19

കാ​യം​കു​ളം: ന​ഗ​ര​ത്തി​ൽ വീ​ടു​ക​ൾ കേ​ന്ദ്രീ​ക​രി​ച്ച് മോ​ഷ​ണ​വും മോ​ഷ​ണ​ശ്ര​മ​വും ന​ട​ന്നു. കാ​യം​കു​ളം പു​തി​യി​ടം സെ​ന്‍റ് മേ​രീ​സ് സ്കൂ​ളി​ന് തെ​ക്കു​വ​ശ​മു​ള്ള വീ​ടു​ക​ളി​ലാ​ണ് ക​വ​ർ​ച്ച​യും ക​വ​ർ​ച്ചാ​ശ്ര​മ​ങ്ങ​ളും ഉ​ണ്ടാ​യ​ത്. പ്ര​ദേ​ശ​ത്തെ ഒ​ന്നി​ല​ധി​കം വീ​ടു​ക​ളി​ൽ ഒ​രേ രാ​ത്രി​യി​ൽ മോ​ഷ്ടാ​ക്ക​ൾ ക​യ​റി​യ​ത് നാ​ട്ടു​കാ​രെ ഭീ​തി​യി​ലാ​ഴ്ത്തി​യി​രി​ക്കു​ക​യാ​ണ്.

ത​റ​യി​ൽ ജോ​സ് എ​ന്ന​യാ​ളു​ടെ വീ​ട്ടി​ൽനി​ന്നാ​ണ് പ​ണം ക​വ​ർ​ന്ന​ത്. മു​ൻ​വാ​തി​ലി​നോ​ട് ചേ​ർ​ന്നു​ള്ള ജ​നാ​ല​യു​ടെ ചി​ല്ല് ത​ക​ർ​ത്ത മോ​ഷ്ടാ​ക്ക​ൾ അ​തി​ലൂ​ടെ അ​ക​ത്തു​ണ്ടാ​യി​രു​ന്ന താ​ക്കോ​ലെ​ടു​ത്ത് വാ​തി​ൽ തു​റ​ന്നാ​ണ് അ​ക​ത്തു​ക​യ​റി​യ​ത്. തു​ട​ർ​ന്ന് ജോ​സി​ന്‍റെ ഷ​ർ​ട്ടി​ന്‍റെ പോ​ക്ക​റ്റി​ൽ സൂ​ക്ഷി​ച്ചി​രു​ന്ന ആ​റാ​യി​ര​ത്തോ​ളം രൂ​പ ക​വ​രു​ക​യാ​യി​രു​ന്നു.

കി​ട​പ്പു​മു​റി​യി​ലെ അ​ല​മാ​ര​ക​ൾ മു​ഴു​വ​ൻ തു​റ​ന്ന് പ​രി​ശോ​ധി​ച്ച നി​ല​യി​ലാ​ണ്. ഈ ​വീ​ടി​ന് എ​തി​ർ​വ​ശ​ത്തു​ള്ള വാ​സു​നി​കേ​ത​ൻ എ​ന്ന വീ​ട്ടി​ലും സ​മാ​ന​മാ​യരീ​തി​യി​ൽ മോ​ഷ​ണ​ശ്ര​മം ന​ട​ന്നു. മോ​ഷ്ടാ​ക്ക​ൾ എ​ത്തു​ന്ന സ​മ​യ​ത്ത് വീ​ട്ടു​കാ​ർ സ്ഥ​ല​ത്തു​ണ്ടാ​യി​രു​ന്നി​ല്ല. മോ​ഷ​ണ​വി​വ​രം പു​റ​ത്ത​റി​യാ​തി​രി​ക്കാ​ൻ വീ​ട്ടി​ലെ സി​സി​ടി​വി കാ​മ​റ​ക​ൾ ത​ല്ലി​ത്ത​ക​ർ​ക്കു​ക​യും ദൃ​ശ്യ​ങ്ങ​ൾ റെ​ക്കോ​ർ​ഡ് ചെ​യ്യു​ന്ന ഡി​വി​ആ​ർ എ​ടു​ത്തുകൊ​ണ്ടു​പോ​കു​ക​യും ചെ​യ്തു.

വീ​ട്ടു​കാ​ർ തി​രി​ച്ചെ​ത്തി​യാ​ൽ മാ​ത്ര​മേ ഇ​വി​ടെനി​ന്ന് എ​ന്തെ​ങ്കി​ലും ന​ഷ്ട​പ്പെ​ട്ടി​ട്ടു​ണ്ടോ എ​ന്ന് വ്യ​ക്ത​മാ​കൂ. ​ഇ​വ​യ്ക്കു പു​റ​മേ സ​മീ​പ​ത്തു​ള്ള മ​റ്റ് ര​ണ്ടു വീ​ടു​ക​ളി​ലും മോ​ഷ്ടാ​ക്ക​ൾ ക​യ​റാ​ൻ ശ്ര​മി​ച്ചി​ട്ടു​ണ്ട്. പ്ര​ദേ​ശ​ത്ത് മോ​ഷ്ടാ​ക്ക​ളു​ടെ ശ​ല്യം രൂ​ക്ഷ​മാ​യ സാ​ഹ​ച​ര്യ​ത്തി​ൽ രാ​ത്രി​കാ​ല​ങ്ങ​ളി​ൽ പോ​ലീ​സ് പ​ട്രോ​ളിം​ഗ് ശ​ക്ത​മാ​ക്ക​ണ​മെ​ന്ന് നാ​ട്ടു​കാ​ർ ആ​വ​ശ്യ​പ്പെ​ട്ടു. സം​ഭ​വ​ത്തെത്തുട​ർ​ന്ന് കാ​യം​കു​ളം പോ​ലീ​സ് സ്ഥ​ല​ത്തെ​ത്തി അ​ന്വേ​ഷ​ണം ഊ​ർ​ജി​ത​മാ​ക്കി.

Tags : Nattuvishesham Local News Theft in houses Kayamkulam