മന്ത്രി റോജി എം. ജോണിന് മൂക്കന്നൂർ പൗരാവലി ഒരുക്കിയ സ്വീകരണ സമ്മേളനത്തിൽ പഞ്ചായത്ത് പ്രസിഡന്റ് ജയ രാധാകൃഷ്ണൻ, വൈസ് പ്രസിഡന്റ് ബിജു പാലാട്ടി എന്നിവർ മ
അങ്കമാലി : ഉന്നത വിദ്യാഭ്യാസ മന്ത്രി റോജി എം. ജോണിന് മൂക്കന്നൂർ പൗരാവലി ഊഷ്മള സ്വീകരണം നൽകി. മൂക്കന്നൂർ ഗ്രാമത്തിന്റെ വിവിധ വികസന പ്രവർത്തനങ്ങളിൽ സജീവ ശ്രദ്ധ പുലർത്തുമെന്ന് മന്ത്രി പറഞ്ഞു.
മൂക്കന്നൂർ സേക്രഡ് ഹാർട്ട് ഇംഗ്ലീഷ് മീഡിയം സ്കൂൾ ഓഡിറ്റോറിയത്തിൽ പഞ്ചായത്തും വിവിധ സംഘടനകളും സ്ഥാപനങ്ങളും ചേർന്ന് ഒരുക്കിയ സ്വീകരണ സമ്മേളനം ബെന്നി ബഹനാൻ എംപി ഉദ്ഘാടനം ചെയ്തു. പഞ്ചായത്ത് പ്രസിഡന്റ് ജയ രാധാകൃഷ്ണൻ അധ്യക്ഷത വഹിച്ചു.
മർച്ചന്റ്സ് അസോസിയേഷൻ പ്രസിഡന്റ് പോൾ പി. കുര്യൻ, ഡിസിസി ജനറൽ സെക്രട്ടറി കെ.പി. ബേബി, ഫൊറോന വികാരി ഫാ. അഗസ്റ്റിൻ ഭരണികുളങ്ങര, സിഎസ്ടി സഭാ സുപ്പീരിയർ ഫാ. ജോർജ് കൊട്ടാരംകുന്നേൽ, എംഎജിജെ ഹോസ്പിറ്റൽ ഡയറക്ടർ ബ്രദർ തോമസ് കണ്ടോരുകടവിൽ, ജില്ലാ പഞ്ചായത്ത് സ്റ്റാൻഡിംഗ് കമ്മറ്റി ചെയർമാൻ ഷൈജോ പറമ്പി, അങ്കമാലി ബ്ലോക്ക് പഞ്ചായത്ത് വൈസ് പ്രസിഡന്റ് ടി.എം. വർഗീസ്, പഞ്ചായത്ത് വൈസ് പ്രസിഡന്റ് ബിജു പാലാട്ടി എന്നിവർ പ്രസംഗിച്ചു.
ചടങ്ങിൽ ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ ഗ്രേസി റാഫേൽ, മെമ്പർ ലൗലി ബേബി, പഞ്ചായത്ത് സ്റ്റാൻഡിംഗ് കമ്മിറ്റി ചെയർമാന്മാരായ മിൽസ ജിജൊ, വിൻസി തോമസ്, ടി.വി. സുബ്രൻ , പഞ്ചായത്ത് അംഗങ്ങളായ മിനി വർഗീസ്, ലിജി പാപ്പച്ചൻ,സിനി ഡേവിസ്, റോയ്സൻ വർഗീസ്, ബിജു ജോസഫ്, ടി.ഒ. മത്തായി , ലൈജൊ ആന്റു, ഏല്യാസ് കെ. തരിയൻ, ബിന്ദു കുമാരൻ, സാലി ജോയി, സഹകരണ ബാങ്ക് പ്രസിഡന്റ് പി.എൽ. ജോസ് തുടങ്ങിയവർ പങ്കെടുത്തു.
Tags : Local News Nattuvishesham Ernakulam