പ്രതീകാത്മക ചിത്രം
മീനങ്ങാടി: നബാര്ഡിന്റെ സാമ്പത്തിക സഹായത്തോടെ സ്റ്റെര്ക്ക് വയനാട് (സയന്സ് ടെക്നോളജി എഡ്യുക്കേഷന് ആന്ഡ് റിസര്ച്ച് സെന്റര്) നടപ്പാക്കുന്ന 15 ദിവസത്തെ ഭക്ഷ്യോത്പന്ന നിര്മാണ പരിശീലന പരിപാടി തുടങ്ങി.
മീനങ്ങാടി പഞ്ചായത്ത് പ്രസിഡന്റ് ശ്രീജ സുരേഷ് ഉദ്ഘാടനം ചെയ്തു.പരിശീലനത്തില് പങ്കെടുക്കുന്ന വനിതകള്ക്ക് സംരംഭങ്ങള് ആരംഭിക്കുന്നതിനും വികസിപ്പിക്കുന്നതിനും കുടുംബശ്രീ വഴി ആവശ്യമായ പിന്തുണ നല്കുമെന്ന് പ്രസിഡന്റ് പറഞ്ഞു.
വയനാട് ലീഡ് ബാങ്ക് മാനേജര് എ. വിനീഷ് ബാബു വിവിധ സംരംഭകത്വ പ്രോത്സാഹന പദ്ധതികള് പരിചയപ്പെടുത്തി. ജില്ലാ വ്യവസായകേന്ദ്രം ജനറല് മാനേജര് എ.കെ. ജിഷ, അസിസ്റ്റന്റ് ജില്ലാ ഇന്ഡസ്ട്രീസ് ഓഫിസര് കെ.കെ. രാജേഷ് എന്നിവര് പ്രസംഗിച്ചു. തുടര്ന്ന് നടന്ന സെഷനില് ക്ഷീരവികസന വകുപ്പ് റിട്ട. ജോയിന്റ് ഡയറക്ടര് എം. പ്രകാശ് സംരംഭകത്വ പരിശീലനത്തിന്റെ ലക്ഷ്യങ്ങളെക്കുറിച്ച് ക്ലാസെടുത്തു. ബത്തേരി ബ്ലോക്കിലെ 30 വനിതകളാണ് പരിശീലനത്തില് പങ്കെടുക്കുന്നത്. അരി, ചെറുധാന്യങ്ങള്, ബേക്കറി ഉത്പന്നങ്ങള്, മസാലക്കൂട്ടുകള്, ക്ഷീരോത്പന്നങ്ങള് എന്നിവയുടെ നിര്മാണത്തിലാണ് പരിശീലനം നല്കുന്നത്. തിയറി ക്ലാസുകള്ക്കു പുറമേ പ്രായോഗിക പരിശീലനവും വിജയകരമായി പ്രവര്ത്തിക്കുന്ന അഗ്രിബിസിനസ് യൂണിറ്റുകളിലേക്കുള്ള പഠനസന്ദര്ശനവും സംഘടിപ്പിക്കും. സ്റ്റെര്ക്ക് ചെയര്മാന് പ്രഫ. കെ. ബാലഗോപാലന് അധ്യക്ഷത വഹിച്ചു. വൈസ്ചെയര്മാന് പി.ആര്. മധുസൂദനന്, സിഇഒ എം.എം. ടോമി എന്നിവര് പ്രസംഗിച്ചു.