ജോസ് കെ. മാണി എംപി സംഘടിപ്പിച്ച മെഗാ ക്വിസ് മത്സരത്തിലെ സമ്മാനാര്ഹരായവര് അദ്ദേഹത്തോടൊപ്പം.
പാലാ: രാജ്യത്തിന്റെ 77-ാമത് റിപ്പബ്ലിക് ദിനാഘോഷത്തോടനുബന്ധിച്ച് ജോസ് കെ. മാണി എംപി സ്കൂള് വിദ്യാര്ഥികള്ക്കായി സംഘടിപ്പിച്ച മെഗാ ക്വിസ് മത്സര വിജയികള്ക്കുള്ള സമ്മാനങ്ങള് വിതരണം ചെയ്തു.
കുട്ടികളില് രാഷ്ട്രത്തോടും ഭരണഘടനയോടുമുള്ള സ്നേഹവും ബഹുമാനവും സൃഷ്ടിക്കുക, രാഷ്ട്രത്തെക്കുറിച്ച് കൂടുതല് അറിയാനും പഠിക്കാനും കുട്ടികള്ക്ക് പ്രചോദനം നല്കുക, പൗരബോധമുള്ള പുതിയ തലമുറയെ വാര്ത്തെടുക്കുക എന്നീ ലക്ഷ്യങ്ങളോടെയാണ് മെഗാ ക്വിസ് മത്സരം സംഘടിപ്പിച്ചത്.
മത്സരത്തില് വിജയികളായ എല്ലാവര്ക്കും സര്ട്ടിഫിക്കറ്റുകള് നല്കി. വിജയികളില്നിന്ന് തെരഞ്ഞെടുക്കപ്പെട്ട നാലു വിദ്യാര്ഥികള്ക്ക് 10,000 രൂപയുടെ സ്കോളര്ഷിപ്പും നല്കി. പ്രവിത്താനം പള്ളി പാരിഷ് ഹാളില് നടന്ന ചടങ്ങില് ജോസ് കെ. മാണി എംപി നിര്വഹിച്ചു. ഡോ. സാബു ഡി മാത്യു അധ്യക്ഷത വഹിച്ചു. വിദ്യാഭ്യാസ ഡെപ്യൂട്ടി ഡയറക്ടര് ഹണി ജി. അലക്സാണ്ടര്, എഇഒ കെ.ബി. സജിമോന്, സംസ്ഥാന ബാലസാഹിത്യ ഇന്സ്റ്റിറ്റ്യൂട്ട് അംഗങ്ങളായ സജിത അനില്, ജേക്കബ് ജോസഫ്, ഷിനു ആനത്താരയ്ക്കല്, സിസ്റ്റര് റെജീന, സ്കൂള് ഹെഡ്മാസ്റ്റര് ജിനു ജെ. വല്ലനാട്ട്, അലീന അഗസ്റ്റിന് എന്നിവര് പ്രസംഗിച്ചു. പുരസ്കാര വിതരണത്തിനു ശേഷം ജോസ് കെ. മാണി കുട്ടികളുമായി സംവാദം നടത്തി.