പീരുമേട്: മണ്ഡലകാലത്തിന് മുന്നോടിയായി ഇടുക്കി ജില്ലാ പൊലിസ് സുരക്ഷാ ക്രമീകരണങ്ങൾ വിലയിരുത്തി. ഇന്നലെ കുട്ടിക്കാനം മരിയൻ കോളജിൽ നടന്ന പരിപാടി ജില്ലാ പൊലിസ് മേധാവി ഡോ. എ. നസീം ഉദ്ഘാടനം ചെയ്തു.
അഡീ. പൊലിസ് സൂപ്രണ്ട് സാം ജോസ്, പീരുമേട് ഡെപ്യൂട്ടി പൊലിസ് സൂപ്രണ്ട് ഷിജു പി.എസ് തുടങ്ങിയവർ സംസാരിച്ചു. സ്പെഷ്യൽ ബ്രാഞ്ച് ഡെപ്യൂട്ടി സൂപ്രണ്ട് രാജൻ കെ. അരമന, നർക്കോട്ടിക് സെൽ ഡെപ്യൂട്ടി സൂപ്രണ്ട് കൃഷ്ണൻകുട്ടി വി, ജില്ലയിലെ മറ്റ് ഉദ്യോഗസ്ഥർ തുടങ്ങിയവർ ചടങ്ങിൽ പങ്കെടുത്തു.
യോഗത്തിനുശേഷം സത്രം, ഗ്രാമ്പി വയർലെസ് റിപ്പീറ്റർ, പൊലിസ് ഉദ്യോഗസ്ഥർക്കായുള്ള ശബരിമല-പുല്ലുമേട് മെസ്, മുല്ലപ്പെരിയാർ ഡെപ്യൂട്ടി സൂപ്രണ്ടിന്റെ കാര്യാലയം, പൊലിസ് ടെലി കമ്മ്യൂണിക്കേഷൻസ് ആൻഡ് ടെക്നോളജി കൺട്രോൾ റൂം, വാളാഡി എന്നിവിടങ്ങൾ ജില്ലാ പൊലിസ് മേധാവി സന്ദർശിച്ചു.
Tags : Sabarimala Pilgrimage Nattuvishesham Districtnews