ചക്കിട്ടപാറ: അഞ്ച് വര്ഷത്തിലധികമായി ചെളിക്കുണ്ടായി കിടന്ന ചക്കിട്ടപാറ പഞ്ചായത്ത് സ്റ്റേഡിയത്തിന്റെ പ്രവേശന കവാടഭാഗം യുഡിഎഫ് ജനപ്രതിനിധികള് മുന്കൈയെടുത്ത് നന്നാക്കി.
മഴക്കാലമായാല് പ്രവേശന ഭാഗം വെള്ളം കെട്ടി നിന്ന് ചെളിയാകുമായിരുന്നു. പ്രശ്നം പരിഹരിക്കണമെന്ന് നാട്ടുകാര് പലതവണ ആവശ്യപ്പെട്ടെങ്കിലും നേരത്തെ അധികൃതര് ചെവികൊണ്ടിരുന്നില്ല.
ചക്കിട്ടപാറ പഞ്ചായത്തില് അധികാരമേറ്റ പുതിയഭരണസമിതിയുടെ നേതൃത്വത്തിലാണ് മണ്ണിട്ടു നികത്തി സ്റ്റേഡിയം നന്നാക്കിയത്. ഉപജില്ലാ സ്കൂള് മേളകളും മറ്റു കായിക പരിപാടികളും പഞ്ചായത്തിന്റെ പൊതു പരിപാടികളും സ്റ്റേഡിയത്തില് നടത്തിയിരുന്നു.
കമ്മ്യൂണിറ്റി ഹാളും ഈ കോമ്പൗണ്ടിലാണ്. വനിതാ ഹോട്ടല്, പകല് വീട്, സിഡിഎസ് ഓഫീസ്, പൊതു ശൗചാലയം എന്നിവയെല്ലാം പ്രവര്ത്തിക്കുന്നതും സ്റ്റേഡിയം ഭാഗത്താണ്. എല്ഡിഎഫ് ഭരണം മാറി ചക്കിട്ടപാറ പഞ്ചായത്ത് യുഡിഎഫ് തിരിച്ചു പിടിച്ചതോടെ വെള്ളക്കെട്ട് രൂപപ്പെട്ടിരുന്ന ഭാഗം മണ്ണിട്ടു നികത്തി നന്നാക്കുകയായിരുന്നു.
Tags : nattu vishesham mud-damaged stadium