സിപിഎം ജനപ്രതിനിധികൾ എടത്വ വില്ലേജ് ഓഫീസ് ഉപരോധിച്ചപ്പോൾ.
എടത്വ: പ്രളയദുരിതബാധിതർക്ക് സർക്കാർ പ്രഖ്യാപിച്ച ധനസഹായം അടിയന്തരമായി വിതരണം ചെയ്യണമെന്നാവശ്യപ്പെട്ട് സിപിഎം ജനപ്രതിനിധികൾ എടത്വ വില്ലേജ് ഓഫിസിന് മുന്നിൽ പ്രതിഷേധ സമരം നടത്തി.
ധനസഹായത്തിന് അർഹരായിട്ടും പട്ടികയിൽനിന്ന് ഒഴിവാക്കപ്പെട്ടവരുടെ അപേക്ഷകൾ ഉൾപ്പെടുത്തി സഹായം അനുവദിക്കുക, 10,000 രൂപ പ്രഖ്യാപിച്ചിട്ടും 5,000 രൂപയും 2,100 രൂപയും മാത്രം അക്കൗണ്ടിൽ ലഭിച്ചവർക്ക് ബാക്കി തുക വിതരണം ചെയ്യുക, സർക്കാർ പ്രഖ്യാപിച്ച 14,200 രൂപ മുഴുവൻ ദുരിതബാധിതർക്കും ലഭ്യമാക്കുക തുടങ്ങിയ ആവശ്യങ്ങളുന്നയിച്ചായിരുന്നു പ്രതിഷേധം.ജനപ്രതിനിധികളായ ജീമോൻ ജോസഫ്, വിനിത ജോസഫ് എന്നിവർ സമരത്തിന് നേതൃത്വം നൽകി.
Tags : Protest by CPM elected representatives NattuVishesham DistrictNews