1

കൊ​ച്ചി: എ​റ​ണാ​കു​ളം മെ​ഡി​ക്ക​ൽ കോ​ള​ജി​ൽ സാ​ധാ​ര​ണ​ക്കാ​ർ​ക്കു കു​റ​ഞ്ഞ ചെ​ല​വി​ൽ സ്പെ​ഷാ​ലി​റ്റി ചി​കി​ത്സ ല​ഭി​ച്ചി​രു​ന്ന ന്യൂ​റോ സ​ർ​ജ​റി വി​ഭാ​ഗ​ത്തി​ൽ ഡോ​ക്ട​ർ​മാ​രി​ല്ല. ന്യൂ​റോ സ​ർ​ജ​റി വി​ഭാ​ഗ​ത്തി​ൽ ഡോ​ക്ട​ർ​മാ​രു​ടെ മൂ​ന്നു ത​സ്തി​ക​ക​ളും ഒ​ഴി​ഞ്ഞു കി​ട​ക്കു​ക​യാ​ണ്.
അ​ത്യാ​ധു​നി​ക സൗ​ക​ര്യ​ങ്ങ​ളും ചി​കി​ത്സാ സം​വി​ധാ​ന​ങ്ങ​ളും ഒ​രു​ക്കി​യ ന്യൂ​റോ സ​ർ​ജ​റി വി​ഭാ​ഗ​ത്തി​ൽ, താ​ക്കോ​ൽ​ദ്വാ​ര ശ​സ്ത്ര​ക്രി​യ​ക​ൾ ഉ​ൾ​പ്പ​ടെ നേ​ര​ത്തെ വി​ജ​യ​ക​ര​മാ​യി ന​ട​ന്നി​രു​ന്നു.

സ്വ​കാ​ര്യ ആ​ശു​പ​ത്രി​ക​ളെ അ​പേ​ക്ഷി​ച്ചു കു​റ​ഞ്ഞ ചെ​ല​വി​ൽ സ​ങ്കീ​ർ​ണ​മാ​യ ശ​സ്ത്ര​ക്രി​യ​ക​ളും ചി​കി​ത്സ​ക​ളും ന​ട​ത്താ​നാ​യി​രു​ന്ന​തു സാ​ധാ​ര​ണ​ക്കാ​രാ​യ രോ​ഗി​ക​ൾ​ക്ക് ആ​ശ്വാ​സ​മാ​യി​രു​ന്നു.
ആ​ശു​പ​ത്രി​യി​ലെ ജ​ന​റ​ൽ സ​ർ​ജ​റി, ഓ​ർ​ത്തോ​പീ​ഡി​ക്സ്, കാ​ഷ്വാ​ലി​റ്റി തു​ട​ങ്ങി വി​വി​ധ വി​ഭാ​ഗ​ങ്ങ​ളി​ലും ആ​വ​ശ്യ​ത്തി​നു ഡോ​ക്ട​ർ​മാ​രി​ല്ലെ​ന്നു പ​രാ​തി​യു​ണ്ട്.

ജ​ന​റ​ൽ സ​ർ​ജ​റി​ വിഭാഗ ത്തിൽ 15 സ്ഥിരം ഡോ​ക്ട​ർ​മാ​ർ വേ​ണ്ട സ്ഥാ​ന​ നി​ല​വി​ലു​ള്ള​ത് 11 പേ​രാ​ണ്.
ഓ​ർ​ത്തോ​പീ​ഡി​ക്സി​ൽ ഒ​ന്പ​തു ത​സ്തി​ക​ക​ളി​ൽ ആ​റു പേ​ർ മാ​ത്ര​മാ​ണ് സ്ഥി​രം ഡോ​ക്ട​ർ​മാ​രാ​യു​ള്ള​ത്. എ​മ​ർ​ജ​ൻ​സി മെ​ഡി​സി​നി​ൽ സ്ഥി​രം ഡോ​ക്ട​ർ​മാ​രു​ടെ ത​സ്തി​ക ഒ​ഴി​ഞ്ഞു​കി​ട​ക്കു​ക​യാ​ണ്.
നി​ല​വി​ൽ ഇ​വി​ടെ സേ​വ​നം ചെ​യ്യു​ന്ന​തു ക​രാ​ർ അ​ടി​സ്ഥാ​ന​ത്തി​ലു​ള്ള ര​ണ്ടു ഡോ​ക്ട​ർ​മാ​രാ​ണ്.

അ​തേ​സ​മ​യം മെ​ഡി​ക്ക​ൽ കോ​ള​ജി​ൽ ആ​വ​ശ്യ​മാ​യ ഗ്യാ​സ്ട്രോ എ​ൻ​ട്രോ​ള​ജി, പ്ലാ​സ്റ്റി​ക് സ​ർ​ജ​റി, പീ​ഡി​യാ​ട്രി​ക് കാ​ർ​ഡി​യോ​ള​ജി എ​ന്നീ വി​ഭാ​ഗ​ങ്ങ​ളി​ലേ​ക്കു പു​തി​യ ത​സ്തി​ക​ക​ൾ സൃ​ഷ്ടി​ക്കു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ച്ചി​ട്ടു​ണ്ടെ​ന്ന് അ​ധി​കൃ​ത​ർ അ​റി​യി​ച്ചു.

Tags : Nattuvishesham Districtnews Deepikanews Without Doctors