അകന്പാടം മൈതാനം
നിലന്പൂർ: അകന്പാടം മൈതാനം യാഥാർഥ്യമാകാൻ വഴിയൊരുങ്ങുന്നു. ഇതിനായി ഡിപിആർ കായികമന്ത്രിക്ക് സമർപ്പിച്ചു. ഫണ്ട് ലഭ്യമാക്കാമെന്ന് മന്ത്രിയുടെ ഉറപ്പ്. ചാലിയാർ പഞ്ചായത്തിന് കായികമൈതാനം ഇല്ലാതായിട്ട് മൂന്ന് വർഷമാകുന്പോഴും സൗജന്യമായി ലഭിച്ച രണ്ടേക്കർ സ്ഥലത്ത് മൈതാനം യാഥാർഥ്യമാകാതെ കിടക്കുകയാണ്. കഴിഞ്ഞ ജൂലൈ 27ന് ചേർന്ന പഞ്ചായത്ത് ബോർഡ് യോഗത്തിൽ മൈതാനം യാഥാർഥ്യമാക്കാൻ തീരുമാനിച്ചിരുന്നു.
അകന്പാടം ആറംക്കോട് കുന്നത്ത് അപ്പുണ്ണിനായരുടെ ഭാര്യ കൊന്നോല കാർത്ത്യായനിഅമ്മ രണ്ടു കോടി രൂപ നൽകി വാങ്ങിയ രണ്ട് ഏക്കർ സ്ഥലം ഗ്രാമപഞ്ചായത്ത് സെക്രട്ടറിയുടെ പേരിൽ രജിസ്റ്റർ ചെയ്ത് കൊടുത്തിരുന്നു. എന്നാൽ കഴിഞ്ഞ പഞ്ചായത്ത് ഭരണ സമിതി തുടർ നടപടി സ്വീകരിച്ചില്ല.
അന്ന് ബ്ലോക്ക് പഞ്ചായത്തംഗമായിരുന്ന സഹിൽ അകന്പാടം ബ്ലോക്ക് ഫണ്ടിൽനിന്ന് മൈതാനത്തിന് 20 ലക്ഷം രൂപ അനുവദിച്ചിരുന്നു. ഇപ്പോൾ നിലവിലെ ഭരണ സമിതി 36 പേജുള്ള ഡിപിആർ ആണ് കായികമന്ത്രി ഒ.ജെ. ജനീഷിന് കൈമാറിയിട്ടുള്ളത്. ഡിപിആർ പ്രകാരം 2.56 കോടി രൂപയാണ് മൈതാന നിർമാണത്തിന് ആവശ്യമായി വരിക. മന്ത്രി പി.കെ. ബഷീറിന്റെ സാന്നിധ്യത്തിൽ ചാലിയാർ ഗ്രാമപഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ അനീഷ് അഗസ്റ്റ്യൻ, ഡിസിസി ജനറൽ സെക്രട്ടറി എം.കെ. ഹാരീസ് ബാബു എന്നിവർ ചേർന്നാണ് കായികമന്ത്രിക്ക് ഡിപിആർ കൈമാറിയത്. രണ്ട് തവണകളായി മൈതാന നിർമാണത്തിന് ആവശ്യമായ ഫണ്ട് നൽകാമെന്നാണ് മന്ത്രിയുടെ ഉറപ്പ്.
Tags : Nattuvishesham DistrictNews DeepikaNews