ജൂബിലി ആയുർവേദ മിഷൻ ആശുപത്രി പുറത്തിറക്കുന്ന കർക്കിടകക്കഞ്ഞി കിറ്റിന്റെ വിതരണോദ്ഘാടനം ആരോഗ്യമന്ത്രി കെ. മുരളീധരൻ, തൃശൂർ മേയർ ഡോ. നിജി ജസ്റ്റിൻ എന്
തൃശൂർ: ജൂബിലി ആയുർവേദ മിഷൻ ആശുപത്രി പുറത്തിറക്കുന്ന കർക്കിടകക്കഞ്ഞി കിറ്റിന്റെ വിതരണോദ്ഘാടനം ആരോഗ്യമന്ത്രി കെ. മുരളീധരൻ, തൃശൂർ മേയർ ഡോ. നിജി ജസ്റ്റിൻ എന്നിവർ ചേർന്നു നിർവഹിച്ചു. അതിരൂപത മെത്രാപ്പോലീത്ത മാർ ആൻഡ്രൂസ് താഴത്ത്, സഹായമെത്രാൻ മാർ ടോണി നീലങ്കാവിൽ, ജൂബിലി മിഷൻ ആശുപത്രി ഡയറക്ടർ ഫാ. റെന്നി മുണ്ടൻകുരിയൻ, സിഇഒ ഡോ. ബെന്നി ജോസഫ്, ആശുപത്രി സൂപ്രണ്ട് ഡോ. ഷിബു കള്ളിവളപ്പിൽ, ജൂബിലി മിഷൻ മെഡിക്കൽ കോളജ് പ്രിൻസിപ്പൽ ഡോ.എം.എ. ആൻഡ്രൂസ്, ജൂബിലി ആയുർവേദ മിഷൻ ആശുപത്രി കണ്സൾട്ടന്റ് സിസ്റ്റർ ഡോ. ഡൊണാറ്റ എന്നിവർ പങ്കെടുത്തു.
ജൂബിലി മിഷൻ ആശുപത്രി, ജൂബിലി വെൽഫെയർ സ്റ്റോർ, രാമവർമപുരം ജൂബിലി ആയുർവേദ മിഷൻ ആശുപത്രി എന്നിവിടങ്ങളിൽ കിറ്റ് ലഭിക്കും. ജൂബിലി ആയുർവേദ മിഷൻ ആശുപത്രിയിൽ കർക്കിടക ചികിത്സയ്ക്കുള്ള ബുക്കിംഗ് ആരംഭിച്ചു. രാമവർമപുരത്തെ ജൂബിലി ആയുർവേദ മിഷൻ ആശുപത്രിയിലും തൃശൂർ ജൂബിലി മിഷൻ ആശുപത്രിയിലും പഞ്ചകർമ ചികിത്സാ സൗകര്യം ലഭ്യമാണ്.
Tags : Nattuvishesham District news