മഞ്ചേരി: ബജറ്റിൽ മഞ്ചേരി ഗവണ്മെന്റ് മെഡിക്കൽ കോളജിന്റെ സമഗ്ര വികസനത്തിന് കോടികളുടെ പദ്ധതികൾ. വയനാട്, ഹരിപ്പാട്, ഇടുക്കി, മെഡിക്കൽ കോളജുകൾക്കൊപ്പം മഞ്ചേരി മെഡിക്കൽ കോളജിനുമായി 100 കോടി രൂപയാണ് വകയിരുത്തൽ. ജനറൽ ആശുപത്രി വികസനത്തിനായി 10 കോടിയിൽ രണ്ട് കോടി രൂപ അഡ്വാൻസും അനുവദിച്ചു.
മണ്ഡലത്തിലെ തൃക്കലങ്ങോട് എളങ്കൂർ, പാണ്ടിക്കാട്, എടപ്പറ്റ തുടങ്ങിയ കുടുംബാരോഗ്യ കേന്ദ്രങ്ങൾക്ക് കെട്ടിട നിർമാണത്തിനായി മൂന്ന് കോടി രൂപയും നീക്കിവച്ചു. മഞ്ചേരി ബൈപാസുമായി ബന്ധിപ്പിച്ച് ജസീല ജംഗ്ഷനിൽ മേൽപ്പാലം നിർമാണത്തിനും ഫസ്റ്റ് ആൻഡ് സെക്കന്റ് റീച്ച് നിർമാണത്തിന് 60 ലക്ഷം രൂപയും അനുവദിച്ചിട്ടുണ്ട്.
മുള്ളിയാക്കുറിശി - പാണ്ടിക്കാട് റോഡ് വീതികൂട്ടി ബിഎം ആൻഡ് ബിസി ചെയ്യൽ, മഞ്ചേരി - കിഴിശേരി റോഡിലെ തുറക്കൽ ജംഗ്ഷൻ മുതൽ രാമൻകുളം വരെ സൈഡിലെ ഡ്രൈനേജ് നിർമാണം, ചെരണി മംഗലശേരി റോഡ് പൊതുമരാമത്ത്, കാരക്കുന്ന് - ആമയൂർ - എളയൂർ റോഡ്, എക്സൈസ് റേഞ്ച് ഓഫീസ് ആൻഡ് സർക്കിൾ ഓഫീസ്, മഞ്ചേരി പുതിയ ഓഫീസ് കെട്ടിട നിർമാണം, മഞ്ചേരി മെഡിക്കൽ കോളജിന് മുന്നിൽ ലിഫ്റ്റ് സൗകര്യം,
കാരക്കുന്ന് - ആമയൂർ - എളയൂർ റോഡ്, മഞ്ചേരി ഒലിപ്പുഴ റോഡ് ബി എം ബി സി പാണ്ടിക്കാട് മുതൽ ഒലിപ്പുഴ വരെ, കാട്ടുങ്ങച്ചോല - പിലാക്കൽ പുഴക്കാവ് റോഡ്, മഞ്ചേരി ലിങ്ക് റോഡ് ബിഎംബിസി ചെയ്ത് നവീകരിക്കൽ, ചാരങ്കാവ് - വെട്ടിക്കാട്ടിരി റോഡ് നിർമാണം തുടങ്ങിയവയാണ് ടോക്കണ് ലഭിച്ച മറ്റ് പ്രധാന പദ്ധതികൾ.
Tags : Local News Nattuvishesham Malappuram