19

കാ​സ​ര്‍​ഗോ​ഡ്: ജി​ല്ല​യി​ലെ റോ​ഡു​ക​ളി​ല്‍ സ്‌​കൂ​ള്‍ വി​ദ്യാ​ര്‍​ഥി​ക​ള്‍ സ​ഞ്ച​രി​ക്കു​ന്ന രാ​വി​ലെ എ​ട്ടു മു​ത​ല്‍ 10 വ​രെ​യും ഉ​ച്ച​ക​ഴി​ഞ്ഞ് 3.30 മു​ത​ല്‍ വൈ​കു​ന്നേ​രം അ​ഞ്ചു വ​രെ​യു​ള്ള സ​മ​യ​ങ്ങ​ളി​ല്‍ ടി​പ്പ​ര്‍ ലോ​റി​ക​ള്‍ നി​രോ​ധി​ക്കു​മെ​ന്ന് ജി​ല്ലാ ക​ള​ക്ട​ര്‍ അ​ര്‍​ജു​ന്‍ പാ​ണ്ഡ്യ​ന്‍ പ​റ​ഞ്ഞു.

ഇ​ന്നു മു​ത​ല്‍ നി​രോ​ധ​നം ന​ട​പ്പി​ല്‍ വ​രു​ത്തേ​ണ്ട​താ​ണെ​ന്നും ജി​ല്ലാ ക​ള​ക്ട​ര്‍ പ​റ​ഞ്ഞു. സ്‌​കൂ​ള്‍ വി​ദ്യാ​ര്‍​ഥി​ക​ള്‍ സ​ഞ്ച​രി​ക്കു​ന്ന സ​മ​യ​ങ്ങ​ളി​ല്‍ ടി​പ്പ​ര്‍ ലോ​റി​ക​ള്‍ അ​മി​ത വേ​ഗ​ത​യി​ല്‍ സ​ഞ്ച​രി​ക്കു​ന്ന​തി​നാ​ലു​ണ്ടാ​കു​ന്ന അ​പ​ക​ട​ങ്ങ​ള്‍ ഒ​ഴി​വാ​ക്കു​ന്ന​തി​നു​ള്ള മു​ന്‍​ക​രു​ത​ല്‍ ന​ട​പ​ടി​യാ​യാ​ണ് ഇ​ത്. ക​ള​ക്ട​റേ​റ്റ് കോ​ണ്‍​ഫ​റ​ന്‍​സ് ഹാ​ളി​ല്‍ ചേ​ര്‍​ന്ന ജി​ല്ലാ റോ​ഡ് സു​ര​ക്ഷ അ​ഥോ​റി​റ്റി യോ​ഗ​ത്തി​ല്‍ അ​ധ്യ​ക്ഷ​ത വ​ഹി​ച്ച് സം​സാ​രി​ക്കു​ക​യാ​യി​രു​ന്നു ജി​ല്ലാ ക​ള​ക്ട​ര്‍. നി​ല​വി​ല്‍ രാ​വി​ലെ ഒ​ന്പ​ത് മു​ത​ല്‍ 10 വ​രെ​യും വൈ​കു​ന്നേ​രം നാ​ലു മു​ത​ല്‍ അ​ഞ്ചു​വ​രെ​യു​മാ​ണ് ടി​പ്പ​ര്‍ നി​രോ​ധ​നം. എ​ന്നാ​ല്‍ ജി​ല്ല​യി​ല്‍ രാ​വി​ലെ എ​ട്ടു മു​ത​ല്‍ വി​വി​ധ വാ​ഹ​ന​ങ്ങ​ളി​ല്‍ വി​ദ്യാ​ര്‍​ഥി​ക​ള്‍ യാ​ത്ര ചെ​യ്യു​ന്നു​ണ്ട്. ഉ​ച്ച​ക​ഴി​ഞ്ഞ് 3.30ന് ​വി​ടു​ന്ന സ്‌​കൂ​ളു​ക​ളു​ണ്ട്. ഈ ​സാ​ഹ​ച​ര്യ​ത്തി​ല്‍ ടി​പ്പ​ര്‍ ലോ​റി​ക​ളെ നി​യ​ന്ത്രി​ക്കേ​ണ്ട​ത് അ​നി​വാ​ര്യ​മാ​ണ്. സ്‌​കൂ​ള്‍, കോ​ള​ജ് പ​രി​സ​ര​ത്തെ റോ​ഡ് സു​ര​ക്ഷ ക​ര്‍​ശ​ന​മാ​ക്ക​ണം. സു​ര​ക്ഷ സി​ഗ്‌​ന​ലു​ക​ളും സീ​ബ്രാ ലൈ​നു​ക​ളും ഉ​റ​പ്പു​വ​രു​ത്ത​ണം. സ്‌​കൂ​ള്‍ കു​ട്ടി​ക​ളു​മാ​യി ബ​ന്ധ​പ്പെ​ട്ട വി​ഷ​യ​ങ്ങ​ള്‍ ഗൗ​ര​വ​മാ​യി കാ​ണ​ണം. രാ​വി​ലെ​യും വൈ​കു​ന്നേ​ര​വും കു​ട്ടി​ക​ള്‍ റോ​ഡ് മു​റി​ച്ചു​ക​ട​ക്കു​ന്ന സ്ഥ​ല​ങ്ങ​ളി​ല്‍ സു​ര​ക്ഷ ജാ​ഗ്ര​ത പാ​ലി​ക്ക​ണ​മെ​ന്നും ക​ള​ക്ട​ര്‍ പ​റ​ഞ്ഞു.

ആ​ര്‍​ടി​ഒ ജെ​റാ​ഡ്, മോ​ട്ടോ​ര്‍ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ര്‍, സു​ര​ക്ഷാ അ​ഥോ​റി​റ്റി അം​ഗ​ങ്ങ​ളാ​യ പോ​ലീ​സ്, പൊ​തു​മ​രാ​മ​ത്ത് നി​ര​ത്ത് വി​ഭാ​ഗം എ​ക്സി​ക്യു​ട്ടീ​വ് എ​ന്‍​ജി​നി​യ​ര്‍, കെ​എ​സ്ടി​പി എ​ക്സി​ക്യു​ട്ടീ​വ് എ​ന്‍​ജി​നി​യ​ര്‍, കെ​ആ​ര്‍​എ​ഫ്ബി എ​ക്സി​ക്യു​ട്ടീ​വ് എ​ന്‍​ജി​നി​യ​ര്‍, ത​ദ്ദേ​ശ സ്വ​യം​ഭ​ര​ണ​സ്ഥാ​പ​ന സെ​ക്ര​ട്ട​റി​മാ​ര്‍, ദേ​ശീ​യ​പാ​ത അ​ഥോ​റി​റ്റി പ്ര​തി​നി​ധി​ക​ള്‍ സം​സാ​രി​ച്ചു.

Tags : Tipper Nattuvishesham District News