പരുമലയിൽ നടക്കുന്ന സെന്റ് തോമസ് ഓർത്തഡോക്സ് വൈദിക സംഘത്തിന്റെ ആഗോള ത്രിദിന സമ്മേളന ലോഗോ പ്രകാശനം വൈദിക സംഘം പ്രസിഡന്റ് ഡോ. മാത്യൂസ് മാർ തിമോത്തിയോസ് നി
മാന്നാർ: മലങ്കര ഓർത്തഡോക്സ് സുറിയാനി സഭയുടെ വൈദിക കൂട്ടായ്മയായ സെന്റ് തോമസ് ഓർത്തഡോക്സ് വൈദിക സംഘത്തിന്റെ ആഗോള ത്രിദിന സമ്മേളനം മെയ് 19, 20, 21 തീയതികളിൽ പരുമലയിൽ നടക്കും. ലോഗോ പ്രകാശനവും സ്വാഗതസംഘം ഓഫീസിന്റെ ഉദ്ഘാടനവും പരുമലയിൽ നടന്നു. മലങ്കരസഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ സമ്മേളനം ഔദ്യോഗികമായി ഉദ്ഘാടനം ചെയ്യും.
32 ഭദ്രാസനങ്ങളിൽനിന്നായി ആയിരത്തിലധികം വൈദികർ പങ്കുചേരും. അപ്പോസ്തോലിക ജ്വാലയുടെ കാവലാൾ മാറുന്ന ലോകത്തെ പൗരോഹിത്യ സാക്ഷ്യം എന്നതാണ് സമ്മേളനത്തിന്റെ മുഖ്യചിന്താവിഷയം. മാറുന്ന കാലഘട്ടത്തിൽ വൈദികർ നേരിടുന്ന വെല്ലുവിളികളും സഭയുടെ അപ്പോസ്തോലിക പാരമ്പര്യം മുറുകെപ്പിടിച്ചുള്ള സാക്ഷ്യവുമാണ് സമ്മേളനം ചർച്ച ചെയ്യുന്നത്.
സമ്മേളനത്തിന്റെ ഔദ്യോഗിക ലോഗോ പ്രകാശനം വൈദിക സംഘം പ്രസിഡന്റ് ഡോ. മാത്യൂസ് മാർ തിമോത്തിയോസ് നിർവഹിച്ചു. ചടങ്ങിൽ വൈദിക സംഘം ജനറൽ സെക്രട്ടറി ഫാ. ഡോ. നൈനാൻ വി. ജോർജ്, ജോയിന്റ് സെക്രട്ടറി ഫാ. ഡോ. മാത്യു വർഗീസ്, ജനറൽ സെക്രട്ടറിമാരായ ഫാ. ലെസ്ലി പി. ചെറിയാൻ, ഫാ. മിഥുൻ വർഗീസ് എന്നിവർ പങ്കെടുത്തു.