മൂവാറ്റുപുഴ ജനറൽ ആശുപത്രിയിൽ നഗരസഭയുടെ നേതൃത്വത്തിൽ സംഘടിപ്പിച്ച പൾസ് പോളിയോ തുള്ളിമരുന്ന് വിതരണത്തിന്റെ ഉദ്ഘാടനം നഗരസഭാ ചെയർപേഴ്സൺ ജോയ്സ് മേരി ആന
മൂവാറ്റുപുഴ: നഗരസഭയുടെ നേതൃത്വത്തിൽ സംഘടിപ്പിച്ച പൾസ് പോളിയോ തുള്ളിമരുന്ന് വിതരണത്തിന്റെ ഉദ്ഘാടനം മൂവാറ്റുപുഴ ജനറൽ ആശുപത്രിയിൽ നഗരസഭാ ചെയർപേഴ്സൺ ജോയ്സ് മേരി ആന്റണി നിർവഹിച്ചു.
ചടങ്ങിൽ വാർഡ് അംഗം ഷിതാ റാണി തോമസ് അധ്യക്ഷത വഹിച്ചു. ആശുപത്രി അധികൃതരും ഡോക്ടർമാരും ആരോഗ്യപ്രവർത്തകരും ചടങ്ങിൽ പ്രസംഗിച്ചു. നഗരസഭാ പരിധിയിലെ 28 കേന്ദ്രങ്ങളിലായി പൾസ് പോളിയോ തുള്ളിമരുന്ന് വിതരണം നടന്നു. എല്ലാ കുട്ടികൾക്കും തുള്ളിമരുന്ന് ഉറപ്പാക്കുന്നതിനായി തുടർപ്രവർത്തനങ്ങളും തുടരുമെന്ന് അധികൃതർ അറിയിച്ചു.
കോലഞ്ചേരി: പൂത്തൃക്ക പഞ്ചായത്തിൽ നടന്ന പോളിയോ വാക്സിനേഷൻ ക്യാന്പിന്റെ പഞ്ചായത്ത് തല ഉദ്ഘായനം പൂതൃക്ക പിഎച്ച്സിയിൽ പഞ്ചായത്ത് പ്രസിഡന്റ് ഇൻ ചാർജ് ജോൺ ജോസഫ് നിർവഹിച്ചു. സ്റ്റാൻഡിംഗ് കമ്മറ്റി ചെയർമാൻമാരായ അനു കൃഷ്ണൻ, എം.വി. ജോണി, വാർഡ് മെമ്പർ ഷാന്റി ഷിബു, മെഡിക്കൽ ഓഫീസർ ഡോ. ഭവ്യ ആർ. പ്രസാദ്,
ഹെൽത്ത് ഇൻ സ്പെക്ടർ പി.വി. ശ്രീകാന്ത്, റോട്ടറി ക്ലബ് ഭാരവാഹികളായ സിനു ജോർജ്, ജോളി ജോൺ തുടങ്ങിയവർ പ്രസംഗിച്ചു. ബസ് സ്റ്റാൻഡ്, സ്കൂൾ, അങ്കണവാടി, ക്ലബ് , ഹെൽത്ത് സെന്റർ തുടങ്ങിയ പഞ്ചായത്തിലെ പ്രധാന സ്ഥലങ്ങളിൽ പഞ്ചായത്ത് ഹെൽത്ത് ടീം പോളിയോ വാക്സിൻ നല്കി.
Tags : Local News Nattuvishesham Ernakulam