1

ഷൊ​ർ​ണൂ​ർ: തെ​രു​വു​നാ​യ്ക്ക​ൾ ക​ലി​തു​ള്ളു​ന്നു. മ​റ്റു വ​ള​ർ​ത്തു​മൃ​ഗ​ങ്ങ​ൾ​ക്കും ര​ക്ഷ​യി​ല്ല. മ​നു​ഷ്യ​രെ വ്യാ​പ​ക​മാ​യി ആ​ക്ര​മി​ക്കു​ന്ന തെ​രു​വു​നാ​യ്ക്ക​ൾ ഇ​പ്പോ​ൾ പ​ശു, ആ​ട്, കോ​ഴി തു​ട​ങ്ങി​യ​വ​യേ​യും മ​റ്റ് വ​ള​ർ​ത്തു​മൃ​ഗ​ങ്ങ​ളെ​യും ആ​ക്ര​മി​ക്കു​ന്ന സ്ഥി​തി​യാ​ണു​ള്ള​ത്.
ഓ​രോ പ്ര​ദേ​ശ​ങ്ങ​ളി​ലും ഡ​സ​ൻ ക​ണ​ക്കി​നു തെ​രു​വു​നാ​യ്ക്ക​ളാ​ണ് പൊ​തു​നി​ര​ത്തു​ക​ളി​ൽ അ​ല​ഞ്ഞു​തി​രി​യു​ന്ന​ത്.

ഹോ​ട്ട​ലു​ക​ളി​ൽ​നി​ന്നും അ​റ​വു​ശാ​ല​ക​ളി​ൽ​നി​ന്നും മ​റ്റും ല​ഭി​ക്കു​ന്ന ഭ​ക്ഷ​ണാ​വ​ശി​ഷ്ട​ങ്ങ​ൾ ക​ഴി​ച്ച് അ​പ​ക​ട ഭീ​ഷ​ണി​യു​യ​ർ​ത്തി നി​ര​ത്തു​ക​ൾ കൈ​യ​ട​ക്കി​യി​രി​ക്കു​ന്ന തെ​രു​വു​നാ​യ്ക്ക​ളു​ടെ ശ​ല്യ​വും ഭീ​ഷ​ണി​യും ദി​നം​പ്ര​തി കൂ​ടി​വ​രു​ന്ന അ​വ​സ്ഥ​യാ​ണ്. ക​ഴി​ഞ്ഞ ദി​വ​സ​മാ​ണ് വ​രോ​ട് തെ​രു​വു​നാ​യ്ക്ക​ൾ പ​ശു​ക്കു​ട്ടി​യെ ക​ടി​ച്ചു​കൊ​ന്ന​ത്.

അ​മ്മ​പ്പ​ശു​വി​നും ഗു​രു​ത​ര​മാ​യി ക​ടി​യേ​റ്റി​രു​ന്നു. മു​മ്പും ഇ​വി​ടെ ഒ​രു പ​ശു​ക്കു​ട്ടി​യെ തെ​രു​വ​നാ​യ ക​ടി​ച്ചു​കൊ​ന്നി​രു​ന്നു. വ​രോ​ട് ത​ന്നെ ദി​വ​സ​ങ്ങ​ൾ​ക്കു മു​മ്പാ​ണ് തെ​രു​വു​നാ​യ്ക്ക​ൾ കൂ​ട് ത​ക​ർ​ത്തു ആ​ട്ടി​ൻ​കു​ട്ടി​ക​ളെ ക​ടി​ച്ചു​കൊ​ന്ന​ത്.

ക​ഴി​ഞ്ഞ​ദി​വ​സം ഒ​റ്റ​പ്പാ​ല​ത്ത് ഇ​രു​ച​ക്ര വാ​ഹ​ന​ത്തി​ൽ പോ​വു​ക​യാ​യി​രു​ന്ന മ​ധ്യ​വ​യ​സ്ക​ൻ തെ​രു​വു​നാ​യ കു​റു​കെ ചാ​ടി അ​പ​ക​ട​ത്തി​ൽ​പ്പെ​ട്ടി​രു​ന്നു. ഇ​തി​ന്‍റെ തു​ട​ർ​ച്ച​യെ​ന്നോ​ണ​മാ​ണ് അ​ന​ങ്ങ​ന​ടി പ​ത്തം​കു​ള​ത്ത് കോ​ഴി​ഫാ​മി​ൽ തെ​രു​വു​നാ​യ​ക​ളു​ടെ ആ​ക്ര​മ​ണം ഉ​ണ്ടാ​യ​ത്. ഇ​രു​നൂ​റോ​ളം കോ​ഴി​ക​ളെ​യാ​ണ് ഇ​വി​ടെ തെ​രു​വു​നാ​യ്ക്ക​ൾ ക​ടി​ച്ചു​കൊ​ന്ന​ത്.
പ​ത്തം​കു​ളം സ്രാ​മ്പി​ക്ക​ൽ പ്ര​ദീ​പി​ന്‍റെ ഫാ​മി​ലെ 29 ദി​വ​സം പ്രാ​യ​മാ​യ ഇ​റ​ച്ചി​ക്കോ​ഴി​ക​ളാ​ണ് തെ​രു​വു​നാ​യ​ക​ൾ​ക്കി​ര​യാ​യ​ത്.

