ച​മ്പ​ക്കു​ളം: കു​ട്ട​നാ​ട​ൻ നെ​ൽക​ർ​ഷ​ക​രു​ടെ പ്ര​തീ​ക്ഷ​ക​ളും സ്വ​പ്ന​ങ്ങ​ളും തു​ലാ​മ​ഴ​യി​ൽ വീ​ണ​ടി​യു​ന്നു. കു​ട്ട​നാ​ട് താ​ലൂ​ക്കി​ലെ കൈ​ന​ക​രി, നെ​ടു​മു​ടി, ച​മ്പ​ക്കു​ളം തു​ട​ങ്ങി​യ വി​ല്ലേ​ജു​ക​ളി​ലും അ​മ്പ​ല​പ്പു​ഴ താ​ലൂ​ക്കി​ലെ പ​ഴ​വീ​ട്, പ​റ​വൂ​ർ, പു​ന്ന​പ്ര, അ​മ്പ​ല​പ്പു​ഴ വി​ല്ലേ​ജു​ക​ളി​ലെ പാ​ട​ശേ​ഖ​ര​ങ്ങ​ളി​ലും വെ​ള്ള​പ്പൊ​ക്ക​ത്തെ അ​തി​ജീ​വി​ച്ച് നെ​ൽ​കൃ​ഷി ന​ട​ത്തി​യി​രു​ന്നു. മി​ക​ച്ച വി​ള​വ് പ്ര​തീ​ക്ഷി​ച്ച ക​ർ​ഷ​ക​ർ​ക്ക് തു​ലാ​മ​ഴ വ​ലി​യ തി​രി​ച്ച​ടി​യാ​ണ് ന​ല്കി​യി​രി​ക്കു​ന്ന​ത്.

 കൊ​യ്ത്ത് ന​ട​ത്താ​ൻ പ​ത്ത് മു​ത​ൽ പ​തി​ന​ഞ്ച് ദി​വ​സം മാ​ത്രം ബാ​ക്കി​യു​ള്ളപ്പോ​ൾ എ​ത്തി​യ ശ​ക്ത​മാ​യ തു​ലാ​മ​ഴ​യി​ൽ നെ​ൽ​ചെ​ടി​ക​ൾ നി​ലം​പ​റ്റെ വീ​ണ​താ​ണ് ക​ർ​ഷ​ക​രെ ക​ണ്ണീ​രി​ലാ​ഴ്ത്തു​ന്ന​ത്. നെ​ൽ​ചെ​ടി​ക​ൾ വീ​ണു ക​ഴി​ഞ്ഞാ​ൽ ര​ണ്ട് മൂ​ന്ന് ദി​വ​സം​കൊ​ണ്ട് കി​ളി​ർ​ക്കും. കൂ​ടാ​തെ നി​ല​ത്തി​ലെ വെ​ള്ളം വ​റ്റു​ക​യും ഇ​ല്ല. നി​ല​ത്തി​ലെ വെ​ള്ളം വ​റ്റാ​ത്ത​ത് വീ​ണ നെ​ൽ​ചെ​ടി​ക​ൾ കൂ​ടു​ത​ൽ കി​ളി​ർ​ക്കാ​നും കാ​ര​ണ​മാ​കും. ഇ​ത് വി​ള​വി​ന്‍റെ പ​കു​തി​യി​ല​ധി​കം ന​ഷ്‌​ട​പ്പെ​ടു​ത്തും.

ഏ​ക്ക​റി​ന് 30,000-40,000 വ​രെ ചെല​വുവ​ന്ന ക​ർ​ഷ​ക​രാ​ണ് മ​ഴ​യി​ൽ ക​ണ്ണീ​രി​ലാ​യി​രി​ക്കു​ന്ന​ത്. വീ​ണ നെ​ൽ​ച്ചെ​ടി​ക​ളി​ൽനി​ന്നും നെ​ല്ല് കൊ​യ്തെ​ടു​ക്കാ​ൻ കൂ​ടു​ത​ൽ സ​മ​യം എ​ടു​ക്കും എ​ന്ന​തി​നാ​ൽ ക​ർ​ഷ​ക​ർ​ക്ക് കൊ​യ്ത്ത് ചെല​വ് ഇ​ര​ട്ടി​യി​ല​ധി​ക​മാ​യി വ​ർ​ധി​ക്കും.

