പാലാ: നാലു പതിറ്റാണ്ടുകാലം അധ്യാപനരംഗത്ത് വൈദഗ്ധ്യം തെളിയിച്ച പ്രഫ. തോമസ് തെള്ളി നവതിനിറവില്. പാലാ സെന്റ് തോമസ് കോളജില് ദീര്ഘകാലം വിവിധ വകുപ്പുകളില് അധ്യാപകനായിരുന്നു. സസ്യശാസ്ത്രത്തിലും പാരമ്പര്യ ശാസ്ത്രത്തിലും വര്ഗീകരണശാസ്ത്രത്തിലും അദ്ദേഹത്തിനുള്ള ആഴമേറിയ പരിജ്ഞാനം നിരവധി ബഹുമതികള്ക്ക് അദ്ദേഹത്തെ അര്ഹനാക്കി.
കുട്ടികള്ക്ക് നോട്ട് കുറിച്ചുനല്കുന്ന സമ്പ്രദായം ഉപേക്ഷിച്ച കാര്ക്കശ്യക്കാരനായ അധ്യാപകനായാണ് വിദ്യാര്ഥികള് ഇദ്ദേഹത്തെ ഓര്മിക്കുന്നത്. വിദ്യാർഥികളെ പേരെടുത്ത് വിളിച്ചു സംസാരിക്കുന്ന അസാമാന്യ ഓര്മശക്തി അദ്ദേഹത്തിന്റെ പ്രത്യേകതയാണ്.
പൂഞ്ഞാര് തെള്ളിയില് കുടുംബാംഗ മായ പ്രഫ. തോമസ് ബിരുദബിരുദാനന്തര പരീക്ഷാ ബോര്ഡുകളില് ചെയര്മാന്, ബോര്ഡ് ഓഫ് സ്റ്റഡീസ് ചെയര്മാന് (പി.ജി.), സിലബസ് റിവിഷന് കമ്മിറ്റി (പി.ജി), ഇന്ത്യയിലെ വിവിധ സര്വകലാശാലകളിൽ പിജി പരീക്ഷയുടെ എക്സ്റ്റേണല് എക്സാമിനർ, ക്വസ്റ്റ്യന് പേപ്പര് സെക്ടറാർ എന്നീ നിലകളിൽ തിളക്കമാര്ന്ന പ്രവര്ത്തനം കാഴ്ചവച്ചു.