13

തു​റ​വൂ​ർ: ഒ​രു ഗ്ലാ​സ് നാ​ര​ങ്ങാ​വെ​ള്ളം കു​ടി​ച്ച് ദാ​ഹ​മ​ക​റ്റാ​ൻ പോ​ലും സാ​ധാ​ര​ണ​ക്കാ​ര​ൻ ഇ​നി ര​ണ്ടു​വ​ട്ടം ആ​ലോ​ചി​ക്കേ​ണ്ട സ്ഥി​തി. അ​ടു​ക്ക​ള​യി​ലെ നി​ത്യ​സാ​ന്നി​ധ്യ​മാ​യി​രു​ന്ന ചെ​റു​നാ​ര​ങ്ങ​യു​ടെ വി​ല കു​തി​ച്ചു​യ​ർ​ന്ന​തോ​ടെ വി​പ​ണി​യി​ൽ വി​ല​ക്ക​യ​റ്റ​ത്തി​ന്‍റെ പു​ളി​പ്പ്. മാ​സ​ങ്ങ​ളാ​യി കി​ലോ​ഗ്രാ​മി​ന് 80 മു​ത​ൽ 90 രൂ​പ വ​രെ വി​ല​യു​ണ്ടാ​യി​രു​ന്ന ചെ​റു​നാ​ര​ങ്ങ​യു​ടെ ചി​ല്ല​റ​വി​ല​യാ​ണ് ഇ​പ്പോ​ൾ 280 രൂ​പ​യി​ലെ​ത്തി​യ​ത്.

ഓ​ണ​ക്കാ​ല​ത്ത് 120 രൂ​പ വ​രെ ഉ​യ​ർ​ന്ന വി​ല ദി​വ​സ​ങ്ങ​ൾ​ക്കു​ള്ളി​ൽ വീ​ണ്ടും ഇ​ര​ട്ടി​യി​ലേ​റെ വ​ർ​ധി​ച്ച​താ​ണ് ഉ​പ​ഭോ​ക്താ​ക്ക​ളെ ആ​ശ​ങ്ക​യി​ലാ​ക്കു​ന്ന​ത്. സാ​ധാ​ര​ണ​യാ​യി ജൂ​ൺ മു​ത​ൽ ഓ​ഗ​സ്റ്റ് വ​രെ​യു​ള്ള കാ​ല​യ​ള​വി​ൽ വ​ലി​യ വി​ല​ക്ക​യ​റ്റം ഉ​ണ്ടാ​കാ​റി​ല്ലെ​ങ്കി​ലും ഇ​ത്ത​വ​ണ സ്ഥി​തി വ്യ​ത്യ​സ്ത​മാ​ണ്. ആ​ന്ധ്രാ​പ്ര​ദേ​ശി​ൽനി​ന്നു​ള്ള നാ​ര​ങ്ങ​യു​ടെ വ​ര​വി​ൽ ഉ​ണ്ടാ​യ ഗ​ണ്യ​മാ​യ കു​റ​വും ത​മി​ഴ്നാ​ട് വി​പ​ണി​യി​ലെ വി​ല​വ​ർ​ധ​ന​യു​മാ​ണ് പ്ര​ധാ​ന കാ​ര​ണ​ങ്ങ​ളെ​ന്ന് വ്യാ​പാ​രി​ക​ൾ പ​റ​യു​ന്നു.

ത​മി​ഴ്നാ​ട്ടി​ൽനി​ന്നെ​ത്തു​ന്ന പു​ളി​യ​ങ്കു​ടി നാ​ര​ങ്ങ​യ്ക്കാ​ണ് ഇ​പ്പോ​ൾ ആ​വ​ശ്യ​ക്കാ​ർ ഏ​റെ​യു​ള്ള​ത്. വ​ലു​പ്പം കൂ​ടു​ത​ലും പെ​ട്ടെ​ന്ന് കേ​ടാ​കാ​ത്ത​തു​മാ​ണ് ഈ ​ഇ​ന​ത്തി​ന് പ്രി​യ​മേ​റാ​ൻ കാ​ര​ണം. ജ്യൂ​സ് ക​ട​ക​ളി​ലും പ്രാ​ദേ​ശി​ക വി​പ​ണി​യി​ലും പു​ളി​യ​ങ്കു​ടി നാ​ര​ങ്ങ​യ്ക്കാ​ണ് ആ​വ​ശ്യ​ക്കാ​ർ കൂ​ടു​ത​ലെ​ന്ന് വ്യാ​പാ​രി​ക​ൾ പ​റ​യു​ന്നു.

