കട്ടപ്പന ടൗണ് ഹാളിൽ നടന്ന പാലിയേറ്റീവ് സംഗമം പത്തനംതിട്ട ഡി പോൾ കെയർ ഹോം അഡ്മിനിസ്ട്രേറ്റർ ഫാ. അഖിൽ പത്തിൽ ഉദ്ഘാടനം ചെയ്യുന്നു.
കട്ടപ്പന: നഗരസഭയും താലൂക്ക് ആശുപത്രിയും ചേർന്ന് സംഘടിപ്പിച്ച പാലിയേറ്റീവ് സംഗമം - സാന്ത്വനസ്പർശം പത്തനംതിട്ട ഡി പോൾ കെയർ ഹോം അഡ്മിനിസ്ട്രേറ്റർ ഫാ. അഖിൽ പത്തിൽ ഉദ്ഘാടനം ചെയ്തു. കൂടെ നിൽക്കാം ചേർത്തുപിടിക്കാം എന്ന സന്ദേശത്തോടെയാണ് സാന്ത്വനസ്പർശം സംഘടിപ്പിച്ചത്.
കട്ടപ്പന ടൗണ്ഹാളിൽ നടന്ന സംഗമത്തിൽ നഗരസഭാ ചെയർ പേഴ്സണ് ബീന ടോമി അധ്യക്ഷത വഹിച്ചു. സംഗമത്തിൽ പാലിയേറ്റീവ് രംഗത്ത് സേവനം ചെയ്യുന്ന താലൂക്ക് ആശുപത്രിയിലെ ജീവനക്കാരെ ആദരിച്ചു. നഗരസഭാ വൈസ് ചെയർമാൻ അഡ്വ. കെ.ജെ. ബെന്നി, ആരോഗ്യ സ്റ്റാന്ഡിംഗ് കമ്മിറ്റി ചെയർപേഴ്സണ് ലീലാമ്മ ബേബി, താലൂക്ക് ആശുപത്രി സൂപ്രണ്ട് ഡോ. ഉമാദേവി, നഗരസഭാ കൗണ്സിലർമാരായ സിബി പാറപ്പായി, ഐബിമോൾ രാജൻ, സിജു ചക്കുംമൂട്ടിൽ, പ്രശാന്ത് രാജു, രാജൻ കാലച്ചിറ, സോണിയ ജെയ്ബി, ജൂലി റോയി തുടങ്ങിയവർ പ്രസംഗിച്ചു.