കിടങ്ങൂർ: പഞ്ചായത്തിലെ വിവിധ പ്രദേശങ്ങളിലെ മിനി മാസ്റ്റ് ലൈറ്റുകളിൽ സിസിടിവി നിരീക്ഷണ കാമറകൾ സ്ഥാപിച്ച പദ്ധതി മികച്ച മാതൃകയാണെന്ന് മന്ത്രി മോൻസ് ജോസഫ്. ജില്ലാ പഞ്ചായത്ത് പദ്ധതിയിൽ ഉൾപ്പെടുത്തി ജില്ലാ പഞ്ചായത്തംഗം ജോസ്മോൻ മുണ്ടയ്ക്കൽ അനുവദി ച്ച ഫണ്ട് ഉപയോഗിച്ച് മിനി മാസ്റ്റ് ലൈറ്റുകളിൽ നിരീക്ഷണ കാമറകൾ സ്ഥാപിച്ച പദ്ധതിയുടെ ഉദ്ഘാടനം നിർവഹിക്കുകയായിരുന്നു മന്ത്രി.
ചെലവ് കുറഞ്ഞ ഈ പദ്ധതി സംസ്ഥാനമൊട്ടാകെ മാതൃകയാക്കാൻ കഴിയുന്നതാണെന്നും മന്ത്രി മോൻസ് ജോസഫ് പറഞ്ഞു. പഞ്ചായത്ത് പ്രസിഡന്റ് ഗീത സുരേഷ് അധ്യക്ഷത വഹിച്ചു. ജില്ലാ പഞ്ചായത്തംഗം ജോസ്മോൻ മുണ്ടയ്ക്കൽ, ബ്ലോക്ക് പഞ്ചായത്തംഗങ്ങളായ ബോബി തോമസ്, ജ്യോതി ബാലകൃഷ്ണൻ, സഹകരണ ബാങ്ക് പ്രസിഡന്റ് സുരേഷ് നെച്ചിക്കാട്ടിൽ, ഡോ. മേഴ്സി ജോൺ, അശോക് കുമാർ പൂതമന തുടങ്ങിയവർ പ്രസംഗിച്ചു.
Tags : Local News Nattuvishesham Kottayam