20

പൂ​വ​ച്ച​ൽ : യുവാവിനെ ത​ട്ടി​ക്കൊ​ണ്ടു​പോ​യി പി​ന്നീ​ട് വി​ട്ട​യ​ച്ച സം​ഭ​വ​വത്തിൽ പ്ര​തി​ക​ൾ​ക്കാ​യു​ള്ള തെ​ര​ച്ചി​ൽ പോലീസ് ഊ​ർ​ജി​ത​പ്പെടു​ത്തി. മൊ​ബൈ​ൽ ട​വ​റു​കളും സി​സി​ടി​വി ദൃശ്യങ്ങളും കേ​ന്ദ്രീ​ക​രി​ച്ചാണ് അന്വേഷണം. ഇ​ന്ന​ലെ​യാ​ണ് കാ​റി​ലെ​ത്തിയ ഒരു സംഘം മു​ത്തൂ​റ്റ് മാ​നേ​ജ​ർ ഗി​രീ​ഷി​നെ ത​ട്ടി​ക്കൊ​ണ്ടു​പോ​യ ശേ​ഷം പി​ന്നീ​ട് ബൈ​ക്കി​ൽ തി​രി​കെ​യെ​ത്തി​ച്ച​ത്. കാറിൽ തന്നെ മർദിച്ചതായി ഗിരീഷ് പറഞ്ഞു.

യുവാവിനെ ത​ട്ടി​ക്കൊ​ണ്ടു പോ​കാ​ൻ ഉ​പ​യോ​ഗി​ച്ച കാ​ർ വി​ള​പ്പി​ൽ​ശാ​ല പോ​ലീ​സ് സ്റ്റേ​ഷ​ൻ പ​രി​ധി​യി​ലു​ള്ള കാ​പ്പി​ക്കാ​ട് സി​എ​സ്ഐ പ​ള്ളി​ക്ക് സ​മീ​പം റോ​ഡി​ൽ ഉ​പേ​ക്ഷി​ച്ച നി​ല​യി​ൽ ക​ണ്ടെ​ത്തി​യി​രു​ന്നു. പ്ര​തി​ക​ൾ മ​റ്റൊ​രു കാ​റി​ൽ ര​ക്ഷ​പ്പെ​ട്ടി​രി​ക്കാം എ​ന്ന​താ​ണ് പോ​ലീ​സി​ന്‍റെ നി​ഗ​മ​നം. പ്ര​തി​ക​ളു​ടെ മൊ​ബൈ​ൽ ഫോൺ സ്വി​ച്ച് ഓ​ഫ് ചെയ്ത നിലയിലാണ്.

പ്ര​തി​ക​ൾ ജി​ല്ല വി​ട്ടി​രി​ക്കാ​മെ​ന്ന സം​ശ​യ​വും പോ​ലീ​സി​നു​ണ്ട്. ക​ഴി​ഞ്ഞ ദി​വ​സം ത​ന്നെ പ്ര​തി​ക​ളി​ൽ ഒ​രാ​ളു​ടെ സ​ഹോ​ദ​ര​നെ പോ​ലീ​സ് സ്റ്റേ​ഷ​നി​ൽ വി​ളി​പ്പി​ച്ച് വി​വ​ര​ശേ​ഖ​ര​ണം ന​ട​ത്തി​യി​രു​ന്നു. കാ​ട്ടാ​ക്ക​ട ഡി​വൈ​എ​സ്പി ഗോ​പ​കു​മാ​റി​ന്‍റെ നേ​തൃ​ത്വ​ത്തി​ൽ എ​സ്ഐ മ​നോ​ജും സം​ഘ​വു​മാ​ണ് അ​ന്വേ​ഷ​ണം ന​ട​ത്തു​ന്ന​ത്. വ്യ​ക്തി വൈ​രാ​ഗ്യ​മാ​ണ് സം​ഭ​വ​ത്തി​ന് പി​ന്നി​ലെ​ന്ന് ഇ​ന്ന​ലെ ഗി​രീ​ഷ് മൊ​ഴി ന​ൽ​കി​യി​രു​ന്നു .

Tags : Local News Nattuvishesham Thiruvananthapuram