കോഴിക്കോട്: വിദ്യാഭ്യാസം, പരിശീലനം, ഗവേഷണം, പഠനവിഷയങ്ങള്, പ്രഫഷണല് വികസനം എന്നീ മേഖലകളിലെ സഹകരണം വളര്ത്തിയെടുക്കുന്നതിനായി ഇന്സ്റ്റിറ്റ്യൂട്ട് ഓഫ് കോസ്റ്റ് അക്കൗണ്ടന്റ്സ് ഓഫ് ഇന്ത്യയും (ഐസിഎംഎഐ) ഇന്ത്യന് ഇന്സ്റ്റിറ്റ്യൂട്ട് ഓഫ് മാനേജ്മെന്റ് കോഴിക്കോടും ധാരണാപത്രത്തില് ഒപ്പുവച്ചു.
വിജ്ഞാനം പങ്കിടല്, സംയുക്ത ഗവേഷണ സംരംഭങ്ങള്, നേതൃത്വ വികസന പരിപാടികള്, ഫാക്കല്റ്റി-വിദ്യാര്ഥി ഇടപെടല്, നൈപുണ്യ വികസന പ്രവര്ത്തനങ്ങള് എന്നിവ പ്രോത്സാഹിപ്പിക്കുകയാണ് ഈ പങ്കാളിത്തത്തിന്റെ ലക്ഷ്യം. ഇത് വിദ്യാര്ഥികള്ക്കും പ്രഫഷണലുകള്ക്കും വിദ്യഭ്യാസ വിദഗ്ധര്ക്കും വ്യവസായ പങ്കാളികള്ക്കും ഒരുപോലെ പ്രയോജനം ചെയ്യുമെന്ന് ഐസിഎംഎഐ പ്രസിഡന്റ് ശ്രീനിവാസ് പ്രസാദ് പറഞ്ഞു.
Tags : nattu vishesham ICMAI signs IIM Kozhikode