1

ക​ൽ​പ്പ​റ്റ: പു​ഞ്ചി​രി​മ​ട്ടം ഉ​രു​ൾ​പൊ​ട്ട​ൽ ദു​ര​ന്ത​ബാ​ധി​ത​ർ​ക്കാ​യി നി​ർ​മി​ക്കു​ന്ന പു​ന​ര​ധി​വാ​സ ടൗ​ണ്‍​ഷി​പ്പി​ലെ വീ​ടു​ക​ളു​ടെ നി​ർ​മാ​ണം 31ന​കം പൂ​ർ​ത്തി​യാ​ക്കും.
ടൗ​ണ്‍​ഷി​പ്പി​ലെ മ​റ്റ് അ​ടി​സ്ഥാ​ന സൗ​ക​ര്യ​ങ്ങ​ളു​ടെ നി​ർ​മാ​ണം ന​വം​ബ​ർ 15ന​കം പൂ​ർ​ത്തി​യാ​ക്കാ​നും മ​ന്ത്രി​മാ​രാ​യ എ.​പി. അ​നി​ൽ​കു​മാ​ർ, ടി. ​സി​ദ്ദി​ഖ്, കെ.​എം. ഷാ​ജി എ​ന്നി​വ​രു​ടെ സാ​ന്നി​ധ്യ​ത്തി​ൽ തി​രു​വ​ന​ന്ത​പു​ര​ത്ത് ചേ​ർ​ന്ന കാ​ബി​ന​റ്റ് സ​ബ് ക​മ്മി​റ്റി യോ​ഗ​ത്തി​ൽ തീ​രു​മാ​നി​ച്ചു.

നി​ർ​മാ​ണം പൂ​ർ​ത്തി​യാ​കു​ന്ന വീ​ടു​ക​ൾ ഗു​ണ​ഭോ​ക്താ​ക്ക​ൾ​ക്ക് കൈ​മാ​റു​ന്ന​തി​നാ​യി ന​റു​ക്കെ​ടു​പ്പ് ഉ​ൾ​പ്പെ​ടെ​യു​ള്ള ന​ട​പ​ടി​ക​ൾ സ്വീ​ക​രി​ക്കാ​ൻ ജി​ല്ലാ ക​ള​ക്ട​ർ​ക്ക് യോ​ഗം നി​ർ​ദേ​ശം ന​ൽ​കി. വീ​ടു​ക​ൾ അ​നു​വ​ദി​ക്കേ​ണ്ട ഗു​ണ​ഭോ​ക്താ​ക്ക​ളു​ടെ പ​ട്ടി​ക അ​ന്തി​മ​മാ​ക്കാ​ൻ ത​ദ്ദേ​ശ​സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ അ​ഭി​പ്രാ​യം​കൂ​ടി പ​രി​ഗ​ണി​ക്കും. ദു​ര​ന്ത​ബാ​ധി​ത​ർ​ക്ക് നി​ല​വി​ൽ ന​ൽ​കി​വ​രു​ന്ന വാ​ട​ക​യും ഫു​ഡ് കൂ​പ്പ​ണും തു​ട​രും. കൃ​ഷി​നാ​ശം സം​ഭ​വി​ച്ച ക​ർ​ഷ​ക​രു​ടെ വി​വ​ര​ങ്ങ​ൾ ല​ഭ്യ​മാ​ക്കാ​ൻ ജി​ല്ലാ ദു​ര​ന്ത നി​വാ​ര​ണ വി​ഭാ​ഗ​ത്തി​ന് നി​ർ​ദേ​ശം ന​ൽ​കി. ക​ർ​ഷ​ക​ർ​ക്കും വ്യാ​പാ​രി​ക​ൾ​ക്കും അ​ർ​ഹ​മാ​യ ന​ഷ്ട​പ​രി​ഹാ​ര തു​ക വേ​ഗ​ത്തി​ൽ കൈ​മാ​റു​ന്ന​തി​നും യോ​ഗം തീ​രു​മാ​നി​ച്ചു. ദു​ര​ന്ത​ബാ​ധി​ത കു​ടും​ബ​ങ്ങ​ൾ​ക്ക് അ​ർ​ഹ​മാ​യ ആ​നു​കൂ​ല്യ​ങ്ങ​ളും സ​ഹാ​യ​ങ്ങ​ളും വേ​ഗ​ത്തി​ൽ ല​ഭ്യ​മാ​ക്കു​ന്ന​തി​ന് ഏ​ർ​പ്പെ​ടു​ത്തി​യ സ്മാ​ർ​ട്ട് കാ​ർ​ഡ് വി​ത​ര​ണം അ​ടി​യ​ന്ത​ര​മാ​യി പൂ​ർ​ത്തി​യാ​ക്കാ​നും നി​ർ​ദേ​ശം ന​ൽ​കി. ബാ​ങ്ക് വാ​യ്പ​ക​ളു​മാ​യി ബ​ന്ധ​പ്പെ​ട്ട പ്ര​ശ്ന​ങ്ങ​ൾ എ​ത്ര​യും വേ​ഗം പ​രി​ഹ​രി​ക്കു​ന്ന​തി​നു​ള്ള ന​ട​പ​ടി​ക​ൾ സ്വീ​ക​രി​ക്കാ​നും യോ​ഗം നി​ർ​ദേ​ശി​ച്ചു.

Tags : Nattuvishesham DistrictNews DeepikaNews