പ​ല​പ്പോ​ഴും വീ​ഴു​ന്ന​തും കി​ളി​ർ​ക്കു​ന്ന​തു​മാ​യ നെ​ല്ല് കൊ​യ്തെ​ടു​ത്താ​ലും നെ​ല്ലി​ന്‍റെ ഈ​ർ​പ്പം കൂ​ടു​ത​ലും ഗു​ണ​മേ​ന്മ കു​റ​വു​മാ​യി​രി​ക്കും. ഇ​ത് വ​ലി​യ തോ​തി​ൽ കി​ഴി​വ് ഈ​ടാ​ക്കാ​ൻ മി​ല്ലു​കാ​ർ മ​റ​യാ​ക്കു​ന്ന സം​ഭ​വ​ങ്ങ​ൾ മു​ൻ വ​ർ​ഷ​ങ്ങ​ളി​ലു​ണ്ടാ​യി​ട്ടു​ണ്ട് എ​ന്നാ​ണ് ക​ർ​ഷ​ക​ർ പ​റ​യു​ന്ന​ത്.

എ​ങ്ങ​നെ നോ​ക്കി​യാ​ലും ക​ർ​ഷ​ക​ർ​ക്ക് ദു​രി​ത​വു​മാ​യി പെ​യ്തി​റ​ങ്ങു​ക​യാ​ണ് തു​ലാ​മ​ഴ. പ്ര​കൃ​തി​ക്ഷോ​ഭം മൂ​ല​വും മ​ഴ​മൂ​ല​വും ന​ഷ്ട​പ്പെ​ടു​ന്ന വി​ള​വി​നും അ​മി​ത കൊ​യ്ത്ത് ചെല​വി​നും മു​ന്നി​ൽ പ​ക​ച്ചുനി​ല്ക്കു​ന്ന കു​ട്ട​നാ​ട​ൻ ക​ർ​ഷ​ക​ർ​ക്ക്  സ​ർ​ക്കാ​ർ ധ​ന​സ​ഹാ​യം അ​നു​വ​ദി​ച്ചെ​ങ്കി​ൽ മാ​ത്ര​മേ കൃ​ഷി​യി​ൽ തു​ട​രാ​ൻ സാ​ധി​ക്കു.

പാ​ട​ശേ​ഖ​ര​ങ്ങ​ളു​ടെ പൊ​തു​വി​ലെ ന​ഷ്‌​ടം ക​ണ​ക്കാ​ക്കു​ന്നരീ​തി​ക്ക് പ​ക​രം വി​ള​വെ​ടു​പ്പ് സ​മ​യ​ത്ത് ഉ​ണ്ടാ​കു​ന്ന ന​ഷ്‌​ടം ഓ​രോ ക​ർ​ഷ​കന്‍റെയും പ്ര​ത്യേ​കം പ്ര​ത്യേ​കം ക​ണ​ക്കാ​ക്കി ന​ഷ്‌​ട​പ​രി​ഹാ​രം ന​ല്കു​ന്ന​തി​നു​ള്ള ന​ട​പ​ടി കൃ​ഷിവ​കു​പ്പി​ന്‍റെ ഭാ​ഗ​ത്തുനി​ന്ന് ഉ​ണ്ടാ​വ​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം. കൂ​ടു​ത​ൽ ന​ഷ്‌​ടം ഉ​ണ്ടാ​യ​വ​ർ​ക്ക് ആ​നു​പാ​തി​ക​മാ​യ ന​ഷ്ട​പ​രി​ഹാ​രം ന​ല്കു​ന്ന​തി​നു​ള്ള അ​ടി​യ​ന്തര ന​ട​പ​ടി ഉ​ണ്ടാ​വ​ണം.

Tags :