മു​മ്പ് 900 കോ​ഴി​ക​ളെ ഇ​വി​ടെ തെ​രു​വു​നാ​യ്ക്ക​ൾ കൊ​ന്നി​രു​ന്നു. പി​ന്നീ​ട് കൂ​ടി​നു സ​മീ​പം സൗ​രോ​ർ​ജ​വേ​ലി സ്ഥാ​പി​ച്ചി​രു​ന്നു. എ​ന്നാ​ൽ ഇ​തും ചാ​ടി​യാ​ണ് തെ​രു​വു​നാ​യ്ക്ക​ൾ ഇ​പ്പോ​ൾ കോ​ഴി​ക​ളെ ക​ടി​ച്ചു കൊ​ന്ന​ത്.

ആ​ശ്വാ​സം​തേ​ടി പൊ​തു​ജ​നം

പാ​ല​ക്കാ​ട്: മ​നു​ഷ്യ​രെ ആ​ക്ര​മി​ക്കു​ന്ന​തും പേ​വി​ഷ​ബാ​ധ സ്ഥി​രീ​ക​രി​ച്ച​തു​മാ​യ തെ​രു​വു​നാ​യ്ക്ക​ളെ കൊ​ല്ലാ​ൻ പ​ഞ്ചാ​യ​ത്തു​ക​ൾ​ക്കും ന​ഗ​ര​സ​ഭ​ക​ൾ​ക്കും അ​നു​മ​തി ന​ൽ​കു​മെ​ന്ന സം​സ്ഥാ​ന​സ​ർ​ക്കാ​ർ തീ​രു​മാ​ന​ത്തെ സ്വാ​ഗ​തം​ചെ​യ്ത് പൊ​തു​ജ​ന​ങ്ങ​ൾ.

സു​പ്രീം​കോ​ട​തി​യു​ടെ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ൽ ത​ദ്ദേ​ശ​സ്വ​യം​ഭ​ര​ണ വ​കു​പ്പ് പു​റ​ത്തി​റ​ക്കി​യ മാ​ർ​ഗ​നി​ർ​ദേ​ശം തെ​രു​വു​നാ​യ ആ​ക്ര​മ​ണം രൂ​ക്ഷ​മാ​യ ജി​ല്ല​യി​ലെ ജ​ന​ങ്ങ​ൾ​ക്ക് വ​ലി​യ ആ​ശ്വാ​സ​മാ​കു​മെ​ന്നാ​ണ് പ്ര​തീ​ക്ഷ.

പാ​ല​ക്കാ​ട് ന​ഗ​ര​സ​ഭ, ഒ​റ്റ​പ്പാ​ലം, പ​ട്ടാ​ന്പി, ചി​റ്റൂ​ർ, ആ​ല​ത്തൂ​ർ തു​ട​ങ്ങി ജി​ല്ല​യി​ലെ വി​വി​ധ മേ​ഖ​ല​ക​ളി​ൽ സ​മീ​പ​കാ​ല​ത്ത് തെ​രു​വു​നാ​യ ആ​ക്ര​മ​ണ​ങ്ങ​ൾ വ​ർ​ധി​ച്ച​തോ​ടെ വി​ദ്യാ​ർ​ഥി​ക​ൾ, വ​യോ​ധി​ക​ർ, കാ​ൽ​ന​ട​യാ​ത്ര​ക്കാ​ർ, ഇ​രു​ച​ക്ര വാ​ഹ​ന​യാ​ത്രി​ക​ർ എ​ന്നി​വ​രു​ൾ​പ്പെ​ടെ ഭീ​തി​യി​ലാ​യി​രു​ന്നു. വി​ദ്യാ​ല​യ​ങ്ങ​ൾ, മാ​ർ​ക്ക​റ്റു​ക​ൾ, ബ​സ് സ്റ്റാ​ൻ​ഡു​ക​ൾ, ജ​ന​ത്തി​ര​ക്കേ​റി​യ പൊ​തു​സ്ഥ​ല​ങ്ങ​ൾ എ​ന്നി​വി​ട​ങ്ങ​ളി​ൽ തെ​രു​വു​നാ​യ ശ​ല്യം രൂ​ക്ഷ​മാ​ണെ​ന്ന പ​രാ​തി​ക​ളും വ്യാ​പ​ക​മാ​ണ്.

