രാഹുൽ രാജനും സരു പൊഖേലും വിവാഹിതരായപ്പോൾ.
പറവൂർ: അതിർത്തി കടന്നെത്തിയ പ്രണയ സ്വപ്നങ്ങൾക്ക് സാഫല്യമേകി നേപ്പാൾ സ്വദേശിനിയുടെ കഴുത്തിൽ മലയാളി യുവാവ് താലി ചാർത്തി. നേപ്പാളിലെ സുദീപ് പൊഖേലിന്റെയും പൂജ പൊഖേലിന്റെയും മകൾ സരു പൊഖേലിന് പറവൂർ കടവത്ത് റോഡ് നിവൃത്തി വീട്ടിൽ പരേതനായ സി.എം. രാജന്റെയും പി.കെ. ഷൈലജയുടെയും മകൻ രാഹുൽ രാജനാണ് മിന്നുകെട്ടിയത്.
ഇന്നലെ രാവിലെ ഒമ്പതിനും 9.30 നും മധ്യേയുള്ള മുഹൂർത്തത്തിൽ ചേന്ദമംഗലം പാലിയം പുതിയതൃക്കോവ് ക്ഷേത്രത്തിലായിരുന്നു വിവാഹം. തനിനാടൻ മലയാളി പെൺകുട്ടിയെപ്പോലെ അണിഞ്ഞൊരുങ്ങിയാണ് സരു പൊഖേൽ വിവാഹവേദിയിലെത്തിയത്.
നാല് വർഷം മുമ്പ് ഹൈദരാബാദിലെ ഐടി കമ്പനിയിൽ ഒരുമിച്ചു ജോലി ചെയ്യുമ്പോഴാണ് ഇരുവരും തമ്മിൽ പ്രണയത്തിലായത്. മുഖ്യമന്ത്രി വി.ഡി. സതീശൻ, നഗരസഭാ അധ്യക്ഷൻ രമേഷ് ഡി കുറുപ്പ് എന്നിവരും വിവാഹത്തിൽ പങ്കെടുത്ത് ആശംസകൾ അറിയിച്ചു.
Tags : Local News Nattuvishesham Ernakulam