ഭക്ഷ്യസുരക്ഷാ സ്ക്വാഡ് പരിശോധന നടത്തുന്നു.
മാനന്തവാടി: ഓപ്പറേഷന് തെളിമയുടെ ഭാഗമായി വയനാട്ടില് ഭക്ഷ്യസുരക്ഷാ സ്ക്വാഡ് നടത്തിയ മിന്നല് പരിശോധനയെത്തുടര്ന്ന് നാല് സ്ഥാപനങ്ങളുടെ ലൈസന്സ് സസ്പെന്ഡ് ചെയ്തു.
13 സ്ഥാപനങ്ങളില് നടത്തിയ പരിശോധനയില് ഗുരുതര വീഴ്ചകള് കണ്ടെത്തിയ നാല് സ്ഥാപനങ്ങളുടെ ലൈസന്സാണ് സസ്പെന്ഡ് ചെയ്തത്. ഭക്ഷ്യസുരക്ഷാ സ്റ്റാന്ഡേര്ഡ്സ് ആക്ട് പ്രകാരം വയനാട് അസിസ്റ്റന്റ് കമ്മിഷണറാണ് നടപടി സ്വീകരിച്ചത്. വൃത്തിഹീനമായ സാഹചര്യത്തില് പ്രവര്ത്തിച്ച അഞ്ച് സ്ഥാപനങ്ങള്ക്കെതിരേ പിഴയടയ്ക്കുന്നതിനും ശിപാര്ശചെയ്തു.
ഉപയോഗ ശൂന്യമായ 19.1 ലിറ്റര് എണ്ണ പിടിച്ചെടുത്ത് നശിപ്പിച്ചു. ഭക്ഷ്യസുരക്ഷാ മാനദണ്ഡങ്ങള് ലംഘിച്ച് പൊതുജനങ്ങളിലേക്ക് എത്താന് സാധ്യതയുണ്ടായിരുന്ന 120 കിലോ ഭക്ഷ്യവസ്തുക്കള് പിടിച്ചെടുത്ത് നശിപ്പിച്ചു. വയനാട് ഭക്ഷ്യസുരക്ഷാ അസിസ്റ്റന്റ് കമ്മിഷണര് ഡോ. ജോസഫ് കുര്യാക്കോസ്, ഫുഡ് സേഫ്റ്റി ഓഫിസര്മാരായ ഡോ. അഞ്ജു ജോര്ജ്, നിഷ പി. മാത്യു, കെ.ബി. പദ്മനാഭന്, പി.ആര്. സുരേഷ് ബാബു, ബിപിന് വര്ഗീസ്, അബ്ദുള് സലാം, സല്മ എന്നിവരടങ്ങുന്ന സ്ക്വാഡാണ് പഴകിയ ഭക്ഷ്യ വസ്തുക്കള് പിടികൂടിയത്. നിയമലംഘനങ്ങള്ക്കെതിരേ വരും ദിവസങ്ങളിലും പരിശോധന തുടരുമെന്ന് ഭക്ഷ്യ സുരക്ഷ വകുപ്പ് ഉദ്യോഗസ്ഥര് അറിയിച്ചു.