സം​സ്ഥാ​ന​ത്ത് ക​ഴി​ഞ്ഞ അ​ഞ്ച് വ​ർ​ഷ​ത്തി​നി​ടെ 15 ല​ക്ഷ​ത്തി​ല​ധി​കം പേ​ർ​ക്ക് തെ​രു​വു​നാ​യ​ക​ളു​ടെ ക​ടി​യേ​റ്റ​താ​യും 122 പേ​ർ പേ​വി​ഷ​ബാ​ധ മൂ​ലം മ​രി​ച്ച​താ​യു​മാ​ണ് സ​ർ​ക്കാ​ർ ക​ണ​ക്ക്. ജി​ല്ല​യി​ൽ ഈ​നി​ര​ക്ക് ഇ​തി​ലും ഉ​യ​ർ​ന്ന തോ​തി​ലാ​ണ്.

തെ​രു​വു​നാ​യ നി​യ​ന്ത്ര​ണ​ത്തി​ന്‍റെ ഭാ​ഗ​മാ​യി വ​ന്ധീ​ക​ര​ണ​വും പേ​വി​ഷ പ്ര​തി​രോ​ധ വാ​ക്സി​നേ​ഷ​നും കൂ​ടു​ത​ൽ വ്യാ​പ​ക​മാ​ക്ക​ണ​മെ​ന്നും പൊ​തു​ജ​നം ആ​വ​ശ്യ​പ്പെ​ടു​ന്നു. തെ​രു​വു​നാ​യ ശ​ല്യം രൂ​ക്ഷ​മാ​യ മേ​ഖ​ല​ക​ളി​ൽ പ്ര​ത്യേ​ക നി​രീ​ക്ഷ​ണം ശ​ക്ത​മാ​ക്ക​ണ​മെ​ന്നും പ​രാ​തി ല​ഭി​ക്കു​ന്ന മു​റ​യ്ക്ക് വെ​റ്റ​റി​ന​റി വി​ഭാ​ഗ​ത്തി​ന്‍റെ സ​ഹാ​യ​ത്തോ​ടെ അ​പ​ക​ട​കാ​രി​ക​ളാ​യ നാ​യ​ക​ളെ ക​ണ്ടെ​ത്തി നി​യ​മാ​നു​സൃ​ത ന​ട​പ​ടി സ്വീ​ക​രി​ക്ക​ണ​മെ​ന്നു​മാ​ണ് ജ​ന​ങ്ങ​ളു​ടെ ആ​വ​ശ്യം.

വ​ട​വ​ന്നൂ​രി​ലും പ​രി​സ​ര​ത്തും തെ​രു​വു​നാ​യ്ക്ക​ളു​ടെ വി​ള​യാ​ട്ടം

വ​ട​വ​ന്നൂ​ർ: പൊ​ക്കു​ന്നി റോ​ഡി​ലും വീ​ടു​ക​ൾ​ക്കു​മു​ന്നി​ലും തെ​രു​വു​നാ​യ്ക്ക​ളു​ടെ വി​ള​യാ​ട്ടം, നാ​ട്ടു​കാ​ർ ഭ​യ​പ്പാ​ടി​ൽ. മ​ദ്ര​സ​യി​ലേ​ക്കും സ്കൂ​ളു​ക​ളി​ലേ​ക്കും പോ​കു​ന്ന കു​ട്ടി​ക​ൾ​ക്കു ന​ട​ന്നു​പോ​കാ​ൻ​പോ​ലും ക​ഴി​യാ​ത്ത വി​ധ​യാ​ണ് തെ​രു​വു​നാ​യ്ക്ക​ൾ പ​രി​സ​ര​ത്തൊ​ട്ടാ​കെ വി​ല​സു​ന്ന​ത്. പ​ല ര​ക്ഷി​താ​ക്ക​ളും കു​ട്ടി​ക​ളെ സ്കൂ​ളി​ൽ നേ​രി​ട്ടെ​ത്തി​ക്കു​ന്ന​തും പ​തി​വാ​യി​ട്ടു​ണ്ട്.