ചി​ങ്ങ​മാ​സ​ത്തി​ലെ വി​വാ​ഹ​ങ്ങ​ളും മ​റ്റ് ആ​ഘോ​ഷ​ങ്ങ​ളും കൂ​ടി​യാ​യ​തോ​ടെ നാ​ര​ങ്ങ​യു​ടെ ആ​വ​ശ്യ​ക​ത​യും വ​ർ​ധി​ച്ചു. മ​ഴ മാ​റി വെ​യി​ൽ തെ​ളി​യു​ന്ന​തോ​ടെ നാ​ര​ങ്ങാ​വെ​ള്ള​ത്തി​ന് ആ​വ​ശ്യ​ക്കാ​ർ വ​ർ​ധി​ക്കു​ന്ന സ​മ​യ​ത്താ​ണ് വി​ല​ക്ക​യ​റ്റം ചെ​റു​കി​ട ക​ച്ച​വ​ട​ക്കാ​രു​ടെ ക​ണ​ക്കു​കൂ​ട്ട​ലു​ക​ളും തെ​റ്റി​ച്ച​ത്.

നാ​ര​ങ്ങാ​വി​ല കു​തി​ച്ച​തോ​ടെ ചെ​റി​യ പെ​ട്ടി​ക്ക​ട​ക​ളും ബേ​ക്ക​റി​ക​ളും ക​ടു​ത്ത പ്ര​തി​സ​ന്ധി​യി​ലാ​ണ്. ഒ​രു ഗ്ലാ​സ് നാ​ര​ങ്ങാ​വെ​ള്ള​ത്തി​ന്‍റെ വി​ല കൂ​ട്ടി​യാ​ൽ ഉ​പ​ഭോ​ക്താ​ക്ക​ൾ കു​റ​യു​മെ​ന്ന ആ​ശ​ങ്ക​യും വി​ല കൂ​ട്ടാ​തെ വി​ല്പ​ന തു​ട​ർ​ന്നാ​ൽ ന​ഷ്ടം സ​ഹി​ക്കേ​ണ്ടി​വ​രു​മെ​ന്ന അ​വ​സ്ഥ​യു​മാ​ണ് ക​ച്ച​വ​ട​ക്കാ​ർ​ക്ക്.

കു​ടും​ബ​ശ്രീ ഉ​ൾ​പ്പെ​ടെ​യു​ള്ള ചെ​റു​കി​ട അ​ച്ചാ​ർ നി​ർ​മാ​ണ യൂ​ണി​റ്റു​ക​ളെ​യും നാ​ര​ങ്ങ​യു​ടെ വി​ല​വ​ർ​ധ​ന സാ​ര​മാ​യി ബാ​ധി​ച്ചു. അ​സം​സ്കൃ​ത വ​സ്തു​വി​ന്‍റെ വി​ല കു​തി​ച്ചു​യ​ർ​ന്ന​തോ​ടെ ഉ​ത്പ​ന്ന​ങ്ങ​ളു​ടെ വി​ല വ​ർ​ധി​പ്പി​ക്കേ​ണ്ടി​വ​രു​മെ​ങ്കി​ലും വി​ല കൂ​ട്ടി​യാ​ൽ വി​ല്​പ​ന കു​റ​യു​മെ​ന്ന ആ​ശ​ങ്ക​യി​ലാ​ണ് സം​രം​ഭ​ക​ർ. നാ​ര​ങ്ങ​യു​ടെ വ​ര​വ് സാ​ധാ​ര​ണ നി​ല​യി​ലാ​കാ​തെ വി​ല​ക്ക​യ​റ്റ​ത്തി​ന് അ​റു​തി​യു​ണ്ടാ​കി​ല്ലെ​ന്നാ​ണ് വ്യാ​പാ​രി​ക​ളു​ടെ വി​ല​യി​രു​ത്ത​ൽ. ദാ​ഹ​മ​ക​റ്റു​ന്ന നാ​ര​ങ്ങാ​വെ​ള്ളം പോ​ലും സാ​ധാ​ര​ണ​ക്കാ​രന്‍റെ കീ​ശ പൊ​ള്ളി​ക്കു​ന്ന കാ​ല​മാ​ണോ വ​രു​ന്ന​തെ​ന്ന ആ​ശ​ങ്ക​യി​ലാ​ണ് വ്യാ​പാ​രി​ക​ൾ.

Tags : NattuVishesham DistrictNews