19

കൊ​ര​ട്ടി: വാ​യ​നാ​ദി​ന​ത്തി​ൽ കേ​ര​ളം പു​സ്ത​ക​ങ്ങ​ളു​ടെ​യും ഗ്ര​ന്ഥ​ശാ​ല​ക​ളു​ടെ​യും മ​ഹ​ത്വം ഓ​ർ​മി​ക്കു​മ്പോ​ൾ, കൊ​ര​ട്ടി തി​രു​മു​ടി​ക്കു​ന്ന് ഗാ​ന്ധി​ഗ്രാം ത്വ​ക്‌​രോ​ഗാ​ശു​പ​ത്രി വ​ള​പ്പി​ലെ 75 വ​ർ​ഷം പ​ഴ​ക്ക​മു​ള്ള ഒ​രു വാ​യ​ന​ശാ​ല​യു​ടെ ദ​യ​നീ​യാ​വ​സ്ഥ ശ്ര​ദ്ധേ​യ​മാ​കു​ക​യാ​ണ്. ഒ​രു​കാ​ല​ത്ത് നൂ​റു​ക​ണ​ക്കി​ന് രോ​ഗി​ക​ളു​ടെ സാം​സ്‌​കാ​രി​ക ഉ​ന്ന​മ​ന​ത്തി​നും മാ​ന​സി​കോ​ല്ലാ​സ​ത്തി​നും ആ​ശ്ര​യ​കേ​ന്ദ്ര​മാ​യി​രു​ന്ന ഇ​ൻ​മേ​റ്റ്സ് ലൈ​ബ്ര​റി ആ​ൻ​ഡ് റീ​ഡിം​ഗ് റൂം ​ഇ​ന്ന് ആ​ർ​ക്കും വേ​ണ്ടാ​ത്ത അ​വ​സ്ഥ​യി​ൽ കാ​ടു​ക​യ​റി ന​ശി​ച്ചു​കി​ട​ക്കു​ക​യാ​ണ്.

1951ൽ ​സ്ഥാ​പി​ത​മാ​യ ലൈ​ബ്ര​റി​യും വാ​യ​നാ​മു​റി​യും അ​ന്ന​ത്തെ സാ​ഹ​ച​ര്യ​ത്തി​ൽ ഏ​റെ പു​രോ​ഗ​മ​ന​പ​ര​മാ​യ ഒ​രു സം​രം​ഭ​മാ​യി​രു​ന്നു. 1950ക​ളി​ൽ ആ​ശു​പ​ത്രി​യി​ൽ താ​മ​സി​ച്ചി​രു​ന്ന 350ല​ധി​കം രോ​ഗി​ക​ളു​ടെ വാ​യ​നാ​ശീ​ല​വും സാം​സ്‌​കാ​രി​ക​ജീ​വി​ത​വും പ​രി​പോ​ഷി​പ്പി​ക്കു​ന്ന​തി​ൽ ഈ ​സ്ഥാ​പ​നം വ​ലി​യ പ​ങ്കു​വ​ഹി​ച്ചു. വി​വി​ധ ഭാ​ഷ​ക​ളി​ലു​ള്ള പു​സ്ത​ക​ങ്ങ​ളും ആ​നു​കാ​ലി​ക പ്ര​സി​ദ്ധീ​ക​ര​ണ​ങ്ങ​ളും ഉ​ൾ​പ്പെ​ടു​ത്തി ആ​രം​ഭി​ച്ച ലൈ​ബ്ര​റി, പി​ന്നീ​ട് വി​ജ്ഞാ​ന​ത്തി​ന്‍റെ സ​മ്പ​ന്ന​മാ​യ ഒ​രു കേ​ന്ദ്ര​മാ​യി വ​ള​ർ​ന്നു.

