ചെറുപുഴ: കണ്ണൂർ ജില്ലാ പഞ്ചായത്ത് 2026-27 വാർഷിക പദ്ധതിയുടെ ഭാഗമായി ചെറുപുഴ കൃഷിഭവന്റെ ആഭിമുഖ്യത്തിൽ ‘ഓണത്തിന് ഒരു കൊട്ട പൂവ്' ചെണ്ടുമല്ലി തൈ വിതരണോദ്ഘാടനവും നടീൽ ഉദ്ഘാടനവും സംഘടിപ്പിച്ചു.
കൃഷിഭവൻ പരിസരത്ത് നടന്ന ചടങ്ങിൽ ജില്ലാ പഞ്ചായത്ത് അംഗം എ.വി. ലേജു തൈ വിതരണ ഉദ്ഘാടനവും ചെറുപുഴ ഗ്രാമപഞ്ചായത്ത് പ്രസിഡന്റ് ലൈസമ്മ പനയ്ക്കൽ നടീൽ ഉദ്ഘാടനവും നിർവഹിച്ചു. പഞ്ചായത്ത് വൈസ് പ്രസിഡന്റ് സതീശൻ കാർത്തികപ്പള്ളി അധ്യക്ഷത വഹിച്ചു.
കൃഷി ഓഫീസർ കെ.ആർ. ജിതിൻ സ്റ്റാൻഡിംഗ് കമ്മിറ്റി ചെയർപേഴ്സൺ ലളിതാ ബാബു, വ്യാപാരി വ്യവസായി സമിതി ട്രഷറർ സുലേഖ വിജയൻ, സിഡിഎസ് ചെയർപേഴ്സൺ സുനിതാ കുമാരി, കൃഷി അസിസ്റ്റന്റ് പി. ഗീത എന്നിവർ പ്രസംഗിച്ചു.