1

ഇ​രി​ട്ടി: പു​തു​താ​യി നി​ർ​മാ​ണം പൂ​ർ​ത്തി​യാ​ക്കി​യ റോ​ഡി​ന്‍റെ സം​ര​ക്ഷ​ണ​ഭി​ത്തി ത​ക​ർ​ന്ന​ത് അ​പ​ക​ട​ഭീ​ഷ​ണി ഉ​യ​ർ​ത്തു​ന്നു. കി​ഫ്ബി പ​ദ്ധ​തി​യി​ൽ ഉ​ൾ​പ്പെ​ടു​ത്തി 30 ല​ക്ഷം രൂ​പ ചെ​ല​വ​ഴി​ച്ച് നി​ർ​മി​ച്ച പെ​രു​വ​മ്പ​റ​മ്പ് - നെ​ല്ലി​ക്കാം​പൊ​യി​ൽ റോ​ഡി​ൽ ച​ട​ച്ചി​ക്കു​ണ്ട​ത്താ​ണ് സം​ര​ക്ഷ​ണ​ഭി​ത്തി​യു​ടെ ഭാ​ഗം റോ​ഡി​ലേ​ക്ക് ഇ​ടി​ഞ്ഞു​വീ​ണ​ത്.

ത​ക​ർ​ന്ന സം​ര​ക്ഷ​ണ​ഭി​ത്തി​ക്ക് മു​ക​ൾ​ഭാ​ഗ​ത്ത് സ്ഥി​തി ചെ​യ്യു​ന്ന വീ​ടും ഭീ​ഷ​ണി​യി​ലാ​ണ്. കൂ​ടു​ത​ൽ ഭാ​ഗം ത​ക​രു​ക​യോ മ​ണ്ണി​ടി​യു​ക​യോ ചെ​യ്താ​ൽ വീ​ടി​നും അ​പ​ക​ടം സം​ഭ​വി​ക്കാ​ൻ സാ​ധ്യ​ത​യു​ണ്ട്.

ച​ട​ച്ചി​ക്കു​ണ്ടം ഹെ​യ​ർ​പി​ൻ വ​ള​വി​ൽ റോ​ഡി​ന് സം​ര​ക്ഷ​ണം ഒ​രു​ക്കു​ന്ന​തി​നാ​യി നി​ർ​മി​ച്ച ര​ണ്ടാ​ൾ ഉ​യ​ര​ത്തി​ലു​ള്ള ഭി​ത്തി​യു​ടെ ഒ​രു​ഭാ​ഗം ഒ​രു മാ​സം മു​ന്പ് ത​ക​ർ​ന്നി​രു​ന്നു. ഇ​ത് പു​ന​ർ​നി​ർ​മി​ക്കു​ന്ന​തി​നു​ള്ള ന​ട​പ​ടി​ക​ൾ ആ​രം​ഭി​ക്കു​ന്ന​തി​ന് മു​ന്പേ സ​മീ​പ​ത്തെ മ​റ്റൊ​രു ഭാ​ഗം കൂ​ടി റോ​ഡി​ലേ​ക്ക് ഇ​ടി​ഞ്ഞു​വീ​ഴു​ക​യാ​യി​രു​ന്നു. ഭി​ത്തി ത​ക​ർ​ന്ന​തോ​ടെ ഹെ​യ​ർ​പി​ൻ വ​ള​വി​ൽ റോ​ഡി​ന്‍റെ വീ​തി കു​റ​യു​ക​യും എ​തി​ർ​ദി​ശ​യി​ൽ​നി​ന്ന് എ​ത്തു​ന്ന വാ​ഹ​ന​ങ്ങ​ൾ പ​ര​സ്പ​രം കാ​ണാ​ൻ ക​ഴി​യാ​ത്ത സാ​ഹ​ച​ര്യ​വു​മാ​ണ്. പെ​ട്ടെ​ന്ന് വാ​ഹ​ന​ങ്ങ​ൾ നേ​ർ​ക്കു​നേ​ർ എ​ത്തു​ന്ന​ത് അ​പ​ക​ട​സാ​ധ്യ​ത വ​ർ​ധി​പ്പി​ക്കു​ന്നു​ണ്ട്.

സം​ര​ക്ഷ​ണ​ഭി​ത്തി ത​ക​ർ​ന്ന ഭാ​ഗ​ത്ത് അ​പ​ക​ട മു​ന്ന​റി​യി​പ്പ് ബോ​ർ​ഡു​ക​ളോ മ​റ്റ് സു​ര​ക്ഷാ സം​വി​ധാ​ന​ങ്ങ​ളോ സ്ഥാ​പി​ച്ചി​ട്ടി​ല്ലെ​ന്ന​തും ആ​ശ​ങ്ക ഉ​യ​ർ​ത്തു​ന്നു. രാ​ത്രി അ​പ​ക​ട​സാ​ധ്യ​ത കൂ​ടു​ത​ലാ കു​മെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ല​ക്ഷ​ങ്ങ​ൾ ചെ​ല​വ​ഴി​ച്ച് നി​ർ​മി​ച്ച റോ​ഡി​ന്‍റെ സം​ര​ക്ഷ​ണ​ഭി​ത്തി നി​ർ​മാ​ണം പൂ​ർ​ത്തി​യാ​ക്കി അ​ധി​ക​കാ​ലം ക​ഴി​യു​ന്ന​തി​ന് മു​ൻ​പേ ത​ക​ർ​ന്ന​ത് നി​ർ​മാ​ണ​ത്തി​ന്‍റെ ഗു​ണ​നി​ല​വാ​രം സം​ബ​ന്ധി​ച്ചും ചോ​ദ്യ​മു​യ​ർ​ത്തു​ന്നു. അ​പ​ക​ട​സാ​ധ്യ​ത ഒ​ഴി​വാ​ക്കാ​ൻ ത​ക​ർ​ന്ന ഭാ​ഗം അ​ടി​യ​ന്ത​ര​മാ​യി പു​ന​ർ​നി​ർ​മി​ക്കു​ക​യും വ​ള​വി​ൽ സു​ര​ക്ഷാ സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തു​ക​യും വേ​ണ​മെ​ന്നാ​ണ് ആ​വ​ശ്യം.

Tags : Nattuvishesham Districtnews Deepikanews accident