ഗ്ര​ന്ഥ​ശാ​ല സം​ഘം, പേ​ഷ്യ​ൻ​സ് സൊ​സൈ​റ്റി, കൊ​ര​ട്ടി പ​ഞ്ചാ​യ​ത്ത് എ​ന്നി​വ​യു​ടെ സ​ഹാ​യ​ത്തോ​ടെ പ്ര​വ​ർ​ത്ത​ന​ങ്ങ​ൾ മു​ന്നോ​ട്ടു​പോ​യി​രു​ന്നു. തി​രു​വി​താം​കൂ​ർ ദേ​വ​സ്വം ബോ​ർ​ഡ് പു​സ്ത​ക​ങ്ങ​ളും അ​ല​മാ​ര​ക​ളും വാ​ങ്ങു​ന്ന​തി​നാ​യി സാ​മ്പ​ത്തി​ക​സ​ഹാ​യം ന​ൽ​കി​യി​രു​ന്നു. സു​പ്രീം കോ​ട​തി ജ​ഡ്ജി​യാ​യി​രു​ന്ന വി.​ആ​ർ. കൃ​ഷ്ണ​യ്യ​രു​ടെ ശു​പാ​ർ​ശ പ​രി​ഗ​ണി​ച്ച് ആ​ലു​വ ല​യ​ൺ​സ് ക്ല​ബ് റേ​ഡി​യോ സം​ഭാ​വ​ന ന​ൽ​കി​യ​തും ഈ ​സ്ഥാ​പ​ന​ത്തി​ന്‍റെ ച​രി​ത്ര​ത്തി​ലെ ശ്ര​ദ്ധേ​യ​മാ​യ അ​ധ്യാ​യ​മാ​ണ്. 1976ഓ​ടെ ലൈ​ബ്ര​റി​യി​ൽ 4,833 പു​സ്ത​ക​ങ്ങ​ളു​ടെ ശേ​ഖ​ര​മു​ണ്ടാ​യി​രു​ന്നു. 10 ദി​ന​പ​ത്ര​ങ്ങ​ളും 30 വാ​രി​ക​ക​ളും 33 മാ​സി​ക​ക​ളും സ്ഥി​ര​മാ​യി ല​ഭി​ച്ചി​രു​ന്നു.

എ​ന്നാ​ൽ കാ​ലം​മാ​റി​യ​പ്പോ​ൾ ഒ​രു​കാ​ല​ത്ത് സ​ജീ​വ​മാ​യി​രു​ന്ന ഈ ​വി​ജ്ഞാ​ന​കേ​ന്ദ്രം അ​ധി​കൃ​ത​രു​ടെ അ​വ​ഗ​ണ​ന​യി​ൽ​പെ​ട്ട് പ​തി​യെ വി​സ്മൃ​തി​യി​ലാ​യി. ചോ​ർ​ന്നൊ​ലി​ക്കു​ന്ന കെ​ട്ടി​ട​വും കാ​ടു​ക​യ​റി​യ പ​രി​സ​ര​വും ഇ​ഴ​ജ​ന്തു​ക്ക​ളു​ടെ വി​ഹാ​ര​കേ​ന്ദ്ര​മാ​യി മാ​റി​യ മു​റി​ക​ളും മാ​ത്ര​മാ​ണ് ഇ​ന്ന് ആ ​മ​ഹ​ത്താ​യ പാ​ര​മ്പ​ര്യ​ത്തി​ന്‍റെ അ​വ​ശേ​ഷി​പ്പ​ക​ൾ. വാ​യ​ന​ശാ​ല​യു​ടെ ഓ​ർ​മ​ക​ൾ​പേ​റു​ന്ന ചി​ല ചു​വ​രു​ക​ളും അ​വ​ശി​ഷ്ട​ങ്ങ​ളും മാ​ത്രം പ​ഴ​യ പ്ര​താ​പ​ത്തി​ന്‍റെ സാ​ക്ഷ്യ​മാ​യി അ​വി​ടെ അ​വ​ശേ​ഷി​ക്കു​ന്നു.

വാ​യ​നാ​ദി​ന​ത്തി​ൽ പു​തി​യ ലൈ​ബ്ര​റി​ക​ളും ഡി​ജി​റ്റ​ൽ വാ​യ​നാ​സം​വി​ധാ​ന​ങ്ങ​ളും ച​ർ​ച്ച ചെ​യ്യ​പ്പെ​ടു​മ്പോ​ൾ, ഒ​രു​കാ​ല​ത്ത് മ​നു​ഷ്യ​രു​ടെ ജീ​വി​ത​ത്തി​ൽ പ്ര​തീ​ക്ഷ​യും ആ​ത്മ​വി​ശ്വാ​സ​വും പ​ക​ർ​ന്ന ഈ ​ച​രി​ത്ര​സ്മാ​ര​ക​ത്തെ സം​ര​ക്ഷി​ക്കേ​ണ്ട ഉ​ത്ത​ര​വാ​ദി​ത്ത​വും മ​റ​ക്ക​രു​ത്.

Tags : energy Nattuvishesham District News