മി​ച്ചു ക​ട​ന്നു​പോ​കു​ന്ന​ത്. തീ​ർ​ഥാ​ട​ക പ്ര​വാ​ഹം തു​ട​ങ്ങാ​ൻ ഇ​നി ചു​രു​ങ്ങി​യ ദി​വ​സ​ങ്ങ​ൾ മാ​ത്രം അ​വ​ശേ​ഷി​ക്കേ പ്ര​ധാ​ന ക​വാ​ടം ഉ​ൾ​പ്പെ​ടു​ന്ന ക​വ​ല ഇ​രു​ട്ടി​ൽ മു​ങ്ങി​ക്കി​ട​ക്കു​ന്ന​ത് അ​പ​ക​ട​ങ്ങ​ൾ​ക്കും ഗ​താ​ഗ​ത​ക്കു​രു​ക്കി​നും കാ​ര​ണ​മാ​യേ​ക്കും.

രാ​ത്രി​കാ​ല​ങ്ങ​ളി​ൽ എ​ത്തു​ന്ന തീ​ർ​ഥാ​ട​ക​ർ​ക്ക് ക്ഷേ​ത്ര​ത്തി​ലേ​ക്കു​ള്ള വ​ഴി തി​രി​ച്ച​റി​യാ​ൻ സാ​ധി​ക്കാ​ത്ത​തും കാ​ൽ​ന​ട​യാ​ത്ര​ക്കാ​രാ​യ ഭ​ക്ത​ർ​ക്ക് സു​ര​ക്ഷി​ത​മാ​യി റോ​ഡ് മു​റി​ച്ചു​ക​ട​ക്കാ​ൻ ക​ഴി​യാ​ത്ത​തും വ​ലി​യ ആ​ശ​ങ്ക സൃ​ഷ്ടി​ക്കു​ന്നു​ണ്ട്. തീ​ർ​ഥാ​ട​ന മു​ന്നൊ​രു​ക്ക​ങ്ങ​ളു​ടെ ഭാ​ഗ​മാ​യി വ​ഴി​വി​ള​ക്കു​ക​ൾ സ​ജ്ജ​മാ​ക്കാ​ൻ നി​ർ​ദേ​ശ​ങ്ങ​ൾ ഉ​ണ്ടാ​യി​ട്ടും ക്ഷേ​ത്ര​മു​റ്റ​ത്തെ പ്ര​ധാ​ന വെ​ളി​ച്ചം അ​ണ​ഞ്ഞു​കി​ട​ക്കു​ന്ന​തി​ൽ ഭ​ര​ണ​കൂ​ട​ത്തി​ന്‍റെ ക​ടു​ത്ത അ​നാ​സ്ഥ​യാ​ണ് പ്ര​ക​ട​മാ​കു​ന്നത്.

തീ​ർ​ഥാ​ട​ന​കാ​ലം ആ​രം​ഭി​ക്കു​ന്ന​തി​ന് മു​ന്പാ​യി അ​ടി​യ​ന്ത​ര പ്രാ​ധാ​ന്യം ന​ൽ​കി ഹൈ​മാ​സ്റ്റ് ലൈ​റ്റ് ന​ന്നാ​ക്കി വെ​ളി​ച്ച​മെ​ത്തി​ക്കാ​ൻ അ​ധി​കൃ​ത​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് നാ​ട്ടു​കാ​രു​ടെ​യും ഭ​ക്ത​ജ​ന​ങ്ങ​ളു​ടെ​യും ആ​വ​ശ്യം.

Tags : High-mast light Nattuvishesham DistrictNews