വ​ട​വ​ന്നൂ​ർ, പൊ​ക്കു​ന്നി, കൊ​ശ​വ​ങ്കോ​ട്, പ​ഞ്ചാ​യ​ത്ത് ഓ​ഫീ​സ്, ഹ​യ​ർ സെ​ക്ക​ൻ​ഡ​റി സ്കൂ​ൾ, പൊ​ക്കു​ന്നി യു​പി സ്കൂ​ൾ. ത​ങ്ക​യം ജി​എം​എ​ൽ​പി സ്കൂ​ൾ, പൊ​ക്കു​ന്നി ശി​വ​ക്ഷേ​ത്രം, പു​തു​ക്കു​ള​ങ്ങ​ര ക്ഷേ​ത്രം, ക​രി​പ്പാ​ലി ജു​മാ മ​സ്ജി​ദ് എ​ന്നി​വ​യു​ടെ പ​രി​സ​ര​ങ്ങ​ളി​ലെ​ല്ലാം തെ​രു​വു​നാ​യ്ക്ക​ളു​ടെ ശ​ല്യം കൂ​ടി​വ​രി​ക​യാ​ണ്. വാ​ഹ​ന​ങ്ങ​ളെ പി​ന്തു​ട​ർ​ന്ന് ആ​ക്ര​മി​ക്കു​ന്ന നാ​യ്ക്ക​ളു​ണ്ട്.

പരിഹാരമില്ല; പാ​ല​ക്കാ​ട് ന​ഗ​ര​സ​ഭാ സെ​ക്ര​ട്ട​റി​യെ ഉ​പ​രോ​ധി​ച്ചു

പാ​ല​ക്കാ​ട്: ന​ഗ​ര​ത്തി​ൽ വ​ർ​ധി​ച്ചു​വ​രു​ന്ന തെ​രു​വു​നാ​യ​ശ​ല്യ​ത്തി​ന് ശാ​ശ്വ​ത​പ​രി​ഹാ​രം കാ​ണാ​ത്ത ന​ഗ​ര​സ​ഭ​യു​ടെ നി​ഷേ​ധാ​ത്മ​ക നി​ല​പാ​ടി​നെ​തി​രേ പാ​ല​ക്കാ​ട് ബ്ലോ​ക്ക് കോ​ണ്‍​ഗ്ര​സ് ക​മ്മി​റ്റി ന​ഗ​ര​സ​ഭാ സെ​ക്ര​ട്ട​റി പി.​ജെ. ജ​സീ​ദ​യെ ഉ​പ​രോ​ധി​ച്ചു. പ്ര​തീ​കാ​ത്മ​മാ​യി നാ​യ​ക​ളു​ടെ മു​ഖം​മൂ​ടി ധ​രി​ച്ചു​കൊ​ണ്ടാ​ണ് പ്ര​തി​ഷേ​ധ​ക്കാ​ർ ഉ​പ​രോ​ധ​ത്തി​ൽ പ​ങ്കെ​ടു​ത്ത​ത്.

ഉ​പ​രോ​ധ​സ​മ​ര​ത്തി​ന് ബ്ലോ​ക്ക് കോ​ണ്‍​ഗ്ര​സ് പ്ര​സി​ഡ​ന്‍റ് സി.​വി. സ​തീ​ഷ് നേ​തൃ​ത്വം ന​ൽ​കി. യു​ഡി​എ​ഫ് നി​യോ​ജ​ക​മ​ണ്ഡ​ലം ചെ​യ​ർ​മാ​ൻ സു​ധാ​ക​ര​ൻ പ്ലാ​ക്കാ​ട്ട്, നേ​താ​ക്ക​ളാ​യ ഹ​രി​ദാ​സ് മ​ച്ചി​ങ്ങ​ൽ, കെ.​ആ​ർ. ശ​ര​രാ​ജ്, സി. ​നി​ഖി​ൽ, മ​ണ്ഡ​ലം പ്ര​സി​ഡ​ന്‍റു​മാ​രാ​യ ര​മേ​ശ് പു​ത്തൂ​ർ, എ​സ്. സേ​വ്യ​ർ, ച​ന്ദ്ര​ൻ അ​ങ്കാ​ര​പ​റ​ന്പ്, എ​ച്ച്. കാ​ജാ ജൈ​ലാ​വു​ദ്ധീ​ൻ, ക​ണ്ണ​ൻ നാ​യ​ർ, ഷാ​ജ​ഹാ​ൻ മേ​പ്പ​റ​ന്പ്, സ​ദ്ദാം ഹു​സൈ​ൻ, ന​ഗ​ര​സ​ഭ പ്ര​തി​പ​ക്ഷ നേ​താ​വ് മോ​ഹ​ൻ ബാ​ബു, ഷെ​റീ​ഫ് റ​ഹ്മാ​ൻ, മു​ര​ളി എ​ല​ന്തി​യ​ൻ​കാ​ട്, കെ. ​പ്ര​തി​ഭ, ഷൈ​നി ഷ​ജി​ത്ത് എ​ന്നി​വ​ർ പ​ങ്കെ​ടു​ത്തു.

Tags : Street dogs NattuVishasham DistrictNews